آخر التعاليق

ليه القلق بس دهوه

07/04/2019 على الساعة 20.22:47
من طرف loaye


ويقولوا قال جمالك مالوش مثيل ...

07/04/2019 على الساعة 20.21:43
من طرف loaye


كان انسان احلى لسان

07/04/2019 على الساعة 19.22:46
من طرف admin


انسى اللى فات وارجع لى تانى

07/04/2019 على الساعة 19.22:10
من طرف admin


ياتقولى بس مالك ياتلملمى ف عزالك ...

07/04/2019 على الساعة 19.21:25
من طرف admin


طبع الهوى فيه العجايب

07/04/2019 على الساعة 19.20:39
من طرف admin


غيّب ما جاليش حتى ما قاليش ...

07/04/2019 على الساعة 19.19:52
من طرف admin


بدرى لسه يا حياتى ع النهايه ...

07/04/2019 على الساعة 19.19:03
من طرف admin


ولو قلبى طاوعنى زمان

07/04/2019 على الساعة 19.18:14
من طرف admin


لجل السنين ما تعدىّ بيّا

07/04/2019 على الساعة 19.17:08
من طرف admin


وكل ما ايدى تبنى السور

07/04/2019 على الساعة 19.16:29
من طرف admin


سيبت الجلب ف نار بيعانى

07/04/2019 على الساعة 19.15:53
من طرف admin


لا نا عايزه اتوه ولا اضيع ...

07/04/2019 على الساعة 19.15:00
من طرف admin


ضلمت انوارك وشمسك

07/04/2019 على الساعة 19.14:00
من طرف admin


لو حتطوعى حكون لك شاكر

07/04/2019 على الساعة 19.13:09
من طرف admin


يومية

يناير 2019
الإثنينالثلاثاءالأربعاءالخميسالجمعةالسبتالأحد
 << <أبريل 2019> >>
 123456
78910111213
14151617181920
21222324252627
28293031   

المتصلون الآن؟

عضو: 0
زوار: 3

الكلمات المحورية.

إعلان

اختيار التصميم



الروابط

رافت توفيق ( FIKOO )

معاينة المقالات المرسلة في: يناير 2019

04 يناير 2019 
 

مهما طالت الدنيا فهى قصيره
ومهما عظمت الدنيا فهى حقيره


admin · شوهد 340 مرة · تعليق 1
09 يناير 2019 


ابنى حبيبى جميل امور بنتى حبيبتى كمان اموره
انا فرحان بيهم وفخور  ماما كمان زييّّّّّ فخوره
ربى يخلى ابنى وبنتى  هما حياتى وزهر جنينتى
انتم عندى احلى هديه  ربى عطاها لماما وليا  

ابنى حبيبى الامور ايمن   شاطر جدا ونبيه دايما
بابا وماما يحبوه اصله    طالع اول تلاميذ فصله
فوق عن كدا ادبه واخلاقه بين اصحابه ومع زملاءه
ربى يديمك ليا يا ابنى  تخدم بلدك وتعيش تبنى
ويخليلى ابنى وبنتى   هما حياتى وزهر جنينتى
انتم عندى احلى هديه   ربى عطاها لماما وليا  

برضو حبيبتى الغاليه ايمان  شاطره وطالعه الاولى كمان
لما بترحع من دراستها    تعمل حاجه سنين مانسته
ابوسه لبابا وبوسه لماما    بوسه بتطلع منها طعامه
ربى يبارك فبكى يا بنتى   وادى حياتى عشانك انتى
ربى يخلى ابنى وبنتى     هما حياتى وزهر جنينتى
انتم عندى احلى هديه   ربى عطاها لماما وليا


admin · شوهد 490 مرة · 2 تعليق
09 يناير 2019 

 

لو خفت على طيرك  ما تسيبه متريش

عمره ف شجر غيرك  ما يحط ويعشش

قصقص جناحاته  ون عاد يطير هاتو

واقفل في شباكك  ما تسيبه متشيش


admin · شوهد 422 مرة · تعليق 1
09 يناير 2019 


صبرت ونلت من صبرى الاسى والمر

وقلت ياليل طولت قصرت اكيد ح تمر

ضحك لى الليل وقال   يااهبل

ح امر سواد   وكالمعتاد

عشان الناس عليك بتقر

 


admin · شوهد 376 مرة · تعليق 1
09 يناير 2019 


زرعت الشك جوايا ونا الشك يقلقنى

يهد سعادتى وهنايا ون اتمكن ما يعتقنى

يلخبط صبحى في مسايا وناره الحاميه تحرقنى

ولا اعرفش له نهايه يا تلحق يا .....ما تلحقنى 


admin · شوهد 400 مرة · تعليق 1
09 يناير 2019 





بحبك موت ودايب فيك ولا وصف القمر يوفيك

ودورت ف كلام الشوق مانيش لاقى كلام يكفيك

يكون ما تقالش لسه جديد ويوصف كل ميـزه  فيك

 

حاولت كتيرماخد قلبى على السكه اللى فيها الاه

ولو صمم على عشقك ما طاوعهوش ولا امشى وراه

وكل ما اقول لقلبى يتوب الاقى الحب فيه بيزيد

وكل ما ايدى تبنى السور اروح هدمه بنفس الايد

ودورت ف كلام الشوق  مانيش لاقى كلام يكفيك

يكون ما تقالش لسه جديد ويوصف كل ميـزه  فيك


 


admin · شوهد 796 مرة · تعليق 1
09 يناير 2019 


ياارق طيف ف نور حياتى    واحب ضيف جه زار حياتى

من يوم ما سيبتك ودقت غيبتك ما تشوف عنيّا النوم ليلاتى

ما بايدى غير اسرح واحلم     واعيش فى احلى زكرياتى

 

ياشريك فى عمرى يارفيق طريقى مشيت وسيبتك ما كان ارادتى

معقول بايدى اشعل حريقى   ولاّ بروحى اهدم سعادتى

دا النصيب فرٌق وجودنا ما حد يعرف فين نصيبه

والنصيب لو كان بايدنا ما كان حبيب فارق حبيبه

بفضل يوماتى استنّى فيك واحلم ياروحى بامتى اجيك

قضيت معاك عمرى اللى فات حتى اللى جاى راح اعيشه ليك

وبتسأل انت لحد امتى ح اكتم فى قلبى واسرح واحلم

يمكن قوام او ع الدوام الغيب مخبىّ والله اعلم

من يوم ما سيبتك ودقت غيبتك ما تشوف عنيّا النوم ليلاتى

ما بايدى غير اسرح واحلم واعيش فى احلى زكرياتى

 

حبيب حياتى بكل شوق قلبى وحنينى

بعيش يوماتى احلم تجبنى وتنادينى

واسهر ليلاتى اسرح فى طيفك بيلاغينى

بستنّى فيك واتمنّى لو يجرى الزمن وارجع اضمك بين ضلوعى

وساعتها بيك ح افرح واطير  وف اقوى ريح افرد قلوعى

وبتسأل انت لحد امتى ح اكتم فى قلبى واسرح واحلم

يمكن قوام او ع الدوام الغيب مخبىّ والله اعلم

من يوم ما سيبتك ودقت غيبتك ما تشوف عنيّا النوم ليلاتى

ما بايدى غير اسرح واحلم واعيش فى احلى زكرياتى

 

الظروف كات اقوى منّى ومنّك والفراق كان غصّب عنّى وعنّك

ما حد منّا بايده كان يمنع فراقنا ولا حد منّا قدر يغيّر ما بدأنا

والفراق كان قبل منّا وجه سبقنا

وقالولى الناس انساك واعيش انا قلت ياناس بس انسى ازاى

دا حبيبى يا ناس ونا غيره ما ليش ون طال البعد اهو لازم جاى

ومسير الغيبه لها نهايه ومسيره ف يوم يبقى معايا

ومسير الاحلام تتحقق والنور من تانى رحيشقشق

وبتسأل انت لحد امتى ح اكتم فى قلبى واسرح واحلم

يمكن قوام او ع الدوام الغيب مخبىّ والله اعلم

من يوم ما سيبتك ودقت غيبتك ما تشوف عنيّا النوم ليلاتى

ما بايدى غير اسرح واحلم واعيش فى احلى زكرياتى


admin · شوهد 396 مرة · تعليق 1
09 يناير 2019 


يادنيه الاحزان ولّى    خلاص حبيبى رجع مال لى

وجه لحد الباب قال لى  افتح لى بابك تانى ياغزال

 

يادنيه الاشجان غيبى   رجع لى من تانى حبيبى

شايل فى ايده مكاتيبى  وقال لى غدر الايام زال

يادنيه الاوجاع روحى    وبوحى بالاسرار بوحى

مدام معايا حبيب روحى ما عودنا بنخاف م العزال

 

يادنيه المجاريح خفّى      ولوجتينا قوام لفّى

الا ان جتينا وبتزفى   خبر يقول جرحك فى زوال



admin · شوهد 345 مرة · تعليق 1
09 يناير 2019 


  


admin · شوهد 402 مرة · تعليق 1
23 يناير 2019 



بصحا العيون متشوقه وشاغلها خوف زايد عليك

وانام وهى مشعلقه بين السقوف سرحانه فيك

واتذكرك بالمعلقه   لما تكون مليانه سكر

اشتقت لك ارجع بقى وتعالى يوم اسأل وشأر

بسأل عليك يامين لقا  بين النجوم نجمايا اكبر

فوق الرموش متعلقه صورتك ياروح الروح يااسمر

بصحا العيون متشوقه وف كل يوم تشتاق اليك

وانام وهى مشعلقه بين السقوف سرحانه فيك



admin · شوهد 690 مرة · تعليق 1
23 يناير 2019 




admin · شوهد 453 مرة · تعليق 1
23 يناير 2019 


انا بايته قال ومقسمه  جايّه الليالى منسمه

هجرت قلبى وفتنى  رقبتى زى السمسمه


admin · شوهد 770 مرة · تعليق 1
23 يناير 2019 


بيقولو عليك كل اللى شافوك انك غدار ومالكش امان

ولا جابش ف يوم الدهر اخوك ولا زيك شافو ف اى زمان

ونويت تأجيل الحكم عليك  

وحكون مشتاق لك برضو واجيك

وراح افضل امشى طريقى وياك

لما اعرف واكشف ايه نوياك

وساعتها اشوف اخرتها معاك  اخرتها معاك

 

وقالولى عليك مين كانوعشقوك   انك نساى للود وخاين

ماشفوش يوم منك وفا لوعود 

ولا ورده من اللى زرعته جناين

واللى بيشرح لى ف اى كلام  اول م اتعرف بيك كان خام

حبك فات مره عليه ورّاه   الويل وسهرولا داقش منام

ونا برضوح امشى طريقى وياك 

لما اعرف واكشف ايه نوياك

وساعتها اشوف اخرتها معاك  اخرتها معاك

 

وقالولى عليك اللى معاشرين

اليوم فى هواك بيفوت عشرين

توعد راح تييجى ف شهر ازار وتهل يادوب اول تشرين

ولو انى بحبك بس حعود  واقول نساى للود وخاين

ولا شفتش منك وفا لوعود 

ولا ورده من اللى زرعته جناين


admin · شوهد 421 مرة · تعليق 1
23 يناير 2019 


 

 

 

اشكى منك ! لآ فشر

انتى مش زى البشر

انتى واقفه ف قلب زورى

زى مبرد واتحشر

بس جايز تبقى احسن

لو لسانك يتنشر

 


admin · شوهد 412 مرة · تعليق 1
25 يناير 2019 
فات الاوان يامبذره خايفين عليكى الفرقعه


admin · شوهد 378 مرة · تعليق 1
25 يناير 2019 


بكاش ياجميل يا ابو البكاكيش 
خليتنى اميل وتروح ما تجيش
والف واجيلك بالمرات مالاقيك واتريك ملك التطنيش
ياجميل اتريك ملك النسيان توعدنى واجيك تهرب ما تبان
بكاش ياجميل واكبر بكاش قلبك دا وابور فى الهوى قشاش
استنيت فيك وتروح وتغيب خليك فى جفاك ما تجينى بلاش
دى عمايلك ولا اطفال انابيب
لا نا عايزه اتوه ولا اضيع فى بلاش
بكاش ياجميل

admin · شوهد 51 مرة · تعليق 1
25 يناير 2019 


واد ياجناوى جلبك نادا بعتنا الرد
قال حنعيش انا وانتى سعاده ما شفهاش حد
جبل الجنه ما شوفها بعينى بديت الهجر
واللى بنيته ف دنيا امانى فى لحظه اتهد
واد ياجناوى 



واد ياجناوى كفايه عذاب هجرك طال ولا فيش اسباب
سيبت الجلب ف نار بيعانى ولا ريحنى ف يوم وشفانى
دوا عطار ولا دوا لطبيب ولا طبل الزار ولا جوزه الطيب
واد ياجناوى


واد ياجناوى زى العاده كنت بتيجى
كان بيجابلك بوى العمده ويا شجيجى
كنت ادّارى واجعد ساكته وخايفه  حجيجى
ليبان ليهم جوه عيونى حب عشيجى
سيبت الجلب ف نار بيعانى ولا ريحنى ف يوم وشفانى
دوا عطار ولا دوا لطبيب ولا طبل الزار ولا جوزه الطيب
واد ياقناوى

admin · شوهد 43 مرة · تعليق 1
25 يناير 2019 


بحبك موت ودايب فيك  ولا وصف القمر يوفيك

ودورت ف كلام الشوق   مانيش لاقى كلام يكفيك

يكون ما تقالش لسه جديد   ويوصف كل ميـزه  فيك

حاولت كتيرماخد قلبى  على السكه اللى فيها الاه

ولو صمم على عشقك ما طاوعهوش ولا امشى وراه

وكل ما اقول لقلبى يتوب  الاقى الحب فيه بيزيد

وكل ما ايدى تبنى السور  اروح هدمه بنفس الايد

ودورت ف كلام الشوق   مانيش لاقى كلام يكفيك

يكون ما تقالش لسه جديد     ويوصف كل ميـزه  فيك



admin · شوهد 61 مرة · تعليق 1
25 يناير 2019 


يا بعيد وغايب  فينك حبيبى يا بعيد وغايب
اهديك عيونى لو قلت جيبى تلقانى جايب

باعتين بنسأل نسمه هواك باعتين بنسأل ياهوى المغارب
ما شفتهوش بيقوللى لا   ولا زرتهوش بيقوللى لا
من بعد ما  زدنا الغلا  زود فى دنيتنا الخلا
من بعد ما ليلنا انجلا  خللا اليالى مطوّله
ومالكش ناس تسأل عليهم مستنيين تيجى تداويهم
م لك فى دنيا الغرام شريك عاش عمره ليك  مالك حبايب
فينك حبيبى يابعيد وغايب

