آخر التعاليق

شهر رمضان الكريم بعد غد الخميس ...

15/05/2018 على الساعة 20.00:26
من طرف shawki


شهر رمضان الكريم بعد غد الخميس ...

15/05/2018 على الساعة 19.59:40
من طرف shawki


بس لو تعرف تحـب

01/05/2018 على الساعة 01.07:52
من طرف admin


طبع الزمان غريب عجيب

01/05/2018 على الساعة 00.16:01
من طرف admin


طال الزمان ولاّقصر

30/04/2018 على الساعة 23.55:02
من طرف admin


يا ويح نفسي من حزن وأشواقي. أكلف ...

08/02/2018 على الساعة 17.26:04
من طرف wegdan


رب القلوب هو اللى عالم يارافت

08/02/2018 على الساعة 17.22:08
من طرف wegdan


رجعت من تانى ياقاسى بتشتكى وتقول ...

08/02/2018 على الساعة 17.18:51
من طرف wegdan


يا بعيد الدار عن عينى ومن ...

08/02/2018 على الساعة 17.15:25
من طرف wegdan


اين انت الان بل اين ...

08/02/2018 على الساعة 17.11:26
من طرف wegdan


وعجبى

06/02/2018 على الساعة 20.09:12
من طرف شاكر


اظن يعنى كدا كفايه ايوه ...

06/02/2018 على الساعة 16.21:07
من طرف wahed


لست ادرى ياحبيبى يا حبيبى من ...

06/02/2018 على الساعة 00.57:57
من طرف raaf


انظر الآن فى مرآتك لترى نفسك ...

05/02/2018 على الساعة 18.23:20
من طرف mofeed


اتعدمتى ليه ياصحه

05/02/2018 على الساعة 01.24:21
من طرف raaf


يومية

أكتوبر 2018
الإثنينالثلاثاءالأربعاءالخميسالجمعةالسبتالأحد
 << < > >>
1234567
891011121314
15161718192021
22232425262728
293031    

المتصلون الآن؟

عضو: 0
زوار: 2

الكلمات المحورية.

إعلان

اختيار التصميم



الروابط

رافت توفيق ( FIKOO )

11 يناير 2012 - 21.28:08

بيرم التونسى امير الزجالين

 

بيرم التونسى امير الزجالين
يقول فاضحا الحكومة 

أربع عساكر جبابرة يفتحوا برلين 
ساحبين بتاعة حلاوة جاية من شربين 
شايلة علي كتفها عيل عينيه وارمين 
والصاج علي مخها يرقص شمال ويمين 
إيه الحكاية يابيه؟ 
قال خالفت الجوانين 
اشمعني مليون حرامي في البلد سارحين 
يمزعوا في الجيوب ويكسروا الدكاكين 
أسأل وزير الشئون ولا اكلم مين؟‏!‏ 

ويقول للجنيه

هبط الجنيه من قمّته و المليونيرضج و لطم
و لما تهبط ذمته الحزن ينساه و الألم
و لما تسقط حرمته يظن روحه محترم
عنده الجنيهات كل شيء و كل شيء غيرها عدم

* * *

أما الفقير قام و استجار و من الهلع قلبه انخلع
بايت يفكر .. ليل نهار ليرتفع سعر السلع
و اللحمه اهيه و الخضار أسعرها حتسوق الدلع
ياما الجنيه رخّص رجال و غَلىَّ أسعار الغنم

* * *

دي جيفه منتنه صار ابن آدم عبدها
فليسقط الصنم الجنيه اللي بتسجد له الأمم

العامل المصرى
ليه امشى حافى ،ونا بنيت مراكيبكم
ليه فرشى عريان،ونا منجّد مراتبكم
ليه بيتى خربان ،ونا نجّار دواليبكم
هى كده قسمتى؟ الله يحاسبكم!

ساكنين علالى العتب،ونا اللى بانيها
فارشين مفارش قصب،ناسج حواشيها
قانيين سواقى دهب،ونا اللى ادور فيها
يارب ماهوش حسد  لكن بعاتبكم

من الصباح للمسا،والمطرقه فيدى
صابر على دى الاسا ! حتى نهار عيدى
ابن السبيل انكسى،واسحب هرابيدى
تتعروا من مشيتى  واخجل اخاطبكم

ليه تهدمونى وناللى عزكم بانى
انا اللى فوق جسمكم قطنى وكتانى
عيلتى فى يوم دفنتى مالقيتش اكفانى
حتى الاسيّه ونا راحل وسايبكم؟



كمان مرة....

