آخر التعاليق

ليه القلق بس دهوه

07/04/2019 على الساعة 20.22:47
من طرف loaye


ويقولوا قال جمالك مالوش مثيل ...

07/04/2019 على الساعة 20.21:43
من طرف loaye


كان انسان احلى لسان

07/04/2019 على الساعة 19.22:46
من طرف admin


انسى اللى فات وارجع لى تانى

07/04/2019 على الساعة 19.22:10
من طرف admin


ياتقولى بس مالك ياتلملمى ف عزالك ...

07/04/2019 على الساعة 19.21:25
من طرف admin


طبع الهوى فيه العجايب

07/04/2019 على الساعة 19.20:39
من طرف admin


غيّب ما جاليش حتى ما قاليش ...

07/04/2019 على الساعة 19.19:52
من طرف admin


بدرى لسه يا حياتى ع النهايه ...

07/04/2019 على الساعة 19.19:03
من طرف admin


ولو قلبى طاوعنى زمان

07/04/2019 على الساعة 19.18:14
من طرف admin


لجل السنين ما تعدىّ بيّا

07/04/2019 على الساعة 19.17:08
من طرف admin


وكل ما ايدى تبنى السور

07/04/2019 على الساعة 19.16:29
من طرف admin


سيبت الجلب ف نار بيعانى

07/04/2019 على الساعة 19.15:53
من طرف admin


لا نا عايزه اتوه ولا اضيع ...

07/04/2019 على الساعة 19.15:00
من طرف admin


ضلمت انوارك وشمسك

07/04/2019 على الساعة 19.14:00
من طرف admin


لو حتطوعى حكون لك شاكر

07/04/2019 على الساعة 19.13:09
من طرف admin


يومية

أبريل 2019
الإثنينالثلاثاءالأربعاءالخميسالجمعةالسبتالأحد
 << < > >>
1234567
891011121314
15161718192021
22232425262728
2930     

المتصلون الآن؟

عضو: 0
زوار: 3

الكلمات المحورية.

إعلان

اختيار التصميم



الروابط

رافت توفيق ( FIKOO )

25 يناير 2016 - 20.59:14

رباعيات صلاح جاهين

 




رباعيات صلاح جاهين 

خرج ابن آدم من العدم قلت : ياه 
رجع ابن آدم للعدم قلت : ياه 
تراب بيحيا ... وحي بيصير تراب 
الأصل هو الموت ولا الحياه ؟ 
عجبي !!! 
ضريح رخام فيه السعيد اندفن 
و حفره فيها الشريد من غير كفن 
مريت عليهم .. قلت يا للعجب 
لاتنين ريحتهم لها نفس العفن 
عجبي !!! 
ياما صادفت صحاب و ما صاحبتهمش 
و كاسات خمور و شراب و ما شربتهمش 
أندم علي الفرص اللي أنا سبتهم 
و الا علي الفرص اللي ما سبتهمش 
عجبي !! 
و الكون ده كيف موجود من غير حدود 
و فيه عقارب ليه و تعابين ودود ؟؟ 
عالم مجرب فات و قال سلامات 
ده ياما فيه سؤالات من غير ردود 
عجبي !!! 
أنا شاب لكن عمري ألف عام 
وحيد لكن بين ضلوعي زحام 
خايف و لكن خوفي مني أنا 
أخرس و لكن قلبي مليان كلام 
عجبي !!!! 
يا باب يا مقفول ... إمتي الدخول 
صبرت ياما و اللي يصبر ينول 
دقيت سنين ... و الرد يرجع لي : مين ؟ 
لو كنت عارف مين أنا كنت أقول 
عجبي !!!

أحب أعيش ولو في الغابات 
أصحي كما ولدتني أمي و ابات 
طائر .. حوان.. حشرة .. بشر ..بس أعيش 
محلا الحياة.. حتي في هيئة نبات 
عجبي !! 
سهّير ليالي و ياما لفيت و طفت 
و ف ليه راجع في الضلام قمت شفت 
الخوف ... كأنه كلب سد الطريق 
و كنت عاوز أقتله .. بس خفت 
عجبي !! 
كان فيه زمان سحليه طول فرسخين 
كهفين عيونها و خشمها بربخين 
ماتت لكين الرعب لم عمره مات 
مع إنه فات بدل التاريخ تاريخين 
عجبي !! 
عجبتني كلمة من كلام الورق 
النور شرق من بين حروفها و برق 
حبيت أشيلها ف قلبي .. قالت حرام 
ده أنا كل قلب دخلت فيه اتحرق

عجبي !!! 
رقبه إزازة و قلبي فيها انحشر 
شربت كاس و اتنين و خامس عشر 
صاحبت ناس م الخمرة ترجع وحوش 
و صاحبت ناس م الخمرة ترجع بشر 
عجبي !!!! 
ليه يا حبيبتي ما بيننا دايما سفر 
ده البعد ذنب كبير لا يغتفر 
ليه يا حبيبتي ما بيننا دايما بحور 
أعدي بحر ألاقي غيره اتحفر 
عجبي !!!