كل الحبايب كات حاسده فينا من غير ماترسى بينا السفينه
عارفه املنا دايما ملينا  واصبر نعمل منه العجايب
فين هو ده فين صبرنا  فى البعد ده  ضاع مننا
من بعد ما  زدنا الغلا  زود فى دنيتنا الخلا
من بعد ما ليلنا انجلا  خللا اليالى مطوّله
ومالكش ناس تسأل عليهم مستنيين تيجى تداويهم
م لك فى دنيا الغرام شريك عاش عمره ليك  مالك حبايب
فينك حبيبى يابعيد وغايب

فض الخلاف القلب خاف من طول خلافنا وتجافينا
ياما اختلفنا ولا مره خوفنا وف تانى يوم كنا نسينا
ليه طال خلافنا  المره دى وازداد عنادك ع الفاضى
من بعد ما  زدنا الغلا  زود فى دنيتنا الخلا
من بعد ما ليلنا انجلا  خللا اليالى مطوّله
ومالكش ناس تسأل عليهم مستنيين تيجى تداويهم
م لك فى دنيا الغرام شريك عاش عمره ليك  مالك حبايب
فينك حبيبى يابعيد وغايب

جرب وجينى وانت تلاقينى بستنى فيك والشوق مالينى
بعمل عمايل وابذل واحاول ابنى السدود قدام سنينى
لجل السنين  ما تعدىّ بيّا  وارجع وعيش ايام عاديه
من بعد ما  زدنا الغلا  زود فى دنيتنا الخلا
من بعد ما ليلنا انجلا  خللا اليالى مطوّله
ومالكش ناس تسأل عليهم مستنيين تيجى تداويهم
م لك فى دنيا الغرام شريك عاش عمره ليك  مالك حبايب
فينك حبيبى يابعيد وغايب

admin · شوهد 48 مرة · تعليق 1
25 يناير 2019 
وفر سؤالك ريح فى بالك
دا اللى عندى كله قلته واعترفت ما ليا غيرك
والحنان اللى انت نلته ما اتوهبشى فى يوم لغيرك
يبقى ايه لزمه سؤالك يبقى ليه تشغل ف بالك
طمّن الخوف اللى عندك  ريح الفكر اللى جالك



جى تسأل ولسه تانى جى تسأل ليه بعدت عليك وسايبك
وجى تشأل ولسه تانى جى تسأل فين مكانى بين حبايبك
مش راح اسأل مش حييجى اليوم واجاوبك
دا اللى عندى كله قلته واعترفت ما ليا غيرك
والغرام فى قلبى شلته ما عرفت انا مره غيرك
الفراق ما تجبش سيرته انا ليا مين فى الدنيا غيرك
دا اللى عندى كله قلته واعترفت ما ليا غيرك
والحنان اللى انت نلته ما اتوهبشى فى يوم لغيرك
يبقى ايه لزمه سؤالك يبقى ليه تشغل ف بالك
طمّن الخوف اللى عندك  ريح الفكر اللى جالك


ياحبيبى قوللى مالك ليه تعكر فى السحابه
قوللى ايه لزمه سؤالك وانت عارف الاجابه
تبقى ليه تشغل فى بالك وهم يتعب لك خيالك
ولاّ ليه تشعل فى نارك وحنا جوّه النار غلابه
الفراق ما تجبش سيرته انا ليا مين فى الدنيا غيرك
دا اللى عندى كله قلته واعترفت ما ليا غيرك
والحنان اللى انت نلته ما اتوهبشى فى يوم لغيرك
يبقى ايه لزمه سؤالك يبقى ليه تشغل ف بالك
طمّن الخوف اللى عندك  ريح الفكر اللى جالك

خليت خيالك عاش عذابه  والفرّح فات قلبك وسابه
ضلمت انوارك وشمسك وقمر سماك ونجومها غابو
والقلب كان فاتح فى بابه وانت ما سمعتش نداه
ماعملت ابدا يةم حسابه حتى ما تبعتش خطاه
دايما شاغلنى معاك فى حيرتك 
قربت انسى اجيب فى سيرتك
من كتر حيرتى ف اسألتك ولا فيش سؤال بلقى جوابه
الفراق ما تجبش سيرته انا ليا مين فى الدنيا غيرك
دا اللى عندى كله قلته واعترفت ما ليا غيرك
والحنان اللى انت نلته ما اتوهبشى فى يوم لغيرك
يبقى ايه لزمه سؤالك يبقى ليه تشغل ف بالك
طمّن الخوف اللى عندك  ريح الفكر اللى جالك

admin · شوهد 78 مرة · تعليق 1
25 يناير 2019 


بتدلع عليا كتير ومش لاقى لده تفسير

سوى انى  انا الغلطان 

لانى سنين  عاطيك فى حنين   وع الحنيه عودتك

ولو قلبى طاوعنى زمان  وكان وافق على الهجران

وهنت عليه ما خاف احزان  كان من يومها  توبتـك

عطيتك حب ورغم الحب  ما خادتش زى ماديتك

ولما هواك ندانى جيت  ندمت ياريتنى ما جيتك

بديت تقسى وتتدلل  وتتحجج وتتعلل

كأنى لسه فى حبك   فى اول خطوه م المشوار

كأن زمانى ونا جنبك   ماعدّا شى ولف ودار

هاجرنى واقول لنفسى حلول

اقول يمكن عناده يزول اقول يمكن جفاه مايطول

وف الاخر انا الغلطان  لانى سنين  عاطيك فى حنين

و ع  الحنيه  عودتك

ولو قلبى طاوعنى زمان  وكان وافق على الهجران

وهنت عليه ما خاف احزان   لكان من يومها  توبتـك

كتير و كتير مسحت دموع  كانت بتسيل على خـدك

وف عز قلبى ماكان موجوع  انا برضه جيتك واخدتك

جوه دفايا وبين  حضنى  وكنت فاكرك  حتاخدنى

بنفس اللهفه والترحاب عشان  كنا فى يوم احباب

مالقيتش منك غيرنسيان مالقيتش منك غير نكران

وف الاخر انا الغلطان لانى سنين  عاطيك فى حنين

وع الحنيه عودتك

ولو قلبى طاوعنى زمان  وكان وافق على الهجران

وهنت عليه ما خاف احزان   لكان من يومها  توبتـك


admin · شوهد 64 مرة · تعليق 1
25 يناير 2019 



ياللى عشت معاك حياتى حلم يحكى احلى قصه
لسه بدرى يا حياتى ع الفراق دا بدرى لسه
لسه فى المكتوب كتير لسه ع المطلوب كتير
بدرى لسه يا حياتى ع النهايه بدرى لسه
من زمان والقلب خايف م الزمان 
ينهى احلى ماف كلامى من غناوى
يسرق الهمسه ف شفايفى والاغانى
تنخطف بسمه عيونى منى تانى
ينصدم قلبى اللى بايت ليله هانى
والتقى غدر القدر يكوى الجراح 
والتقى نور القمر غيم وراح
وينطفى نور دنيتى الواسعه البراح
ما ادرى فين  جت خطوتى ولا فين مكانى
ما ادرى فين نور سكتى ولا ليه ما جانى
لسه فى المكتوب كتير لسه ع المطلوب كتير
بدرى لسه يا حياتى ع النهايه بدرى لسه
ياحبيبى يا امانى وانت جنبى كان يزيد قربك امانى
يا حبيبى ياكيانى وانت جنبى تبقى ايه معنى الامانى
الامانى كات فى قربك بين ايديّا 
وانت جنبى اتلغت كلمه امانى
كل شىء كان بين ايديّا كل حاجه اتحققت لى
والليالر القاسيه ديّا جت لعندى وقربت لى
جت وفرحت جت وضحكت جت طيورها وغردت لى
جت ومشيت وما مشيت طمنتنى راجعه تانى
لسه فى المكتوب كتير لسه ع المطلوب كتير
بدرى لسه يا حياتى ع النهايه بدرى لسه
من زمان والقلب خايف غدر يومى
يشعل الاحزان ويطفى نور نجومى
من زمان مره القدر جانى وندا 
كان الندا زى الغنا حلو الصدا
وارتحت له وامنت له غدره بدا
هدّم السعد اللى عشنا نبنى فيه  
ندّم القلب انه حب ورق ليه
طوّل الايام عشان كات مره مره  
سابنى بالايام وقال حييجى مرّه مرّه
ولما جيت وياك لقيت السعد جانى 
وف ثوانى قوام نسيت عمله زمانى
لسه فى المكتوب كتير لسه ع المطلوب كتير
بدرى لسه يا حياتى ع النهايه بدرى لسه 


admin · شوهد 56 مرة · تعليق 1
25 يناير 2019 


برقوقى دى خدود حبيبى بلون احمر   احمر برقوقى
معشوقى خلانى طول الليل اسهر    اسهر مع شوقى
م تروقى   النبى روقى       يادنيا قاسيه النبى روقى
غيّب ما جاليش حتى ما قاليش ان كان حيطوّل فى الغيبه
وبعيش انا بيه وافضل اناجيه والبعد ان زاد تبقى العيبه

admin · شوهد 55 مرة · تعليق 1
25 يناير 2019 


طبع الهوى فيه   فيه العجايب   للى بيغريه نبعه وشارب
يفرش طريقك بالنجوم ولا شىء يعيش ولا شىء يدوم
ولا بيراعيش دمعه عيونك  لو تانى يوم بدت الغيوم
اصل الهوى فيه    فيه العجايب
يدّى الهوى بحر وسما يدّى الهوى مجداف وقارب
ودنيا حلوه مسمسمه على قد اى اتنين حبايب
ولما تنزل بحره تغرق ولما تشرب نبعه تشرق
تلقى الشروق يقلب مغارب وف ثانيه تبعد عنه هارب
اصل الهوى فيه    فيه العجايب
لما الهوى يسرى ما بناّ ونعيش سوى مكتوب جبينّا
فجأه القدر ييجى كعادته من بعد مايدوّق سعادته
من بعد ما يفرق حنانه يحسب عليك ايه اللى خدّته
ويهد فى عيونّا السعاده من غير م قال ولا جه ونادا
يخطف مابين ايدنا فرحنا صعبان عليه نحيا الهنا دا
اصل الهوى فيه    فيه العجايب
فيه مين قدر يوم ع القدر مهما عرف طبع القدر
فيه مين وقف قدام قدر لما غدر قل وندر
دايما بنديله عشمنا  دايما بننسب له المنا
لما الهوى يدخل قلوبنا بنقول قدر لما الحبايب يوم تفوتنا بنقول قدر
نفرح ونتهنى بنقول قدر نحزن بنتجنى ونقول قدر
دا مش القدر هو  الهوى اصل الهوى فيه العجايب

admin · شوهد 46 مرة · تعليق 1
25 يناير 2019 


صللى لنا ع النبى خليكى كويسه  
واوعى تهربى وتقطعى المسا
وتبدى تلعبى ادوار كيد النسا  
بعدين حتتعبى يا احلى بسبسه
بتعدّ ى الصبح ساكته والضهريه كذلك 
حتجيبى لقلبى ساكته ويروح منك غزالك
واتغيرتى فى حالك خليتى نهارنا حالك
ياتقولى بس مالك ياتلملمى ف عزالك 
وصللى ع النبى خليكى كويسه
صللى لنا ع النبى يااجمل خلق ربك  
وكفايه تلعبى مع القلب اللى حبك
ولما تتعبى ارتاحى واقعدى 
ون عوزتى ترجعى عارفه انتى موعدى
ياتقولى بس مالك ياتلملمى ف عزالك 
وصللى ع النبى خليكى كويسه
لو كحينا ف مرورك يعنى بايتين سهارى 
ولما نعوز نزورك ما تردّى ع الحيارى
وانتى فاهمه الاشاره   م تقولى العباره
ياتقولى بس مالك ياتلملمى ف عزالك 
وصللى ع النبى خليكى كويسه

admin · شوهد 56 مرة · تعليق 1
25 يناير 2019 




انسى اللى فات وارجع لى تانى علشان نقيد شمع الوداد

واقول معاك احلى الاغانى   وكأننا عرسان جداد

 

كانت ما بنا يادوب خطاوى لكن جرينا ورا البعاد

وبين قلوبنا ما فيش مسافه شعرنا بيها سفر بلاد

هربنا ليه من بعضنا  اخدنا ايه من بعدنا

انسى اللى فات وارجع لى تانى 

علشان نقيد شمع الوداد

ونعود نقول احلى الاغانى   وكأننا عرسان جداد

 

كنا زمان  فاكر زمان  كنا بنشكى ونعترض

ع الهجر بين اتنين عزاز ع البعد لما بيتفرض

دلوقتى لما تروق وتحلى يعيشو هما فى احلى رحله 

وقلوبنا احنا تعيش فى محنه 

 نتوهوها نضيعوها  الله يسامحنا

عايشين ما تفصلشى الخطاوى مننا

  تايهين ما نسمعشى الغناوى بالسنه

قريبين لكن بعاد   وطيبين لولا العناد

هربنا ليه من بعضنا  اخدنا ايه من بعدنا

انسى اللى فات وارجع لى تانى

علشان نقيد شمع الوداد

ونعود نقول احلى الاغانى   وكأننا عرسان جداد

 

من غير م نقطف وردنا من قبل م يضحك لنا

من غير مايطرح فلنا من قبل م يفرح بنا

فوتنا الجناين للنوى ورحت هاين يا هوى

سيبناك يا شوك تملى الطرق هنا 

وهناك ولاحد فينا يوم جرؤ وراح جناك

خوفنا على الايد تنجرح سيبنا الفراق بنا برح

قام الحسود فينا شمت  وادى العزول فينا فِرح

عايشين ما تفصلشى الخطاوى مننا  

تايهين ما نسمعشى الغناوى ملحّنه

قريبين لكن بعاد   وطيبين لولا العناد

هربنا ليه من بعضنا  اخدنا ايه من بعدنا

انسى اللى فات وارجع لى تانى 

علشان نقيد شمع الوداد

ونعود نقول احلى الاغانى   وكأننا عرسان جداد


admin · شوهد 61 مرة · تعليق 1
25 يناير 2019 



قال الناس عنك بتغش وبتتعامل بالكام وش

قلت سيبونى ادوق معلش ح اعرف لو خوان اومش

لو خوّان بكره يبان عمر الغش قصير جدا ولا بيعش

 