الاوله اه .... والتانية اه.....والتالتة اه...
الاوله آه...والتانيه آه....والتالته آه...
الاوله شطبت تونس من 
الاسلام وجزاير طواها البين
والتانيه تحكم بلاد الهند والاهرام بأشاير وغمزة عين
والتالته حطت على حكم العراق والشام بذخاير وطيارتين

الاوله لما كل المسلمين صارت .....خدم وعبيد
والتانيه حطوا بناتهم قشلاقات فارت ....بنار وحديد
والتالته أسعارنا فى سوق الغنم بارت ....نهار العيد

الاوله أمه خايبه....والتاريخ معلوم
والتانيه جات ضربه صايبه ....من بلاد الروم
والتالته قول جاتنا نايبه....والكلام مفهوم

الاوله آه...والتانيه آه....والتالته آه...


الخادمه

سبع سنين عمرها   جايبنها من سنباط
تخدم حداشر نفر   ساكنين فى اخر كاط
هانم عجوزكالخفر  سايقه الخدم بسياط
عشان ليمونه فقط    تنزل سبع اشواط
وتقضى ليل ونهار تغسل صحون وبلاط
والبيه معاش واتركن فى حاله اشمئناط
طول النهار تشترى    فى ادويه ورباط
وواد مدلع قوى      ما ينقطع له عياط
يلزق على كتفها        كلزقه الوطواط
وشهرها بريال      مدفوع على اقساط



يا بــنت باني الهرم 

يابنت بانى الهرم لمي هلاليلك 
و البرقع اللي انخرم ويا مناديلك
يكفي لومان في الحرم في قيد خلاخيلك
ما شفت زيك سجين ساكت و متاوي
غلبت اقول للرجال خلوا المره حره
تخش رخره المجال تفهم و تـتـدرى

العاقله بنت الحلال ما يضرهاش بره
لكن بتنصح ف مين روس جامده صنطاوي
جهل النسا بالعلوم خلانا انتيكه
نفهم في فن الهدوم رقعه و تشتيكه
وفي البلد عالعموم ما تلقى فابريكه
غير فابريكات الطحين فليحيا بدراوي


راية ولاد العرب في الارض منكوسه
طول عمرها و السبب احسان و نفوسه
والله اللي قال ما كدب نسوانا موكوسه
حتى اللي متعلمين بردون يا شعراوي

عجلى ملخبط

عجلي ملخبط يا خلايج و عنيه مزغللين

من نسوانك يا فرنسا البيض العريانين
يا صلاة الزين يا ما شا الله يا ولاد عالنساوين 
على شط السين يا محمد نايمين و ممدين
واحده عاتعوم في الميه و التانيه في الكابين
لابسين خلجات للركبه دايبين و مجطعين
و اللحم زبده طريه كاسياه الفساتين
مطرح ما دوس و اطبش ملجاشي الا عجين
ونا هاتعجب يا خوانا يخرب عجلي التخين
اشمعني جفاهم ابيض و جفايا زي الطين
ونا ناشف ليه و معضم ودولاته متختخين
*****
والله صغير يا محمد حبسوك سبع سنين

و امك عاتجول يا محمد واختك يا محمدين
وجرايب جرعت باشا لابسين النياشين
تلقاهم في الجزيره قاعدين و مفرشين
للبيه منهم تكريعه يسمعها اللي ف شبين
صدج من قال بلادنا دي بلاد المنفوخين 
بالبنطلون و الستره عاملين متمدنين
ليل ونهار يا حبايب مساطيل و منزلين
ما يشوفوا الطور من النعجه و الفرخه م الهاجين
ابكي عليك يا معوض مسكين والله مسكين
وحديك قاعد و حبايبك في البلدان مزعوطين
زغلول باشا المجاهد في بلاد العيانين
والسلطه العسكريه قطعت ايدي اليمين
و اللورد له اوامر مكتوبه عالجبين
لا البرلمان يمسحها و لا حتى الشياطين


· شوهد 1647 مرة · تعليق 1
الفئات: الفئة الأولى
مُشاطرة هذه المقالة على: del.icio.us · Digg · Furl · Google · Scuttle · Yahoo · 

رابطة دائمة توجه نحو المقالة بأكملها

http://31febrayer.ahlablog.com/NCYE-EaYi-b1/EiNa-CaEaaOi-CaiN-CaOICaia-b1-p442.htm

التعاليق

هذا التعليق وضع من طرف: gomaa [ زائر ]
good
   15/05/2015 على الساعة 12.29:39

وضع تعليق

مرتبة التعاليق الجديدة: تم نشره





سيتم اظهار رابطك (Url)


المرجوا أن تُدخل الرمز الموجود في الصور


نص التعليق

خيارات
   (حفظ الإسم, البريد الإلكتروني و الرابط في الكوكيز.)