ورا كل شباك ألف عين مفتوحين 
و انا وانتي ماشيين يا غرامي الحزين 
لو التصقنا نموت بضربة حجر 
و لو افترقنا نموت متحسرين 
عجبي !!! 
نوح راح لحاله و الطوفان استمر 
مركبنا تايهه لسه مش لاقيه بر 
آه م الطوفان وآهين يا بر الأمان 
إزاي تبان و الدنيا غرقانه شر 
عجبي !! 
علي رجلي دم .. نظرت له ما احتملت 
علي إيدي دم.. سألت ليه ؟ لم وصلت 
علي كتفي دم.. و حتي علي رأسي دم 
أنا كلي دم .. قَتلت ؟ ..... والا اتقتلت

عجبي !! 
انا كل يوم أسمع ........ فلان عذبوه 
أسرح في بغداد و الجزاير واتوه 
ما أعجبش م اللي يطيق بجسمه العذاب 
و اعجب من اللي يطيق يعذب أخوه 
عجبي !!! 
ينبوع و في الحواديت أنا سمعت عنه 
إنه عجيب .. و ف وسط لهاليب لكنه 
شقيت كما الفرسان طريقي .. لقيت 
حتى الخنازير و الكلاب شربوا منه 
عجبي !!!! 
يا قرص شمس ما لهش قبة سما 
يا ورد من غير أرض شب و نما 
يا أي معني جميل سمعنا عليه 
الخلق ليه عايشين حياه مؤلمة ؟؟ !! 
عجبي !!!

شاف الطبيب جرحي وصف له الأمل 
وعطاني منه مقام يا دوب ما اندمل 
مجروح جديد يا طبيب و جرحي لهيب 
ودواك فرغ مني .... و إيه العمل 
عجبي !!! 
أعرف عيون هي الجمال و الحسن 
و اعرف عيون تاخد القلوب بالحضن 
و عيون مخيفة و قاسية وعيون كتير 
وباحس فيهم كلهم بالحزن 
عجبي !! 
إيش تطلبي يا نفس فوق كل ده 
حظك بيضحك و انتي متنكده 
ردت قالت لي النفس : قول للبشر 
ما يبصوليش بعيون حزينة كده 
عجبي !! 
إقلع غماك يا تور وارفض تلف 
إكسر تروس الساقية و اشتم وتف 
قال : بس خطوة كمان .. وخطوة كمان 
يا اوصل نهاية السكة يا البير تجف 
عجبي !!! 
يا حزين يا قُمقُم تحت بحر الضياع 
حزين أنا زيك و إيه مستطاع 
الحزن ما بقالهوش جلال يا جدع 
الحزن زي البرد ... زي الصداع 
عجبي !!!! 
في يوم صحيت شاعر براحة و صفا 
الهم زال و الحزن راح و اختفي 
خدني العجب و سألت روحي سؤال 
أنا مت ؟ و لا وصلت للفلسفة 
عجبي !!!

الفيلسوف قاعد يفكر سيبوه 
لا تعملوه سلطان و لا تصلبوه 
ما تعرفوش إن الفلاسفه يا هوه 
اللي يقولوه بيرجعوا يكدبوه 
عجبي !!! 
علي بعد مليون ميل من أرضنا 
من الفراغ الكوني بصيت أنا 
لا شفت فرق بين جبال و بحور 
و لا شفت فرق ما بين عذاب أو هنا 
عجبي !! 
إنسان أيا إنسان ما أجهلك 
ما أتفهك في الكون و ما أضألك 
شمس وقمر و سدوم و ملايين نجوم 
و فاكرها يا موهوم مخلوقه لك 
عجبي !! 
نظرت فوق للنجوم و انا ساير 
رجليا عترت في الحفر و الحجاير 
بقيت أقول و انا ع التراب: يا سلام 
مش بس عبره أخذت لكن عباير 
عجبي !!! 
يا نجم .. نورك ليه كده بيرتجف ؟ 
هو انت قنديل زيت ؟ أو تختلف 
أنا نجم عالي .. بس عالي قوي 
و كل ما انظر تحت اخاف انحدف 
عجبي !!!! 
السم لو كان في الدوا منين يضر ؟ 
و الموت لو عدونا .. منين يسر؟ 
حط القلم في الحبر و اكتب كمان 
و العبد للشهوات .. منين هو حر؟ 
عجبي !!!