انت يا حلو انت يا مشمش كل الناس العايشه معاك

حلفو وقالو هواك بيغش من تجاريبهم  ويّا هواك

قلت سيبونى ادوق معلش ح اعرف لو خوان اومش

لو خوّان بكره يبان عمر الغش قصير جدا ولا بيعش

 

قالو مياس وكتير القول   و كلامه لايروى ولا ينعش

خدع الناس السذج دول بكلام فى الضهر وغيره فى الوش

وقوام م يغيب ولا عادش يبان زى المايه تحت القش

ويقفل لك كل ببان ويخللى الدنيا قد العش

قلت سيبونى ادوق معلش ح اعرف لو خوان اومش

لو خوّان بكره يبان عمر الغش قصير جدا ولا بيعش

 

اللى اتعذب يوم فى هواك قال عن حبك ده فتاك

لو راح تمشى مره معاه ضاع العمر ياولدى هلاك

خللا كلامهم ودنى توش خللا عنيه منه تكش

قلت سيبونى ادوق معلش ح اعرف لو خوان اومش

لو خوّان بكره يبان عمر الغش قصير جدا ولا بيعش

بس ما صدقتش م اتقال ولقيت حبك عال العال

مهما يعدى علينا زمان عمرى ما شفتش قلبك خان

ولا على وشك كان بيبان انك ما بتعرفشى امان

قلت انا راضى خلاص معلش وراح اتهنى معاك فى العش

كان انسان احلى لسان عمره مايعرف ابدا غش


admin · شوهد 49 مرة · تعليق 1
25 يناير 2019 


ياسلامه تغيب ياسلامه   لا وداع ولا حتى سلامه

وتسيب القلب يقاسى   من حيرته ف بعدك ياما

 

ولا تبعت وتقول راجع    وظنونى تبات قلقانى

وتصحّى عليا مواجع  من بدرى كانت سيبانى

مش عارفه ارتاح من بعدك ولا قادره استحمل بعدك

دنا دقت المر ف غيبتك    وسمايا ملاها غيامه

بدعيلك يا حياه عمرى ترجه لى بالف سلامه

 

ياحبيبى سافرت ما قولتش ولا مرسال منك جالى

ويوماتى اروح وافتش    على مين يشرح حالى

مش عارفه ارتاح من بعدك ولا قادره استحمل بعدك

دنا دقت المر ف غيبتك    وسمايا ملاها غيامه

بدعيلك يا حياه عمرى ترجه لى بالف سلامه

 

مشتاق لك قلب هجرته  وفارقته سنين واهرته

وعارفنى ما اطقشى الفرقه بالعند الغيب كترته

القلب ما عندوش غنوه غير باديه بأه اللامه

دنا دقت المر ف غيبتك    وسمايا ملاها غيامه 

بدعيلك يا حياه عمرى ترجه لى بالف سلامه


admin · شوهد 30 مرة · تعليق 1
25 يناير 2019 

لما تفقد يوم وليفك      والعلاقه تزيد شروخ

اللى كان قاسمك رغيفك واللى ساندك لو تدوخ 

الحياه مش راح تقف   بس احتمال ترجع تبوخ


admin · شوهد 26 مرة · تعليق 1
25 يناير 2019 


من يوم م مشيتو وسيبتونا  ودموع العين ما يفارقونا
نزلوم من قبل م نبكيهم  وعلى الخدين كانو سبقونا
والفرّح العايش جوانا   اتبدل حزن بيألمنا
والدنيا اللى عطتنا منانا  وف ظل نعيمها اتنعمنا
اخدت ما سابتشى حاجه لينا ظلمت ما بقتشى تهنينا
غرقت ما عادتشى لها مينا 
 
راح نبكى لمين ونقول ونعيد دى الشكوى انين وبايه حتفيد
نتمنى نشوفكم ويانا  احسن دا غيابكم دا كوانا
من يوم م غيابكم دا اذانا بنقضى اليوم كله حزانا
والضحكه اللى بنسعد بيها وحشانى الضحكه الرنانه
نستنى كلامكم ما واسانا  عايشين على كلمه اه يانا
حتى الدمعه قاسيه علينا لما عطشنا ما بتروينا
حتى الشوق اللى مالينا ساب النار تحرق فينا
ورضينا بالهم وما شكينا  ما رضاش الهم كمان بينا
والفرّح الساكن ف عنينا اتحول دمع بيألمنا
والحزن العايش جوانا زاد لما نسيتوم ايامنا
والهنا والسعد اللى مالينا راح وانتو بعيد من قدامنا

admin · شوهد 28 مرة · تعليق 1
25 يناير 2019 



واد يا اصيل انت يا عتمان  ياللى مغرق قلبى حنان
اوعى تقوللى كلام فى الحب عود نفسك ع الكتمان
اخفى شعورك خبّى الحب الا الحيطه عليها ودان
تسمع منّا وتفتن عنّا والمتخبّى كله يبان


لما تشوفنى ونا معديّه خللى كلا مك ليا قليل
اوعى تجيب قدامهم سيره ولاّ تقول انك بتميل
اوعى تبين شىء ياحنين الا عذابى ما يبقاش هين
دول  عوزالنا  شفونا اتجنو وبيستنو اى دليل
عود نفسك ع الكتمان الا الحيطه ليها ودان
تسمع منّا وتفتن عنّا والمتخبّى ف لحظه يبان
لو سألوك عن حبك ليّا ما تعرفهم ايه موقفنا
اوعك تشرح حب قلوبنا قول من اول خطوه وقفنا
جينا نجرب ليله هنيه روحنا طريق الهوى ما عرفنا
اوعى تخللى الناس تكشفنا وتدّى لحد الفرصه يشوفنا
ولاّ تبين شىء ياحنين الا عذابى ما يبقاش هين
دول  عوزالنا  شفونا اتجنو وبيستنو اى دليل
عود نفسك ع الكتمان الا الحيطه ليها ودان
تسمع منّا وتفتن عنّا والمتخبّى ما بنّا يبان


admin · شوهد 22 مرة · تعليق 1
25 يناير 2019 


ياللا ياعصفور ياللا هش اطلع بره وسيب العش
الا العش دا له ملاكه   هما بنوه وجابولو القش
مش حينوبك غير اشواكه  لو حتفكر مره تخش

عشّى بيكفى لعصفور واحد جه من بدرى وسكن فيه
شاغل كل الفكر وواخد عقلى وقلبى ولا مقضّيه
لو مش غاوى تاخد لك دش اطلع بره وسيب العش
الا العش دا له ملاكه مش حينوبك غير اشواكه
ولا يسمح لك حد تخش ياللا ياعصفور ياللا هش

ياللا ياشاطر لبعيد طير شوف لك حد من الخاليين
اوعك مره يجيك تفكير ان العش يساعى اتنين
اطلع بره وسيب العش شوف لك عش يكون بينش
الا العش دا له ملاكه مش حينوبك غير اشواكه
ولا يسمح لك حد تخش ياللا ياعصفور ياللا هش

عيب تدخل عش ماهش عشك 
تبقى كبيره ووحشه ف وشك
لازم تستأذن اصحابه وتخبط فى الاول بابه
الااصحابه تزعل منك وف عينهم تصغر عن سنك
لو مش غاوى تاخد لك دش اطلع بره وسيب العش
الا العش دا له ملاكه مش حينوبك غير اشواكه
ولا يسمح لك حد تخش ياللا ياعصفور ياللا هش


admin · شوهد 27 مرة · تعليق 1
25 يناير 2019 


بس يا حلوه وطّى ف صوتك الا اخواتك بتذاكر

قومى اتعشى الا تفوتك عشوه جميله على الاخر

واغسلى ايدك ويا سنانك نفرح بيكى ونتفاخر

بعدين خشّى قوام فى سريرك وحنام جنبك وابقى احكيلك

عن على بابا وحرميينو مع مرجانه ف قصره الفاخر

لو حتطوعى حكون لك شاكر اوعى تقولى بس اتاخر

لو بدرتى مواعيد نومك تصحى نشيطه الصبح الباكر

ون اخرتى ف مواعيد قومك حجرى واجيب لك ست عساكر

نفسى ياحلوه اشوف بلطيكى ابيض ومنور على جسمك

يومها انا اللى عليّا اهديكى يافطه نحاس مكتوبه باسمك

 

بدعى ياخلوه اعيش واشوفك عامله عياده لاهل الحته

وانظم لك انا ف كشوفك والعيان تدّيله روشته

وكمان اكشف عندك وافحص لو يوم بطنى عليّا تمغص

ح اجى وقولك هاتى روشته واخاف منك واقعد ارفص

 يومها اقولك خمشه وشته ياللا بشرعه انا عايزه اخلص


admin · شوهد 67 مرة · تعليق 1
26 يناير 2019 



ياقلبى ياطمّاع  جلبت لى الاوجاع  حالك دا يرضى مين
دخلت بيّا صراع  شقلبت لى الاوضاع ما عرفت روحى فين
الناس تحب حبيب   وامرك انت عجيب  بتحب لى اتنين
وتهت يا مسكين  واحترت تختار مين  فى الحب م الاتنين
البيضه ولاّ السمره اللوزه ولاّ التمره  لتنين عسل وطحين
وف دنيه الاحباب صاحب بالين كداب
 
البيضا شمس نهارك ما قدرت عنها تتوب  ويّا كلامها تدوب
والسمره ليل اشعارك  قدر عليك مكتوب ما عادشى منه هروب
ارسى ياقلبى ف بر  خايف عليك تنضر واختار حبيبك منهم
اوعى فى يوم تنجر لتنين هواهم مر يبقى ابعد احسن عنهم 
ما توهش يا مسكين  تحتار حتختار مين فى الحب م الاتنين
البيضه ولاّ السمره اللوزه ولاّ التمره لتنين جومال حلوين
وف دنيه الاحباب صاحب بالين كداب

البيضا زى بياضك  صافيه كاسيها النور فرحة تسر العين
ورده فى قلب حواضك  واحده فى وسط الحور بتنور البساتين
والسمره ضىّ ف ليلك  من غيرها يبقى ياويلك  نجمه ف سماك بتدور
حافظه تمللى ودادك  عارفه بذكائها ميلك  تسقيك هنا وسرور
وتهت يا مسكين  واحترت تختار مين  فى الحب م الاتنين
البيضه ولاّ السمره اللوزه ولاّ التمره لتنين جومال حلوين

admin · شوهد 493 مرة · تعليق 1
27 يناير 2019 



         افتريت انا واتنفخت  وعشت ممروع بالقوى                   

ما عمرى مره  اتلبخت  وكنت واعى بالقوى                

ضحكت ياما ع الدقون   وعملت فيها فهلوى               

وبايدى اعمل كل شىء   واد مدقدق بالقوى               

دوست فوق ناقه زتون زحلقتنى ع الصابون              

خبطتنى فى الرصيف   قمت منها مستوى                 

رد فرع من الغصون قاللى قوم ياسبع قوم               

قوم ونفض الهدوم    تحب احسن تنكسر               

ولا كفايه تتلوى ؟             


admin · شوهد 23 مرة · تعليق 1
27 يناير 2019 


معقول  ياللى قلبك كان يلوم اهل الغياب

معقول  باللى ياما قلت فيهم ميت عتاب

تبدأ انت تغيب وتعمل زيهم  

وتهاجرنى وتجرى تعشق منهم

والتقيك من بعد صبرى عليك سنين

ناسى حبى وناسى قلب اداك حنين

اشتكيك م اللى عامله انت فيّا قول لمين ؟

 

احترت فيك قوللى اعمل ايه ياواد ياساهى

انا عمرى ما اتعودت اشكى ولاّ ابوح لغير الهى

لما انت ماشى وراح تغيب كدا بالسنين

ابعت وقول قبل الغياب كلمه وداع

او حتى اشرح لى بعيونك اوجفونك

ولاّ بسمه من شفايفك  ولاّ شاورمن بالدراع

علشان مايستجريش عزول ينطق يقول فاتك وباع

علشان ما يقدر حد شامت يفتكر دى الفرقه دامت

كنت لما تشوف غياب احباب يطول

 تيجى لايم طبعهم زعلان تقول

دول حيرو العاشقين معاهم

دول سهرو اللى داق فى يوم هواهم

دول طيرو منا العقول   معقول

 

مين علمك يانور عنياّ الطبع دا ؟

ايه غيرك بتغيب وتنسا الحب دا ؟

ومدام مشيت ونا مش معاك 

اترك لى شىء ذكرى لهواك

مين فى الحنان اداك كده ماعطيته ليك

مين بس كان زيّى انا بيخاف عليك

وبعد دا تمشى ولا تقولشى السلام  

وكأننا ماجمعنا يوم ع الشوق كلام

ونسيت ما فات من عمرنا نحكى حكايات

من غير مانرسم له سوى مسك الختام

عينى على مين فاته الحبيب ولا قال له جاى

والغيب يبدا يطول ومالوش خليل يسمع نداه

عايش يسلّى وحدته بموال وناى

وكلام يخلى السامعين يبكو معاه

مكتوب عليه فى هواه يتوه ولا تفرقوش بين الوجوه

وانت ياسيد  رحت لبعيد  خليت قضايا شبه قضاه


admin · شوهد 21 مرة · تعليق 1
27 يناير 2019 

 
ميزتك وعيبك ميزتك وعيبك
تخلص ساعات وتصون حبيبك
تهجر ساعات وتفوت حبيبك
ميزتك وعيبك ساعه ف حنان وساعه ف اهات
ميزتك وعيبك مافيش امان ولا فيش ثبات
دا كل شىء فى الدنيا ديه له مزايا وله عيوب
وحبك انت الفكره هى له دى المزايا ودى العيوب
وانت جنبى بيزيد هنايا وتخلّى قلبى معاك يدوب
لكن اسوتك مالهاش نهايه بتحلّى فى عنيّا الهروب
دى هى ميزتك ودا هو عيبك
ما عرفش امتى عن حبك انت حقدر اتوب
لحظه حنانك اجى وازورك تفتح ببانك وتقوللى خشّى
لكن فى غدرك ماقدرش اصدك تفتح ببانك وتقوللى مشّى
لحظه حنانك توعد وتيجى تصدق وتوفى
وابقى خايفه تخلف ميعادك وازداد فى خوفى
ون كان دى ميزتك تصدق فى وعدك وتجينى بدرى قبل الميعاد
لكن دا عيبك بتزيد فى بعدك وتسينى وحدى لجل العناد
وانت جنبى بيزيد هنايا وتخلّى قلبى معاك يدوب
لكن اسوتك مالهاش نهايه بتحلّى فى عنيّا الهروب
دى هى ميزتك ودا هو عيبك
ما عرفش امتى عن حبك انت حقدر اتوب
ساعات ساعات ولك حالات احترت فيك واحتار دليلى
ساعات تروح وتغيب ساعات ونده عليك القاك تجيلى
تفرش نجوم السما قدامى والقى ملوك الهوى خدّامى
ما اعرف ياروحى ان كنت صاحيه او لسه عايشه ف احلامى
وساعات تكون ف عنيك لهيب احس ناره بتكوينى
ماعرفش اودّى ولا اجيب واكتم فى قلبى دموع عينى
وانت جنبى بيزيد هنايا وتخلّى قلبى معاك يدوب
لكن اسوتك مالهاش نهايه بتحلّى فى عنيّا الهروب
دى هى ميزتك ودا هو عيبك
ما عرفش امتى عن حبك انت حقدر اتوب
من يوم م شفتك صحيت فى قلبى احلى احلام السعاده
كانت حقيقه خلت عيونى تنام تفكر فيك زياده
وقدرت انسى بحبك انت دمعى اللى كان ع الخد ماشى
وعشت دنيا بحبك انت لاتتوصف ولا تنحكاشى
وبعد م انسى الفراق وذله وارتاح واهدى م الشوق دا كله
والقى ليالى العذاب يقلو  فى لحظه واحده بتهد كله
وارجع اخاف ليضيع هنايا وتروح وتنسى عهدك معايا
وانت جنبى بيزيد هنايا وتخلّى قلبى معاك يدوب
لكن اسوتك مالهاش نهايه بتحلّى فى عنيّا الهروب
دى هى ميزتك ودا هو عيبك
ما عرفش امتى عن حبك انت حقدر اتوب 

admin · شوهد 23 مرة · تعليق 1
27 يناير 2019 




مصر ياخالده يااجمل ورده ياقمره يومنا وشمسه بكره

حبيت ارضك يارده بيارده وكل مكان يجمعنا بذكرى

امى ياعمرى يا كل الغايه لو اقدم لك عمرى هدايا

مش حيقضّى ويبقى كفايه  ما يقضيكى الروح تفديكى

كنت اتمنى يكون فيه حاجه ساعه العوزه وساعه الحاجه

لما تكونى ف يوم محتاجه فوق الروح تتقدم ليكى

مهما ان طالت بنا مسافه بيزيد حبك عندى كثافه

انتى الدقه الحيه فى قلبى وانتى النبض ف قلب عروقى

 

مصر يا غاليه ما حدش قدك دايما عاليه ومفرود صدرك

ياللى بعيده واحنا بعيد وانتى سعيده الكل سعيد

مهما يدور ويلف زمانك  عمره ما ساب لك يوم تجاعيد

اسمك نور بينور اسمى انتى الدم السارى ف جسمى

انتى الام اللى بتبتسمى يوم الفرح ويوم العيد

مهما ان طالت بنا مسافه بيزيد حبك عندى كثافه

انتى الدقه الحيه فى قلبى وانتى النبض ف قلب عروقى

 

ياللى حنانك يوم ورا يوم رغم البعد مغطينى

بيعوضنى اعيش محروم من دفا ارضى ونور طينى

هو ملايتى وسريرى   هو لحافى وبطاطينى

كل م انام على صدرك ادفا تشفى جراحى بسرعه وتعفا

عمرى ما حبيت يوم من بعدك 

ولا غيرك فى الكون معشوقى

انتى الدقه الحيه فى قلبى وانتى النبض ف قلب عروقى


admin · شوهد 28 مرة · تعليق 1
27 يناير 2019 



ليه صحيت الشوق جوايا بعد الشوق جوايا م نام

كده راح تحيى ليالى هوايا كدا ح تعيد تانى الايام

دا انا ياحبيبى ماصدقت انسى

وراحت ذكرى هواك ف الكنسه

كل م احاول اكتم شوقى القى الشوق سهانى وقام

مهما احاول اخنق عطفى ولا بياثر فيه اعدام

مهما احاول ابعد طيفك  القاه يرجع ف الاحلام

مهما احاول انسى الماضى القى زمانى يعيد ليام

كل م احاول اقنع نفسى ان غرامك  كان اوهام

كل م احاول انساك وابعد ولتعذيبى احط ختام

واقعد اعد زمانى  وعمرى فات ايه منه وفاضل كام

اول صورتك م تبان ليا  اول شوقى م يلعب بيا

اتاكد ان النسيان  اصبح حلم من الاحلام

كل م احاول اخنق شوقى كل م اقول ياحياتى حتروقى

كل م اقول راح تشفى حروقى

اول طيفك م يبان ليا اول بسمه تشوفها عنيه

يبدأ حبك يشغل فيا يكبر شوقك ويفيض بيا

واتاكد ان النسيان اصبح حلم من الاحلام

كل م اقول قلبى حيتشجع وحينساك من طول م اتوجع

تيجى حاجات وبسرعه ترجع وتعيد ذ كرى ليالى هواك

كل م اقول لازم اوضع حد لعذاب قلبى اللى بيشتد

اول م اوصل ساعه الجد حاجه تقوللى بلاش انساك

يبدأ حبك يشغل فيا  يكبر شوقك ويفيض بيا

واتاكد ان النسيان  اصبح حلم من الاحلام


admin · شوهد 23 مرة · تعليق 1
27 يناير 2019 



حيرتنى بين ايه وليه وفين ومين
حسستنى بسنين هواك اطول سنين
فى الرايحه اسمع اسئله والجايه اسمع اسئله
م تقوللى ايه المسأله خليتنى بايته الليل حزين
دا قلبى جالك حر وطليق من يوم هواكصبح سجين
حيرتنى وياك سنين اخرتها ايه 
غلبتنى بين فين ومين وايه وليه
ان يوم سهرت بتقوللى ايه  ايه سهرك وسهرتى ليه ؟
ون افتكرت بتقوللى ايه  ايه فكّرك ونسيتى ليه ؟
ون جيت هجرت بتقوللى مين  مين غيرك ومشيتى فين ؟
مافيش سؤال بلقى جوابه ولا فيه سؤال كان لك فيه حق
ومين بيرضى فى يوم عتابه لازم يكون اذنب فى حق
طول عمرى ونا صاينه العهودوهوايا كان مالهوش حدود
ان يوم فرحت القاك حزين ماعرفش ليه تهوى الانين
حيرتنى وياك سنين اخرتها ايه
غلبتنى بين فين ومين وايه وليه
انا عايزه مره اسألك زى مابتسألنى انت
من كام سنه انا بسمعك اسمع انا وبتسأل انت ؟
عندى سؤال عايزه اسأله ماقدرت يوم اجى اسأله
كان قلبى خايف م الظنون وحبى لسه ف اوّله
وريتنى ايه فى الدنيا حلو ما دقت يوم سعد الوجود
اخدت منّى كل حلو وسيبت لى انت الجحود
ان يوم فرحت القاك حزين ماعرفش ليه تهوى الانين
حيرتنى وياك سنين اخرتها ايه
غلبتنى بين فين ومين وايه وليه
ليه مش بيشوفك زى دول اللى غنّو لحبهم
بص فى عيونهم وقول مين دا اسعد منهم ؟
لو حتبقى زيهم ولاّ قلبك قلبهم
يومها افتح لك دراعى ونعيش ما حدش قدّنا
ودنيتى وياك تساعى  قد الهنا دا ميت هنا
تعاى نبدأ صفحه جديده ونعيش سوى ايامنا سعيده
وانسى اللى فات ارميه وراك انسى العذاب تلقاه نساك
وبدال م نبقى ف مشكله عيشتنا هى الاسئله
نعيش ونفرح بالسنين وتنتهى المسأله
ولا عودنا نسأل ايه وليه وفين ومين

admin · شوهد 56 مرة · تعليق 1
27 يناير 2019 



عايز تجينى تعالى ادينى لكن بروحك 
وسيب جروحك مع اللى جارحك
اديك ياعمرى سنين فى عمرى 
كات باقيه ليّاعشان اشوفك سعيد بتضحك
سنين جميله حتلاقى فيها الشوق ماليها 
لو عشت بيها راح تنسا جرحك
وامانه عليك ما تعود تحكى عن ماضى وكان مليان بأهات
وامانه عليك انسا الماضى 
مادام دا خلاص كان ماضى وفات
ما تبكّى دموعك ع الفاضى وتعالى نعيش احلى الاوقات
ما تجرّى دموعك دى قصادى ونخلّينى مع دمعى ابات
وعايز تجينى تعالى ادينى فاتحه دراعى وقلبى عشانك
راح يدّولك كل حنينى بس ارويهم  بحنانك
خد ما يكفّى لايامك فضّى ف كفىّ دا احزانك
هات ونا اشيل كل الامك

admin · شوهد 49 مرة · تعليق 1
27 يناير 2019 

 
ياارق طيف ف نور حياتى واحب ضيف جه زار حياتى
من يوم ما سيبتك ودقت غيبتك ما تشوف عنيّا النوم ليلاتى
ما بايدى غير اسرح واحلم واعيش فى احلى زكرياتى
ياشريك فى عمرى يارفيق طريقى مشيت وسيبتك ما كان ارادتى
معقول بايدى اشعل حريقى   ولاّ بروحى اهدم سعادتى
دا النصيب فرٌق وجودنا ما حد يعرف فين نصيبه
والنصيب لو كان بايدنا ما كان حبيب فارق حبيبه
بفضل يوماتى استنّى فيك واحلم ياروحى بامتى اجيك
قضيت معاك عمرى اللى فات  حتى اللى جاى راح اعيشه ليك
وبتسأل انت لحد امتى ح اكتم فى قلبى واسرح واحلم
يمكن قوام او ع الدوام الغيب مخبىّ والله اعلم
من يوم ما سيبتك ودقت غيبتك ما تشوف عنيّا النوم ليلاتى
ما بايدى غير اسرح واحلم واعيش فى احلى زكرياتى
حبيب حياتى بكل شوق قلبى وحنينى  بعيش يوماتى احلم تجبنى وتنادينى
واسهر ليلاتى اسرح فى طيفك بيلاغينى بستنّى فيك واتمنّى لو يجرى الزمن
وارجع اضمك بين ضلوعى وساعتها بيك ح افرح واطير فوق يا زمن
وف اقوى ريح افرد قلوعى
وبتسأل انت لحد امتى ح اكتم فى قلبى واسرح واحلم
يمكن قوام او ع الدوام الغيب مخبىّ والله اعلم
من يوم ما سيبتك ودقت غيبتك ما تشوف عنيّا النوم ليلاتى
ما بايدى غير اسرح واحلم واعيش فى احلى زكرياتى
الظروف كات اقوى منّى ومنّك والفراق كان غصّب عنّى وعنّك
ما حد منّا بايده كان يمنع فراقنا  ولا حد منّا قدر يغيّر ما بدأنا
والفراق كان قبل منّا وجه سبقنا  وقالولى الناس انساك واعيش 
انا قلت ياناس بس انسى ازا ى دا حبيبى يا ناس ونا غيره ما ليش 
ون طال البعد اهو لازم جاى
ومسير الغيبه لها نهايه ومسيره ف يوم يبقى معايا
ومسير الاحلام تتحقق والنور من تانى رحيشقشق
وبتسأل انت لحد امتى ح اكتم فى قلبى واسرح واحلم
يمكن قوام او ع الدوام الغيب مخبىّ والله اعلم
من يوم ما سيبتك ودقت غيبتك ما تشوف عنيّا النوم ليلاتى
ما بايدى غير اسرح واحلم واعيش فى احلى زكرياتى

admin · شوهد 52 مرة · تعليق 1
27 يناير 2019 

 

ما بقتش خلاص اعتب والوم م القلب اعتاد  غيبه و فرقه

وشبع هجران  وسفر ورحيل  وبكا ومناديل وخدود غارقه

وبعاد بيطول والبال مشغول فى شكوك وظنون واسى وحرقه

وسواء جيتنى ولا نسيتنى سيان عندى ولا هش فارقه

انا كنت زمان لما تجينى كان همس كلامك يحيينى

اول ما اسمع رنه صوتك اول ماسمع نبض سكوتك

تفرح عينى ويصحى حنينى

بعد الهجران وناره الحارقه   اتعود قلبى على الفرقه

وسواء جيتنى ولا نسيتنى  سيان عندى ولا هش فارقه

القلب اعتاد وياك بيعيشبالسنه ماتجيش ولا تبعتليش

ان شالله ياشيخ حته ورقه

نسيان وخصام  يا بعاد وفراق  ولا تعرف ايه معنى الاشواق

ونا مهما الوم  لا وحشتك يوم  ولا حتى عنيك تسال  سرقه

وتبص تشوف  دمعه عينى  ما يهم خدودى   تبات غارقه

وسواء جيتنى ولا نسيتنى سيان عندى ولا هش فارقه

مابقتش خلاص ابكى وانوح ولا اقول مجروح ولا فين بتروح

راح ابيّن نفسى تملى سعيد  وبعيش ايامى فرح وف عيد

وعيونى ف بحر الشوق غارقه

وسواء جيتنى ولا نسيتنى  سيان عندى ولا هش فارقه


admin · شوهد 46 مرة · تعليق 1
27 يناير 2019 



لو سمحت ياللى رحت ليّا عندك كام سؤال

رد جاوب ع الى دايب  لو سمحت

رد جاوب ولا شاور حتى بعنيك التقال

اللى منهم ياما دوبت وانجرحت

 

لسه عاشق ولا بعدى علموك كتر الدلال

لسه مايل زى م انت او دوام الحال محال

لسه لما تشوف عيونى النقيك تهت وسرحت

لسه لو تلمح دموعى التقيك فيهم سبحت

لو سمحت رد جاوب لو سمحت

 

لسه فاكر كل خطوه  ف سكه العشق اللى بنا

لسه عايش كل لحظه  كنا فيها اتقابلنا

لسه بتقفل ببانك  ولا ع الدنيا انفتحت

لسه طاير فوق سمايا  اولكوكب تانى رحت

لو سمحت رد جاوب لو سمحت

 