وقفت بين شطين علي قنطـــرة 
الكدب فين و الصدق فيــن يا تري 
محتار ح اموت .. الحوت خرج لي وقالي 
هو الكلام يتقـــاس بالمســـطرة 
عجبي !!! 
سرداب في مستشفي الولاده طويل 
صرخات عذاب ورا كل باب وعويل

وفي الطــــــريق متزوقين البنات 
متزوقــــين للحب و المواويل 
عجبي !! 
الدنيا أوده كـــبيره للانتظار 
فيها ابن أدم زيه زي الحـــمار 
الهم واحد .. و الملل مشـــترك 
و مفيش حمار بيحاول الانتــحار 
عجبي !! 
أيوب رماه البين بكل العـــــــــلل 
سبع سنين مرضان وعنده شلل 
الصــــبر طيب .. صبر أيوب شفاه 
بس الأكـــــــــاده مات بفعل الملل 
عجبي !!! 
نسمة ربيع لكن بتكوي الوشـــــــوش 
طيور جميلة بس من غير عشـــوش 
قلوب بتخفق إنما وحـــــــــــــــــد ها 
هي الحياه كده .. كلها في الفاشوش 
عجبي !!!! 
يا طير يا عالي في السـما طظ فيك 
ما تفتكرشي ربنا مصطــــــف يك 
برضـــك بتاكل دود و للطين تعًًًًودً 
تمــص فيه يا حلو .. و يمص فيك 
عجبي !!!

كروان جريح مضروب شعاع م القمر 
سقط من السموات فؤاده انكســــر 
جريت عليه قطه علشان تبلعــــه 
أتاريه خيال شعراء و مالهـــــوش أثر 
عجبي !!! 
ياللي نصحت الناس بشـــرب النبيت 
مع بنت حلوه .. وعود , وضحك , وحديت 
مش كنت تنصحهم منين يكســـب وا 
تمن ده كله ؟ ... و الا يمكن نســـيت 
عجبي !! 
ما حد في الدنيا واخد جزاتــه 
و لا حــــد بيفكر في غير لذاذاته 
ما تعرفيش يا حبيبتي .. أنا و انتي مين؟ 
إنتي عروس النيل ... و أنا النيل بذاته 
عجبي !! 
رقاصه خرسا و رقصه من غير نغــم 
دنيا . . يا مين يصالحها قبل النــدم 
ساعتين تهز بوجههــــــا يعنـي 
يترجرجوا نهديها يعني نعــــــم 
عجبي !!! 
إخطفني ياللي تحبني ع الحصان 
الدنيا قالت يوم في ماضي الزمان 
إخطفني ياللي تحبني ع الـــــفرس 
الدنيا قالت .. قام خطفها الشيطان 
عجبي !!!! 
من بين شقوق الشيش و شقشقت لك 
مع شهقة العصافير و زقزقــت لك 
نهار جديد انا . . قوم نشوف نعــمليه 
انا قلت يا ح تقتلني .. يا ح اقــــتلك 
عجبي !!!

جالك أوان ووقفت موقف وجـــود

يا تجود بده يا قلبي يا بده تجــــود

ما حد يقدر يبقي علي كل شـــــــئ

مع إن – عجبي – كل شئ موجود

عجبي !!!

جالك اوان وعرفت مشي الجنايـــز

كيف شفتها يا عبد رب اللذايــــــذ

قال : شفت شيل بالحيل فقير أو اميـر

كما شالوا في الخمامير فواضي القزايز

عجبي !!

أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

عجبي !!

يا مشرط الجراح أمانة علـــــــــــيك

و انت ف حشايا تبص من حواليــك

فيه نقطة سوده في قلبي بدأت تبان

شيلها كمان .. و الفضل يرجع إليك

عجبي !!!

كيف شفت قلبي و النبي يا طبيــب

همد و مات و الا سامع له دبيــب

قاللي لقيته مختنق بالدمــــوع

و ما لوش دوا غير لمسه من إيد حبيب

عجبي !!!!

تسلم يا غصن الخوخ يا عود الحطــب

بييجي الربيع .. تطلــع زهورك عجب

و انا ليه بيمضــي ربيع وييجي ربيع

و لسه برضك قلــبي حتة خشب

عجبي !!!

 





· شوهد 294 مرة · تعليق 1
مُشاطرة هذه المقالة على: del.icio.us · Digg · Furl · Google · Scuttle · Yahoo · 

رابطة دائمة توجه نحو المقالة بأكملها

http://31febrayer.ahlablog.com/NCYE-EaYi-b1/NECUiCE-OaCI-ICaia-b1-p842.htm

التعاليق

هذا التعليق وضع من طرف: foaad [ زائر ]
لاالشكوى نفعت ولا المساعى
   01/03/2016 على الساعة 18.50:35

وضع تعليق

مرتبة التعاليق الجديدة: تم نشره





سيتم اظهار رابطك (Url)


المرجوا أن تُدخل الرمز الموجود في الصور


نص التعليق

خيارات
   (حفظ الإسم, البريد الإلكتروني و الرابط في الكوكيز.)