قوللى ايه غير ماببك قوللى ايه نساك ماضيم

ايه مخلى الحب بنا مهمااعمل مش راضيك

قلت لك كل اللى عندى وانت كاتم ما شرحت

بحت لعيونك بسرى وانت عمرك يوم ما بحت

لو سمحت رد جاوب لو سمحت


admin · شوهد 43 مرة · تعليق 1
27 يناير 2019 



ماتطلبيش منّ احبك دا الغرام شعور وحس

مالتقتشى فيكى حاجه تخلى بيكى الروح تحس

شوقى كان مالوش وجود  ونبض قلبك ماله حس

ممكن ابقالك صديق...ايوه صديق... صديق وبس

 

اكتشفت فى كل شىء كان بيجمعنا اختلاف

شفت نفسى ويا قلب لو فرح....يرجع يخاف

التقيت قلبى قلق....قلت احسن نفترق

بدل ما يجرحنا الخلاف

ممكن ابقالك صديق...ايوه صديق... صديق وبس

 

ماقدرش اكمل فى الخداع وييجى يوم وتقولى باع

احسن نحاول  نفترق   مادمنا قادرين ع الوداع

ماتطا لبنيش وتقولى كمل مااقدرشى اقاسى و اتحمل

واكدب عليكى ف كل يوم   واقول بعد انا  فى النجوم

مدام لقيت  قلبى قلق   فيبقى لازم نفترق

 

ما دمنا لسه بنبتدى  مادام ماجمعناش هوى

ياريت بلاش تترددى    ونواجه المكتوب سوى

نبعد بروحنا عن الوجع   لانتصدم ولا نتفجع

مايهمنيش لو يشمتو     ويقولو تانى يوم رجع

ماتطلبييش منى احبك غير لما بيكى الروح تحس

و لما اسمع نبض قلبك  والقى قلبى بان له حس

وكفايه اكون ليكى صديق  صديق حميم فى زمن ردىء

فيه كل واحد م البشر  بيقول يانفسى انتى بس


admin · شوهد 26 مرة · تعليق 1
27 يناير 2019 



ماعودتش يعنى بتحاول تدق الباب على خلك

ونا اللى يوماتى ياعنيّا بزق الباب وداخلك

وشايف ان ناس تانيه ما بين الثانبه والتانيه

عليك طالعين وداخلين لك

ياريت تصارحنى وتقوللى

نهيت الحب ما بنّا ؟؟؟

واحلف لك ساعه ماتقول وتتجرأ

انا منك راح اتبرأ

واحلف لك ما دتخلك !!!


admin · شوهد 30 مرة · تعليق 1
27 يناير 2019 



لو غالى عليك لوغالى  اوعك تندم او تحزن  

على شىء كان عدّى وفات

لو غالى عليك لو غالىابدأ واردم ع الماضى

 ان كان مليان باهات

لو غالى عليك ما تقولشى ان انت زعلت امبارح

لو غالى عليك ماتفكر فى ملامه وكلام جارح

ما تقولشى كلام فيه اى الام فاتت وزمانا عليها عدّى

قول عن احوال اتنين احباب بيعيشو زمانهم فىى مودّه

وتعالى ياروح قلبى معايا  نلحق ليالينا الجرايه

واعيش وياك فى الهوى حكايات

ونقضّى سوى احلى الاوقات

لو غالى عليك لو غالى


admin · شوهد 28 مرة · تعليق 1
27 يناير 2019 


لما كانت ليا عوزه  كان بيجرى الكل خلفى

اللى بيحاول يطبطب  واللى بيفكر ف بلفى

والحبايب والقرايب  كان مناهم  يلقوا عطفى

والجيران ويا الزمايل  ياما اتسابقوا فى وصفى

واللى عارف انى شاعر  كان اماله يقرا حرفى

كنت تسأل ع اللى غايب  تلتقيه مستنى  طرفى


جيت وقعت ف قشر موزه   اتكسر فى الواقعه طرفى

لما ضعت فى الكازوزه    راحوا نادوا الموت لخطفى

ابتديت الاقى منهم   المعامله ضيافه شرفى

وابتدى الغدر يظهر  وابتديت منهم فى قرفى

بس لازم ليا واقفه   استرد انا فيها شرفى


admin · شوهد 32 مرة · تعليق 1
27 يناير 2019 

 


لا تزورنى ولا ازورك خلينا كدا بعاد

اصل انت ياحبيبى ماتبّطلشى عناد

بتعاند وخلاص من غير اى اساس

ماتحاول ويايا مش حتحقق غايه

وكفايه بقى كفايه شمت الحسّاد

 

لا تزورنى ولا ازورك وابعد قلبى ان جاك

ونا حطفى كمان نورك واحاول انساك

دى ورودك وزهورك دبلت ويّا جفاك

حجمعهم لك تانى وارجع اترجاك

لا تزورنى ولا ازورك خلينا كدا بعاد

 

لو جه يوم وقابلتك بص الناحيه التانيه

وكأنك مش شايف ولا حاسس بالدنيا

ون جيت لك وسألتك وشكيت لك احوالى

ماتجاوب وكأنك ما سمعتش فى سؤالى

لاتشوفنى ولا اشوفك خلينا كدا بعاد  

اصل انت ياحبيبى ماتبّطلشى عناد

انا ما اخضعشى لعندك واقدر برضو اعاندك

بس انا قلبى حنين مش عايز اعمل زيك

وكفايه انى اسيبك ما تلاقى اللى يجيلك

بس انا بترجاك  ايوه انا بترجاك

لاتزورنى ولا ازورك خلينا كدا بعاد

   

علشان انت انانى ما تحبش غير ذاتك

حجمع كل ما جانى من ورقك وحاجاتك

وجرجع لك تانى ايامك وساعاتك

واخد كل حنانى واهجر زى حلاتك

ون جيت تترجانى العمر يكون فاتك


admin · شوهد 29 مرة · تعليق 1
27 يناير 2019 



كنتى زمان  زى الليلادى 

فى اكتوبر فى تشرين

فى ليله اربعه وعشرين

على الساعه تناشر كدا

والناس نيام والدنيا تمام

ترنيلى جرس تيليفون

ماكان لسه ظهر فودافون

يقول صوتك مساء الخير

يعود ليام عليك بالخير

وشوفك اسعد السعداء

وكل الناس معاك حلوين

ما فيش كارهين ولا اعداء

ماشفتش حد بيقولها  غيرك انتى

مافيش ولا حد فاكرنى غيرك انتى

ياكل الناس ياأقرب حد كان ليا

يااحلى الناس ياحضنانى بحنيه

لكن حبك بقى ذكرى

وايامنا بقت عكره

ومين حيقولها من تانى

لو الموعد بقى بكره ؟؟؟؟؟


admin · شوهد 31 مرة · تعليق 1
27 يناير 2019 



مين الحلو اللى هناك ده

  ايه النور اللى اليوم جه

زى ما قاللى نفذ وعده  لما عرف ما جرالى ف بعده

كان اليوم بيطول فى غيابه  ياما قسيت الويل من بعده

زاد اليوم النور والضى  وادى الحلو بيظهر جى

بعد ما غرقنى فى بحوره جى الحلو وفارش نوره

قاللى خلاص الدنيا حتضحك

 وحيرجع تانى يزورنى وازوره

جالى الحلو القاسى العندى جالى بنفسه لغايه عندى

لما عرف ايه قيمه حبى لما ضناه الشوق من بعدى

جه وحلف ما حيبدأ عندى   ولا حيكرر ايام من دى

زى ما قاللى نفذ وعده  لما عرف ما جرالى ف بعده

كان اليوم بيطول فى غيابه  ياما قسيت الويل من بعده

كنت بشاركه ف كل اموره جه غرقتى الموج ف بحوره

سابنى الحلو وراح ولا قالشى لما هجرنى انه حيمشى

او حيغيب علشان ماسهرشى

بعد ما لفو عيونى ودارو علشان القى مكانه وداره

جالى الحلو القاسى العندى جالى بنفسه لغايه عندى

لما عرف ايه قيمه حبى لما ضناه الشوق من بعدى

جه وحلف ما حيبدأ عندى   ولا حيكرر ايام من دى

زى ما قاللى نفذ وعده  لما عرف ما جرالى ف بعده

كان اليوم بيطول فى غيابه  ياما قسيت الويل من بعده

عشنا احبه سنين هايمين  نسهر ليلنا ولا نايمين

والا زمانه ما هل هلاله انا م الليله خلاص حفضاله

عمرى ما حنسى جمال ايامه

 اويوم انسى كمان افضاله

اول عينى ماشافوه قامو بلاحضان اخدوه قايلين

مين الحلو اللى هناك ده   ايه النور اللى اليوم جه

زى ما قاللى نفذ وعده  لما عرف ما جرالى ف بعده

كان اليوم بيطول فى غيابه  ياما قسيت الويل من بعده


admin · شوهد 31 مرة · تعليق 1
27 يناير 2019 



ماتزودهاش بقى ياحبيبى ماتزودهاش

تتدلل يعنى وتتعاجب راح نتعاجب

بس ما تنساش بقى ياحبيبى ايوه ما تنساش

ان احنا معاك قمنا بواجب فوق الواجب

ون كنت نسيت لاءه ماتنساش

دى العين ع الحاجب مابتعلاش

 

مش علمناك ازاى تهوى

وتعشق وتدوب تعشق وتدوب

وتعيش ايامك فى الجنه ويا المحبوب وبدون محبوب

جاى بقى دلوقتى حتدلل ولا شىء عاجب

ونسيت دى العين ما بتعلاشى فوق الحاجب

وبتنسى ازاى بس يانساى

ان احنا معاك قمنا بواجب فوق الواجب

ون كنت نسيت لاءه ماتنساش

دى العين ع الحاجب مابتعلاش

 

انا ونت اتنين حلوين وبساط

مفروشه الدنيا عشنا بساط

طب ليه بتسوق بس دلالك وتعذب قلبى بترحالك

وعشان ما تصدقشى غرورك  انا لازم احتاط

جاى بقى دلوقتى حتدلل ولا شىء عاجب

ونسيت دى العين ما بتعلاشى فوق الحاجب

وبتنسى ازاى  بس يانساى

ان احنا معاك قمنا بواجب فوق الواجب

ون كنت نسيت لاءه ماتنساش

دى العين ع الحاجب مابتعلاش


admin · شوهد 25 مرة · تعليق 1
27 يناير 2019 



مهما الدنيا تكون فرّاقه ولاّ زمانّا عنيد غدّار

راح تتلاقى عيون مشتاقه ولا حيطول بيها المشوار

دايما عندى امل ياحبيبى عايشه انا بيه ليل ويّا نهار

اللى علينا مانستسلمشى ولا نزهقشى من الاصرار

هو العود المليان شوك يوم ما طرحشى وجاب ازهار

هو الليل ما خلصشى ف يوم ولا جت بعده الدنيا نهار

عمر ما شفنا شىء فى الكون كان له اول ولا اندار

دايما عندى امل ياحبيبى عايشه عليه ون كان صبار

راح تتلاقى عيون مشتاقه ولا حيطول بيها المشوار

مهما الدنيا تكون فراقه    ولاّزمانا يكون غدار

لما غيابك طال ياعنيه    كنت بجيب اللوم على بختى

وافضل ابكى ظلم الدنيا  والناس قالو شبابك ياختى

هو انا بعدك عادلى شباب ولاّانا بعدك عاد لى حياه

دا انت م جاب لى واحلى ما جاب قدرى ولكن عاد خباه

بس انا عندى امل ياحبيبى عايشه عليه ون كان صبار

راح تتلاقى عيون مشتاقه ولا حيطول بيها المشوار

مهما الدنيا تكون فراقه    ولاّزمانا يكون غدار

مش حنساك ابدا ونا عايشه دا انت النور لعيونى ياعمرى

ياللى دويت لى خدودى البايشه من دمعاتى النازله بتجرى

فين البعد خدك وداك انا من بعدك مين اناجيه

فين الحب اللى بدئناه  اللى قعدنا سنين نبنيه

لولا الايد ديّه الحمياه لولا العين ديّه الحرساه

كنت حترجع ولا تلاقيه

بس انا عندى امل ياحبيبى عايشه عليه ون كان صبار

راح تتلاقى عيون مشتاقه ولا حيطول بيها المشوار

مهما الدنيا تكون فراقه ولاّزمانا يكون غدار



admin · شوهد 26 مرة · تعليق 1
27 يناير 2019 


كدا من سكات تبعد وتمشى كدا ما سكات

واسهر وبات انا ويّا رمشى ع الذكريات

وبتعرف انت البعد ده ما استحملوش

وبتعرف انت القلب دا بعدك مالوش

وادى شهر فات والتانى فات بين خد وهات

وابعد واقول مستنياك حتى الردود منك ماجات


الزكريات   وياك تفوت   قدام عنيّه   زى الشريط

وادى اللى فات فى سنين عليا بيعود يفوت فى زمن بسيط

ما بين فرح قلبى معاك ساعه اللقا

او بين دموع يوم الجفا وجرحه الغويط

ومهما كانت راح تعيد يوم فات حزين او فات سعيد

اهى كونها بتفكرنى بيك  بارتاح لها وافضل اعيد

اصلك انيسى ف وحدتى  وانت ربيعى وجنتى

ولما همسك بيداوينى  بتروح اهاتى وانّتى

ومدام مشيت طب بس ليه ما تسيب لى شىء احيا عليه

وبتعرف انت القلب دا بعدك مالوش

وادى شهر فات والتانى فات بين خد وهات

وابعد واقول مستنياك حتى الردود منك ماجات



admin · شوهد 49 مرة · تعليق 1
27 يناير 2019 


كل ما شوفك حاجه ف قلبى تخبط خبط

ولا درياشى اللى بيحصل ده بالضبط

ناس بيقولو تبقى وقعتى مش حتفوقى لو م رجعتى

لكن لما انا جيت جربت    ابعد عنك يوم ما قدرت

جيت نواحيك من تانى قربت وهدى القلب واتطمنت

 

كل م قابلك القى ف صدرى حاجه تخبط كدا وتدب

ولا اعرفشى ساعتها افرق كوز الدره من كيس اللب

والقى دماغى تولع نار واشعر فيها سخان واتكب

ناس بيقولو تبقى وقعتى مش حتفوقى لو م رجعتى

لكن لما انا جيت جربت    ابعد عنك يوم ما قدرت

جيت نواحيك من تانى قربت وهدى القلب واتطمنت


admin · شوهد 28 مرة · تعليق 1
27 يناير 2019 

كل مره  لما  اقابلك

القى  نفسى  جاى  قابلك

نفسى مره لما اواعدك اجى بعدك

نفسى مره تكونى صادقه وعند وعدك

نفسى احس بشوق  غيابى  وطول بعادى

مش مقابله فاتره بايخه وكل كلمه فيها عادى

نفسى احس فى يوم بلهفه  انتظارك  ولا نارك

واللى  جاى ده  حبيبك  مش قريبك    ولا جارك

نفسى اشوف  مره  صوابعك  قاعده  بتعد  الدقايق

مش الاقى رجوعى ليكى شىء غريب اصبح  يضايق

نفسى المح لما اجيلك  لفته منك ع اليمين  وع الشمال

نفسى اشوف الوش وشك 

زاينه عشك بالنضاره والجمال

امتى يارب الخليقه تهدى قلبى 

للطريقه اللى تحقق دى الامال



admin · شوهد 58 مرة · تعليق 1
27 يناير 2019 

كنت زيك      

عمال اقول نفس الكلام اللى انت قاعد من ساعتها تلملمه

كنت زيك     

كات عيونى لما تلمح طلعته اوطلته كانوا يرقصوا ويهللوا

كنت زيك      

بحسب ان  الدنيا  ملكى   وان عمرى  ح يبتدى من  اوله

كنت زيك    

اتوهمت بانى عايش جوه جنه واللى عايزه الملايكه بتعمله

كنت زيك        

                  اتصدمت

                  ف يوم صحيت مالتقيت 

                  غير قلب عايش ويا جرح بيالمه

كنت زيك       

                  بس كان الفرق بنا انى متوقع دا كله  بس برضو بكمله

                  كنت عارف ايه ح يحصل وبرضه قلت معلمين ما اتعلمو 

                  ياما عشت سنين احزر فيك ياقلبى   

                  وياما عشت اترجى فيك واقول لك

                  خلى بالك ما تأمنشى للكلام دا ورقته

                  والجواب  اللى انت واخده من حبيبك

                  قبل مامشى  وعنك ابعد

                  روح وبله ثم اشرب ميته


admin · شوهد 57 مرة · تعليق 1
27 يناير 2019 

 

مشتاق اليك   ملهوف عليك      وبلهفتى انا بستناك

وقلبى طار    من شوقه ليك       يسبق اديه ويتلقاك

مش بخفى عنك اشتياق    واهو بقول وحقول وقول

مشتاق اليك   ملهوف عليك

مستنياك وفى انتظارك     والشوق اليك زاد عن مداه

ون جه فى يوم الشوق وزارك ماتكون عنيد  وارجع معاه

ماتزيش حيرتى  جوه نارك وتعالى عيد  قلبى اللى تاه

عايش بشوقه بيستناك

يقضّى باقى العمرمعاك   مشتاق اليك   ملهوف عليك

مش بخفى عنك اشتياق    واهو بقول وحقول وقول

مشتاق اليك    ملهوف عليك

اشمعنى انا مشتاق اليك وف كل يوم الشوق يزيد

ومهما قلبى بيناديك      مابتستجيب    ولا من بعيد

طب ليه عنيد   طب ليه عنيد م تقوللى بس طب ليه عنيد

مش بخفى عنك اشتياق    واهو بقول وحقول وقول

مشتاق اليك   ملهوف عليك

م عدى مره وفات خيالى    وهز فيك الشوق ساعتها

م جت فى يوم ذكرى الليالى  قدام عيونك صحصحتها

اشمعنى انا شارى الهوى   تعمل كدا وبرضك شاريك

اشمعنى انا تنده هوى  قبل الندا اجرى واجيك

اشمعنى انا صاين العهود  وابعت وفود تسأل عليك

مش بخفى عنك اشتياق واهو بقول وحقول واقول

مشتاق اليك   ملهوف عليك

مستنياك علشان نعيد تانى اللى كان

ايام زمان   وحنان زمان    وامان زمان

ايام زمان  والشوق مابنا ولهفاته

وحنان زمان  يسرى فى قلبى ودقاته

وامان زمان  كنا فى احضانه نباتو

مش بخفى عنك اشتياق واهو بقول وحقول واقول

مشتاق اليك   ملهوف عليك


admin · شوهد 23 مرة · تعليق 1
27 يناير 2019 

 
 موال الحب بيقول دا الحب جوّه الاحساس
موال الصبر بيقول دا الصبر فى الحب اساس
موال الشوق بيقول دا الشوق ع العين والراس
مش كل الحب ولا كل الصبر ولا كل الشوق
يتغنى عليه موال وخلاص
دا الهوى له ناس والشوق له ناس 
والصبر كمان برضك له ناس
مش كل الحب بيستاهل ان احنا نغنى عليه موال
موال الحب دا مش ساهل مش اى احبه عشانها اتقال
والقلب ان حب بيكون الحب له كيل ومقاس
مش كل الحب بين اى اتنين عاش ع الاخلاص
ولا كل الحب يتغنى عليه موال وخلاص
دا الهوى له ناس والشوق له ناس 
والصبر كمان برضك له ناس
موال الصبر دا له معنى العاشق يفهم معانيها
مواويل الصبر تسمعنا حكايات ع الصبر اللى ماليها
حكايات وبتجرى لها دموعنا وتبكّى عيونّا بغناويها
حكايات عن ناس كتموالاحساس من ظلم الناس
حكايات عن ناس ما اشتكو للناس من جرح انداس
ون قلت الصبر بيكون الصبر له كيل ومقاس
مش كل الصبر يتغنى عليه موال وخلاص
دا الهوى له ناس والشوق له ناس 
والصبر كمان برضك له ناس
مش كل الشوق تلقاه صادق فيه شوق تلقاه مليان بخداع
وقلوب مالهاش اى مبادى بتروح وتفوتنا مع الاوجاع
لابتعرف شوق وف عز الشوق 
راح تمشى ما قالت حتى وداع
وف دنيا هواها انت البادىء 
وصارعت  عشانها 
الدنيا صراع
تسقيها عسل تسقيك حادق وتكون الشارى تقوم تنباع
ون قات الشوق بيكون الشوق له كيل ومقاس
مش كل الشوق يتغنى عليه موال وخلاص
دا الهوى له ناس والشوق له ناس 
والصبر كمان برضك له ناس

admin · شوهد 31 مرة · تعليق 1
27 يناير 2019 



عذبتونى ليه ياحبايبى   عايز اعرف ايه الداعى

ونا من حبى ورغم عذابكم   صنت الود وكنت مراعى

سلمت لكم  حمل المركب   ايد الدفه  وحبل شراعى

غرقتونى ف بحر هواكم   بعد عذابى م طال وياكم

كنت بفكر يشفى دواكم   زاد لى دواكم من اوجاعى

 

لو تدونى نص مابدّى  مش حيكون فى العالم ادّى

معقول تبقى عوازلى معايا  والقى حبايبى واقفين ضدّى

دنا ياحبايبى فى عز جفاكم  صنت الود وعشت مراعى

سلمت لكم  حمل المركب   ايد الدفه  وحبل شراعى

غرقتونى ف بحر هواكم   بعد عذابى م طال وياكم

كنت بفكر يشفى دواكم   زاد لى دواكم من اوجاعى

 

كنت ف راحه وعايش خالى هانى القلب ومرتاح بالى

قمر الليل فى سمايا ملالي   جالى هواكم غير حالى

كنت بحاول انول فى رضاكم  مابيقدرش يطوله دراعى

سلمت لكم  حمل المركب   ايد الدفه  وحبل شراعى

غرقتونى ف بحر هواكم   بعد عذابى م طال وياكم

كنت بفكر يشفى دواكم   زاد لى دواكم من اوجاعى

 

كنت ف حلم جميل انا عايش  قبل مايعشق قلبى الطايش

عدّا عليّا خيالكم مره  لبس ليّا الفكر غوايش

وف اخرتها وبعد دا كله  بتفرقونى وتنسو وداعى

انا مش طالب غير ياحبايبى   اعرف منكم ايه الداعى

سلمت لكم  حمل المركب   ايد الدفه  وحبل شراعى

غرقتونى ف بحر هواكم   بعد عذابى م طال وياكم

كنت بفكر يشفى دواكم   زاد لى دواكم من اوجاعى

 

مهما اشوف ياحبايبى معاكم مهما العند يزيد فى اساكم

مش حيهون ييجى يوم انساكم  حفضل برضك استناكم

رغم عذابى يادنيا معاكى    رغم متاعبك رغم شقاكى

عايش عندى امل حتحنى يوم على عاشق عاش مستنى

سلمت لكم  حمل المركب   ايد الدفه  وحبل شراعى

غرقتونى ف بحر هواكم   بعد عذابى م طال وياكم

كنت بفكر يشفى دواكم   زاد لى دواكم من اوجاعى


admin · شوهد 21 مرة · تعليق 1
27 يناير 2019 



عايزه اشكيلك م اللى اسيته

وانت بعيد عن قلبى ياروحى

كل م افكر يوم فى بعادك

بيزيد الم الاه فى جروحى

كل م بيزيد بعدك عنى

كل م القى النور ضاع منى

القى القلب يجيينى وينده القاه ينده ويقول روحى

روحى قابليه روحى صالحيه 

 تهدى الامى وتشفى جروحى


admin · شوهد 28 مرة · تعليق 1
27 يناير 2019 


 

عايز انسى ومش قادر عمايل قلبك الغادر

عشان حبك معيشنى ربيع فى جماله كان نادر

وانسى ازاى وانساك ليه 

وعمرى الجاى مع مين اقضيه !

بدال م نقابله بالفرحه  فى سكه شوك سوى نوديه

 

تجافينى وتنسانى وتعشق غيرى فى ثوانى

ياواخد كل شئ منى وبأشرتك بتلقانى

م كفاكشى سنين عمرى بعشهالك انا تانى

وايه حتلاقى فى غيرى ما إدتهوش انا واكتر

يخليك ترمى ايامى ويدبل زرعى الاخضر

وتهدم ذكريات حلوه وترمى الماضى وتبعتر

ومشكلتى مانش قادر اجافى قلبك الغادر

علشان عمرى معاك عشته ربيع فى جماله كان نادر 

 

من النادر تلاقى حب بنفس هوانا وصفاته

بتحلى معاه دموع الخد واجمل لحن فى اهاته

من النادر يجيب الدهر فى يوم زيّك بين العاشقين

ولا قادر فى يوم الزهر يجيب عطرك بين الرياحين

ومهما نويت بقى تبعنى ما حنساك يوم ولا ابيعك

ودايما قلبى مانعنى وحتى ان زدت تلويعك

عشان حبك ما يتعوض وايامك ما تتكرر

ومهما عوازلى بتحرض افك قيودى واتحرر

انا برفض واعود ارفض بدونك دنيتى تمرر

تعالى نعيش سوى الضايع من اللى فات انا وانت

وما يهمش انا البايع   او اللى باع دا كان انت

 

حبيبى فين ليالى الحب وشوقنا لبعض

ودق القلب ساعه م نشوف فى بعضينا

حبيبى ليه فى وسط الدرب نقضت العهد

وسيبت الهجر اخد لبعيد خطاوينا

وانساك ليه وانسى ازاى واعمل ايه فى عمرى الجاى

بدال م نقابله بالفرحه نجيب له المر والسقاى

تعالى نعيش سوى الضايع من اللى فات انا وانت

وما يهمش انا البايع   او اللى باع دا كان انت

 

حبيبى كان ما بنا حب كبير جدا كبير بصحيح

فى غمضه عين جرحت القلب وزدت جريح على المجاريح

واتحطم هوانا الصخر وبات غرقان فى اهدى بحر

فى غمضه عين هدمت الحب واتهدّم بنسمه ريح

تعالى نعيش سوى الضايع من اللى فات انا وانت

وما يهمش انا البايع   او اللى باع دا كان انت


admin · شوهد 22 مرة · تعليق 1
27 يناير 2019 


عايز تجينى تعالى ادينى

لكن بروحك وسيب جروحك مع اللى جارحك

اديك ياعمرى سنين فى عمرى  الباقيه ليّا عشان اشوفك سعيد بتضحك

سنين جميله حتلاقى فيها الشوق ماليها  لو عشت بيها راح تنسا جرحك

وامانه عليك ما تعود تحكى عن ماضى وكان مليان بأهات

وامانه عليك انسا الماضى  مادام دا خلاص كان ماضى وفات

ما تبكّى دموعك ع الفاضى وتعالى نعيش احلى الاوقات

ما تجرّى دموعك دى قصادى ونخلّينى مع دمعى ابات

وعايز تجينى تعالى ادينى فاتحه دراعى وقلبى عشانك

راح يدّولك كل حنينى بس ارويهم  بحنانك

خد ما يكفّى لايامك فضّى ف كفىّ دا احزانك

هات ونا اشيل كل الامك


admin · شوهد 31 مرة · تعليق 1
27 يناير 2019 


ع العين والراس ع العين والراس  مدام انت بقيت تسمع للناس

حستحمل انا ايام بعدك ان كنت نويت ع البعد خلاص

   دا كلام الناس مابينفعشى  واحلف لك انه ما ينفاعشى

  عالعين والراس لو راح تمشى بس انا بتمنى ما تندمشى

ون كنت صحيح صممت تهد وقطعت بايدك حبل الود

  ونسيت الشوق وبديت الصد  واخترت تروح لطريق البعد

قوم ياللا خلاص شمر ساعدك ع العين والراس الله يساعدك

ع العين والراس ع العين والراس  مدام انت اسيت ونسيت الوعد

واخترت تروح لطريق البعد  وطاوعت الناس وكلام الناس 

وناديك ياحبيبى ما ترضى ترد

دا كلام الناس ما بينفاعشى واحلف لك انه ما ينفعشى

ع العين والراس لو راح تمشى بس انا بتمنى ما تندمشى

ون كنت صحيح صممت تهد وحتقطع ايدك حبل الود

قوم ياللا خلاص شمر ساعدك ع العين والراس الله يساعدك

ع العين والراس ع العين والراس ان كنت نويت تبدى الهجران 

من غير ماتقول على فين حتروح اهجرنى وفوت وانسانى كمان 

مش ح اشكى ف يوم ولا اقول مجروح

ون جالك يوم حنيت لزمان راح اسيب لك باب الهوى مفتوح

تهجر وتفوت انا مش مانع بس انا عايزك راضى وقانع

ون كنت صحيح صممت تهد وقطعت بايدك حبل الود

قوم ياللا خلاص شمر ساعدكع العين والراس الله يساعدك

الهوى مليان اشواك ومرار والفرقه ياروحى دى امررها

وقلوب مرتاحه زمانها ان داربتعيش نواحه باشعارها

وان كنت نويت ياحبيبى تغيب وحتنسى ليالى انت قمرها

حتسهّر عين كان ليها حبيب بيجيها تمللى وبيزورها

ومدام البعد دا فيه راحتك شوف ايه ياحبيبى ف مصلحتك

ون كنت صحيح صممت تهد وحتقطع ايدك حبل الود

قوم ياللا خلاص شمر ساعدك  ع العين والراس الله يساعدك


admin · شوهد 33 مرة · تعليق 1
28 يناير 2019 



admin · شوهد 30 مرة · تعليق 1
28 يناير 2019 

 

 

تعالى ياقلبى ننساها مدام هى ماهش فاكراك

قضيت العمر تهواها ومش عايزه تقول بهواك

عنيت وياها م الحيره ولا جيبتش فى يوم سيره

ولاعايزه تقول حاجه لا انا عشقاك ولا كرهاك

بتتعذب فى حبك ليه وللحيره دى ايه وداك

تعالى ياقلبى ننساها مدام هى ماهش فاكراك

 

انا احترت ويّاها وايه ع الهجر قوّاها

ماهش عايزه تقول بهواك ولا عايزه تقول كرهاك

وليل ونهار انا وانت نفوت ع الباب وع الشباك

لانسمع منها يوم كلمه لانلمح منها يوم بسمه

نقدم ليها وردايه ترد علينا بالاشواك

بتتعذب فى حبك ليه وللحيره دى ايه وداك

تعالى ياقلبى ننساها مدام هى ماهش فاكراك

 

يامتعود مع اللى هاويك بكل حنان تبادله هواه

ومتعود مع اللى ناسيك تفوته لحد ما تنساه

حتعمل ايه بقى معاها بقالك ياما تهواها

لاهيّا بتقسا وتقول لا  ولا بتحن وتقول اه

بتتعذب فى حبك ليه وللحيره دى ايه وداك

تعالى ياقلبى ننساها مدام هى ماهش فاكراك

 

عيونها تقول انا عشقاك لكن خايفين يصرحونى

بيسعدهو يشوفو شقاك وزادو القسوه جرحونى

حتعمل ايه بقى معاها  بقالك ياما تهواها

لاهيّا بتقسا وتقول لا  ولا بتحن وتقول اه

بتتعذب فى حبك ليه وللحيره دى ايه وداك

تعالى ياقلبى ننساها مدام هى ماهش فاكراك


admin · شوهد 34 مرة · تعليق 1
28 يناير 2019 

تغيب ما تسأل وسنين تجافى واستنى فيك مفتوح دراعى

ومهما تتقل احمال كتافى الصدر يوسع وكتير يساعى
وتلوم وتظلم ولا برضو كافى
ولا جيت تسلم فى يومك وداعى
 
هو العتاب واللوم ياروحى  حلال عليك حرام علينا
 
سهوم عنيك ترشقها فينا ونعاتب احنا هوا تجافينا
 

نشكى ما نشكى ما بترعينا لاالشكوى نفعت ولا المساعى

ما خف بعدك ولا قل ظلمك ولا حتى لما شمتوا الاعادى 

وتروح ياقاسى فى الهجر تسيق وكل مره انت اللى بادى
ودايما احنا نبدى المحايله  وكأن احنا اللى ابتدينا
 
ونقول حنصبر لكن دا خوفنا الصبر يهرب من بين ادينا
 
هو العتاب واللوم ياروحى حلال عليك حرام علينا
 
سهوم عنيك ترشقها فينا ونعاتب احنا هوا تجافينا
 
نشكى ما نشكى ما بترعينا لاالشكوى نفعت ولا المساعى
 



admin · شوهد 23 مرة · تعليق 1
28 يناير 2019 



ما تتقالوش ادونا بصّه  ما تتقالوش دا النبى وصّا

على الجيران اللى ف ريحكو لحد جارسابع ناصيه

قال للقلوب ماتكون اسيا لو حتى حبيت من اسيا
وتخللى احبابك راسيه على اللى فوق اعلى منصه


البت بيضه وف رموشها حبه كسوف كان بيحوشها

تقول عن اللى بينكوشها  تحكى بصراحه عن القصه

admin · شوهد 23 مرة · تعليق 1
28 يناير 2019 

مش بصدق ان انتى رجعتى تانى لحضن قلبى

مش مصدق ان روح الروح بشوفها الصبح جنبى

اد ايه فرحه عيونى لما شفت رموش عيونك
اد ايه مع طول غيابك المسافه تطول بدونك


admin · شوهد 57 مرة · تعليق 1
28 يناير 2019 

نفسى يوم اعيش طير بجناح وريش

اطلع فى العلالى افضل فوق ماجيش

ابنى احلى عشه قشه بعد قشه
ابدأ يومى طايره  وف نهايته خاشه

ابعد ع الخلايق ولخبطه العقول 
احيا ف جو رايق  ماطلبش النزول


admin · شوهد 60 مرة · تعليق 1
28 يناير 2019 



ياقاسيه ياناسيه هوانا اللى عاش 

سنين جوه قلبك وزيه ما جاش

يافايته يا بايعه هوايا بلاش

يادافنه ماضينا فى حته قماش

مجرد م شفتى لقلبك مدير

ركنتى اللى قابله قوام ع المعاش

حسيب العتاب لوقت العتاب

عشان العتاب  لسه وقته ما جاش


admin · شوهد 56 مرة · تعليق 1
28 يناير 2019 



لحظه يأس لكن عدّت


صعبان على نفسى انى اشوف نفسى تايه مع اللى تاه  
صعبان على حالى انى اشوف يأسى ونا بتقتل  ويـاه     
صعبان على عينى تلقانى رغم الحال بغزل خيوط ماساه

 وشى بيضحك اه لكن فى قلبى الاه ساكنه وليها  بيوت

باب الامل مقفول جوايا ميت مقتول عايشين فى حاله موت

ومركبى بتوه  بعد الشراع ماطووه ماشيه فى بطن الحوت


ارضى وعايزه عزيق وفى سكتى خوازيق بمشى عليها وافوت

قطرى وماله قضيب ماشى بقدر ونصيب فى محطتى مايفوت       

وناسى مش داريين وكلهم هاربين ولا بيساووش سحتوت


لسانى صاحب الصوت من بعدما كان صوت بيقول دهب وياقوت

اصبح كما المخروس غالى الثمن مبخوس وبقول عليه هلفوت

مـا عادش تانى يثور طلع له فوقه صخور وتحت منه سكوت


البخت كان ملموس خضره و ماء وفلوس والعز و الجبروت

اليوم بقيت منحوس ولافيش فى بابى فانوس والدندى بقى كتكوت

اسمى وماله كشوف جسمى وبات مكشوف مش لاقى ورقه توت

والنحس دام ياناس والعين عليه حراس وعلى الجبين منحوت


من ناسى مالى ونيس ومعاشر النسانيس وكل ماهو لدود
الوحده احلى صديق  ولما بيا تضيق اجرى ابوح للدود

يسمعنى لما ابوح يداوينى لو مجروح يرقينى لو محسود

ون ما لتقتش جليس  اقفّلها بالترابيس واقعد بكل برود
اغنى للصابرين واسأل دموع العين ان كان لقولوا حدود

لكن بعون الله راح ييجى يوم و انول كل اللى بتمناه
وح رجع اللى فات واعدى ع النكبات 

واللى حصل حنساه   ساعدنى ياالله


admin · شوهد 24 مرة · تعليق 1
28 يناير 2019 


سطور الفرح مكتوبـه على جبينك  

ومش  عاوز ترتبها وتقراها

وليه البسمه والضحكه ما عاجبينك

وعايش تغزل الدمعه مع الاهه

 

ياناسى  الدنـيا وجمالها  لا عارف ليل دا  ولا صباح

قاعــد بتنـقى مل مــواويل  كـلام ملـيان الم وجـراح

حاولت كـتير عشان اخــدك  معـايا فى دنيـه الافــراح

لقيت حب الدمــوع  واخدك  وطعـم الفـرح منك  راح

تعـالى وعيـش فى دنـيا الحب

حتلـقى هناك وسع وبراح

 

حبـيبى ربـى مــديلك  جمال يتحاكى عنه الناس

وخفـه دم  و مشـاعر  رقيقـه وكلها احساس

وتقضى العمـر مع دمعـك  ؟ وخـدك بالقسى تكويـه ؟

عشان خاطرى تعــالى افرح

ومنديلك دا روح ارميــه


حاولت كـتير عشان اخــدك  معـايا افى دنيه الافـراح

لقيت حب الدموع  واخدك وطعـم الفـرح منك  راح

تعـالى وعيـش فى دنـيا الحب حتلـقى هناك وسع و براح


admin · شوهد 56 مرة · تعليق 1
28 يناير 2019 





انتى مش محتاجه اقولك الزمان غيرنى ليه

انتى عارفه كل حاجه ما في شيىء احكى عليه

انتى مش محتاجه منى حاجه تثبت عشقى ليكى

اوتكون شاهد لحبى او دليل خوفى عليكى

العليل بيبان عليه حتى لو مش

راح يقول انه كان بايت عليل

انتى مش محتاجه منى حاجه تثبت عشقى ليكى

او تكون هى الدليل

 

من غير لاموجه عاليه جايه ولا كانش فيه ريحه القلق

لقيت هوايا تاه فى بحرك ولا انتشلته من الغرق

حسيت بان هواك ياناسى كان كلام على الورق


admin · شوهد 31 مرة · تعليق 1
28 يناير 2019 



م الاحلام انا اكبر خوفى دا م الاحلام

تلاقينى بنام  فاتحه كفوفى ونا بدعى مانام

علشان دى ساعات ما تفوت بسلام

ونشوف فى حاجات مليانه الام

علشان م هى كده بتمنى مانام

واعيش انا كده من غير احلام


بيعدى اليوم خايفه انا فى النوم     احلم بفراق

وابات محروم ولا عيش ولا يوم   زى العشاق

اصل الاحلام مش بادينا

وكتير من تفسيرها اسينا

علشان دى ساعات ما تفوت بسلام

ونشوف فى حاجات مليانه الام

علشان م هى كده بتمنى مانام

واعيش انا كده من غير احلام


بنام والشوق كله ملينا    والحب حنانه مدفينا

ونعيش فى الحلم مشاعر ظلم وقسوه حبايبنا علينا

وساعات الماضى م بنصدق  ننساه علشان م اسينا معاه

ويجينا الحلم مايتصدق   جاى تانى يعيد اللى نسيناه

ان نمنا نقوم من عز النوم  بنخاف احلامنا تتوه بينا

ولا نعرف احنا ازاى عايشين ولا نعرف ايه اللى راضينا

وساعتها نقوم ولا عايزين نوم ولا عايزينحلم بقى يجينا

اصل الاحلام مش بادينا

وكتير من تفسيرها اسينا

علشان دى ساعات ما تفوت بسلام

ونشوف فى حاجات  مليانه الام

علشان م هى كده بتمنى مانام

واعيش انا كده من غير احلام


admin · شوهد 59 مرة · تعليق 1
28 يناير 2019 



فاتت شهور واليوم د عاد

 وح نحتفل بعيد الميلاد

وداعيد ميلاد صلحى معاك من بعد فرقه

 وطول بعاد

بعد القلوب مااتغربت و افترقنا و اتباعدنا

ادى المسافه اهى قربت و اتقابلنا واتواعدنا

كل عام وهوانا طيب دا النهارده يبقى عيدنا

والقلوب اتجمعت من طول فراق كان بيباعدنا

والدنيا شاهده واجمعت على اننا تانى اتولدنا

والنجوم اتلمعت

علشان تشارك عيد ميلادنا

والحياه اتغيرت ورجعنا

من تانى اتولدنا


admin · شوهد 27 مرة · تعليق 1
28 يناير 2019 


احنا اثنين حلوين وبساط  مفروشه الدنيا عشنا بساط
بس الفرحه اخرها فاتوره  راح تدفعها  بدون اقساط


admin · شوهد 27 مرة · تعليق 1
28 يناير 2019 


لو ميلت اليا ف يوم ياجميل

انا زيّك برضو اليك راحميل
وعشان اتقابل انا وياك

 ادخل ع النت ابعت لى ايميل
عنوانى بحبك قوى دوت كوم
لو زرت فى يوم موقعى ول - كم



admin · شوهد 28 مرة · تعليق 1
28 يناير 2019 



علمت قلبى الرفرفه فوق الزهور زى الفراش

ومليت عليا الكون دفا وليالى حب ما شفتهاش
طب ليه بتبدأ بالجفا وبالشهور تعمل طناش


admin · شوهد 61 مرة · تعليق 1
28 يناير 2019 


عايزه اشكيلك م اللى اسيته وانت بعيد عن قلبى ياروحى

كل م افكر يوم فى بعادك بيزيد الم الاه فى جروحى
كل م بيزيد بعدك عنى
كل م القى النور ضاع منى
القى القلب يجيينى وينده يفضل ينده ويقول روحى
روحى قابليه روحى صالحيه 
تهدى الامى وتشفى جروحى


admin · شوهد 59 مرة · تعليق 1
28 يناير 2019 



دا ما كان ع البال ولا كان مأمول

ييجي يوم ونشوف  تليفون محمول

وساعات يتقال  تيليفون   نقال

 *****

ولا كان ع البال  ييجى يوم نلاقيه

فى إيدين الكل ونيس وصديق وحبيب

وأعز شويه من الاحباب

مع مين ؟

عبده البواب وعلي السمَّاك والبشبيشي بتاع الفول

ماهو محمول

والاسطى لبيب  وخميس والاسيوطى  صبى البقال

ما هو نقال

  *****

وفى يوم السبت نويت انزل م البيت

واروح على مصر عند الدكتور

صليت العصر ودعيت وقريت الفاتحه لأهل البيت

وركبت القطر من أول ثانيه كرهت القطر

علشان  برضه اللى ما يتسمى المحمول

ودا مش معقول   انا مهما حقول

مش حقدر أوصف فى المهبول

وركبت القطر  يادوب وطلعت ورحت قعدت

ولسه راح افتح في الجرنال

ولسه يادوب مع أول سطر  وحيمشى القطر

وابتدأ الرن والكرسى اتهز والناس كلها بدأت تتفز وسنان تتجز

الكل بيحسب محموله حن ورن

واللى ما رنش محموله  راح يتجن

تسمع اجراس أشكال وألوان كل الأصناف ، كل الألحان

من كل النوت الموسيقيه

هىَّ دى هىَّ  ،  وياسين وبهيه

وقفوا الخطاب سنتين ع الباب

وموسيقي الجاز  والقاعده هباب

فرقة حسب الله وسلام جمهورى ودا عمرو دياب

ونا بتقلىَّ بين نار وعذاب  مش فاضل الاَّ حلو وكداب

*****

حسيت الواحد مش راح يرتاح

جرنالى ركنته وكأن الواحد

خد بعضه وراح على سوق الكانتو

والحظ لعنته واندم علي بختى

علشان مارضيتشى اسمع كلام اختى

ولغيت القطر ولا كنتش خدّْته

  *****

من كل جناب القطر كلام والكل ودانه علي المحمول

واللى ماعندوش قاعد مقهور من لما ركبنا لدمنهور

اصل احنا وصلنا لدمنهور

******

تسمع حواديت وكلام وحوار وحاجات أسرار

وف كل المواضيع وبطىء  وسريع

ما المحمول  والنقال في أيدين الكل

ونيس  وصديق  وحبيب

عبده البواب وعلي السمَّاك والبشبيشى بتاع الفول

والاسطى لبيب وخميس والاسيوطى صبى البقال

من كل جناب القطر كلام والكل ودانه عليها محمول

مكالمة ( 1 )

متشكر يا أحمد

قوللى

جات لك زينب ؟

دفعت حاجه   ؟

خَدت الحاجه  ؟

مكالمة ( 2 )

كلها ييجى ساعه ونص ونوصل

روح لامام

بس اجرى قوام

راح يديلك كام كيلو زبده

و كام كيلو كبده

ما تحاسبوش

انا ليَّا معاه من قبل حساب

وعلي المحمول

اطلب عبده البواب

حينفذ لك هو المطلوب

مكالمه ( 3 )

طلع لي التانيه

املاها بنزين

بتقول ايه ؟  جاب اثنين

قول له خلاص ما حناش عايزين

مكالمه ( 4 )

ايوه يا ماما والنبى

وايمان مشيت

وخلاص اتصالحت ؟

على احمد جوزها ؟

انا مش متطمن

تفتكرى عاوزها ؟

ولا حترجع

لويالك بوزها ؟

مكالمه ( 5 )

كلمنى ياعيد ساعة ما اوصل

انا سامع دوشه

ايه اللي بيحصل ؟ مين عندك يابنى؟

جالك طلعت ؟

والفواتير

والفيلم التانى الصوره طلعت ؟

ركبت السخان ؟

وجمال جابلك لبتوع ؟

تسمع في دقيقه الفين موضوع

من كل جناب القطر كلام

والكل ودانه عليها محمول

ولا عارف ارتاح

ولا قادر انام

ولا قادر افكر في الموضوع

وبقيت مسطول

ونسيت بصراحه مسافر ليه ؟

ونسيت ان كنت حجزت رجوع

ودا كله بسببك يامحمول

يا مهبول

يا مخبول

ومين المسئول ؟

دا ما فيش مسئول

 


admin · شوهد 55 مرة · تعليق 1
29 يناير 2019 

 

تسألنى عن احساسى بيك  ارد اقول بالروح شاريك

انتا الى حبه مانتهاش   لانه لسه ما ابتداش

انت الوحيد جوه العيون  ما لوش بديل ولا شريك

ارد اقولك ايه كمان    واشرح جمال احساسى بيك

ياللى انت جننت الجنان  و جنانى بيك اصبح وشيك

ربى زارع فيك ورود  اه  ولا بالازهار حشيك  ؟

رمشين عنيك ساهلين بساط فارشين لى ارض الكون بساط

جوه عنيك بحرين غواط

مش مخلوقين عشان دموع   ولامخلوقين علشان عياط

انت الى حبه مانتهاش  لانه لسه ما ابتداش

ونت الوحيد جوه العيون مالوش بديل ولا شريك

طبعك جميل شكلك وسيم  لمسه اديك زى النسيم

ننى عنيك مكار لئيم

يسألنى عن احساسى بيك   وهودارى وبيه عليم

انت الى حبه مانتهاش  لانه لسه ما ابتداش

ونت الوحيد جوه العيون مالوش بديل ولا شريك

قلبى مال لك وانفتح لك  والتقى فيك انت كونه

فقت قمره فى حلاوتك   ضاع نجومه فى وسامتك

وهما جنبك ايه يكونو

زى لون زهره ربيع  زى اجمل ورده شيك

انت الوحيد جوه العيون مالوش بديل ولا شريك


admin · شوهد 24 مرة · تعليق 1
29 يناير 2019 



بحلم انى بقيت عصفوره  وطايره معاك   

وسط الفضا بنلف الكون

فيه تحتينا خضار ونجيله نافوره مايّه 

وحوض ازهار ميت شكل ولون

خايفه اقوم  م النوم مالاقيش  اى اثر لجناح او ريش

ارجع اندم ليه صحانى زمانى القاسى 

من احلامى وما سابنيش


admin · شوهد 67 مرة · تعليق 1
29 يناير 2019 



بعدوك عنىّ   وخدوك منىّ   ونسيت الوعد الغالى اياه

ولا قولتش لا ولا قولتش اه ولا قولت سبونى شويه معاه

ومشيت من غير لاوداع تهديه ولا حتى سلام ولا اى كلام

وهواك يا أمير اهو ضاع وتريه كان حلم وفات زى الاحلام

ان كنت خلاص صممت خلاص عاهجر وهدم اللى بنبنيه

وطاوعت الناس وكلام الناس ولا همك بعدك ايه حعانيه

اهجرنى وفوت بس ارجع قول 

وبكل صراحه عن اللى جانيه

ولوانى عرفت بدون ماتقول راح تجنى سهر وعذاب والام

داهواك يا أمير اهو ضاع وتريه كان حلم وفات زى الاحلام

يرضيك ياحبيبى البرج العالى المبنى بسهدى ونار الدمعه

فى ثوانى تهدّه بايدك انت    وكأن اديك بتسيّح شمعه

ع العين والراس ع العين والراس

مدام انت سمعت كلام الناس

ع العين والراس ع العين والراس 

مدام انت نويت ع البعد خلاص

ومسيرك تتمنانى معاك  ومسيرك تترجى الايام

داهواك يا أمير اهو ضاع وتريه كان حلم وفات زى الاحلام

اعملك ايه وازاى اراضيك  دنا ياما عملت كتير وكتير

خضّرت الارض بدمع العين وفرشت الكون حواليك بحرير

اعمل اكتر من كدا ايه  ورينى وقول ونا ابدأ فيه

وحقولك ايه دا مافيش تعبير احترت معاك مش لاقيه كلام

داهواك يا أمير اهو ضاع وتريه كان حلم وفات زى الاحلام



admin · شوهد 64 مرة · تعليق 1
29 يناير 2019 



بذمتك     طول حياتى معاك ياخلى شفت اهه

طالعه منى شايله قسوه بالمرار ده ؟

بذمتك     طول وجودى معاك ياخلى شفت وشى

وهو شاحب زى ماشفته النهارده ؟

بذمتك    طول ما عشت معاك ياخلى شفت دمعى

وهو  نازل فوق خدودى وهى بارده ؟


admin · شوهد 59 مرة · تعليق 1
29 يناير 2019 

 

عصفورى مهما اتهش  يرجع لى من تانى

يلبد لى جوه العش  مش راضى ينسانى

لا العافيه ولّا الذوق  نافعين فى تطفيشه

ينزل ويطلع فوق  منفوخ ناقش ريشه



عصفورى نفسه ف كلمه بس مش راحقولها

عصفورى نفسه ف نظره بس مش حينولها

لورحت اطعم فمه    يجرى ويشكى لامه

لو رحت اسقيه مايه     ياخد اديّا ياكلها



admin · شوهد 25 مرة · 2 تعليق
29 يناير 2019 



حبيبى البعد طال بـنّا  وطول البعد قسوه وويل

واهل   العشق طالبـنّا   نشوف للبعد اى بديـل

ياريت تسمع نصايحهم  وعلى ودك تورّى دليـل

ونقضى ليله فى ريحهم  حتلقى الليل دا غير الليل

 

حبيبى الغيبه ليه طالت  ماكفاكشى غياب  وبعاد

مافيش قسوه كدا زادت  مافيش فرقه ماليها  ميعاد

دا اهل العشق طالـبنّا نشوف للبعد اى بديـل

ياريت تسمع نصايحهم وعلى ودك تورّى دليـل

ونقضى ليله فى ريحهم  حتلقى الليل دا غير الليل



admin · شوهد 33 مرة · تعليق 1
29 يناير 2019 


 

بدوب ف عنيكى ياونسى

ياضوء بدرى ونور شمسى

وبحلم بيكى فى نهارى وسامعك فى صدى همسى

وبستحمل الم بعدك  عشان يومى لغى امسى

وضاع العمر ياولدى  وعشت معاكى ونا منسى

لكن لو زدتىّ من عندك  والقى نفسى مش نفسى

حفوت قلبك انا وابعد  وقولك ..... لا بقى انسى


admin · شوهد 30 مرة · تعليق 1
29 يناير 2019 



بتدلع عليا كتير ومش لاقى لده تفسير

سوى انى  انا الغلطان 

لانى سنين  عاطيك فى حنين   وع الحنيه عودتك

ولو قلبى طاوعنى زمان  وكان وافق على الهجران

وهنت عليه ما خاف احزان  كان من يومها  توبتـك

عطيتك حب ورغم الحب  ما خادتش زى ماديتك

ولما هواك ندانى جيت  ندمت ياريتنى ما جيتك

بديت تقسى وتتدلل  وتتحجج وتتعلل

كأنى لسه فى حبك   فى اول خطوه م المشوار

كأن زمانى ونا جنبك   ماعدّا شى ولف ودار

هاجرنى واقول لنفسى حلول

اقول يمكن عناده يزول اقول يمكن جفاه مايطول

وف الاخر انا الغلطان  لانى سنين  عاطيك فى حنين

و ع  الحنيه  عودتك

ولو قلبى طاوعنى زمان  وكان وافق على الهجران

وهنت عليه ما خاف احزان   لكان من يومها  توبتـك

كتير و كتير مسحت دموع  كانت بتسيل على خـدك

وف عز قلبى ماكان موجوع  انا برضه جيتك واخدتك

جوه دفايا وبين  حضنى  وكنت فاكرك  حتاخدنى

بنفس اللهفه والترحاب عشان  كنا فى يوم احباب

مالقيتش منك غيرنسيان مالقيتش منك غير نكران

وف الاخر انا الغلطان لانى سنين  عاطيك فى حنين

وع الحنيه عودتك

ولو قلبى طاوعنى زمان  وكان وافق على الهجران

وهنت عليه ما خاف احزان   لكان من يومها  توبتـك


admin · شوهد 25 مرة · تعليق 1
29 يناير 2019 



فى دنيا هدوء قوى وسكون

قاعد مع نفسى ف البلكون

ولا فيه صوت    كأنه الموت

قعدت اتملى ايه بيكون

واتعجب عليك يادهر

واستعجب على دا الكون

واتحسر عليك يازهر

بتخجلنى منين مااكون

واسترجع سنين عمرى

وقمت اجمع ورق مركون

اسجل فيه ماضى الايام

وجوايا الكلام مسكون

قعدت اقول دا كان ودا كان 

ودا اصلا ماكنش يكون

(للموضوع بقيه احتفظ بها )


admin · شوهد 26 مرة · تعليق 1
29 يناير 2019 



بطل غناوى وبطل سرح ماتقولش دقت الشهد معاك

دى امر لقمه واسوأ ملح هو اللى كلته انا وياك


عمال بترغى كتير وتلك  وتقول بحبك طبعا اشك

قفّل على الموضوع دا وسك  وقول لروحك مين عشاك

دى امر لقمه واسوأ ملح هو اللى كلته انا وياك

 

معاك ما شفتش غير احزان خلتنى انشف من عود زان

ودموع عنيه ملت خزان  وإديا جرحتها الاشواك

دى امر لقمه واسوأ ملح هو اللى كلته انا وياك


admin · شوهد 28 مرة · تعليق 1
29 يناير 2019 


 

بقولك ايه ماليش دعوه

وخد بالك كده واوعى

تقول على حاجه ما عرفشى

تقول على حاجه ما قدرشى

ماتعرفشى بلاش توعد

ماتقدرشى خلاص ابعد

ماليش دعوه ماليش دعوه

 

بقولك ايه انا عايزاك تكون ليا

انا وحدى مافيش بعدى

واوعى كمان فى يوم تبدأ

بسوء نيه تبيع فيا  تخون وعدى

ساعتها ياويل هواك منى

ساعتها اليوم ما حيعدى

ماليش دعوه ماليش دعوه

 

بقولك ايه

بصوت لاهو عالى ولا واطى

ونا قاعده على بساطى تنفذ كل طلباتى

احول لك فواتيرى تسدد كل اقساطى

واوعى ف يوم ياواد  تبدأ

بسوء نيه تبيع فيا  تخون وعدى

ساعتها ياويل هواك منى

ساعتها اليوم ما حيعدى

ماليش دعوه ماليش دعوه


admin · شوهد 33 مرة · تعليق 1
29 يناير 2019 



بحبك حب من نوع خاص  ماليه الود والاخلاص

ولو تطلب رموش عينى  أقدمهم ياروحى رخاص

 

ماتسألشى على نوعه    ماتسألشى على شكله

انا ماعرفشى غير انه  من النوع اللى ماله خلآص

ياريت اسمع كلام قلبك  انا قلت اللى عندى خلاص

وبحبك حب من نوع خاص ماليه الود والاخلاص

ولو تطلب رموش عينى  أقدمهم ياروحى رخاص

 

بشوف الفرحه ف عيونك ساعه م عيونى تندهلك

واشوف الدمعه فوق خدك بتلقانى ادوب وا هلك

م انا خلك ولا يكلك انا ناسك ونا اهلك

دا عمرىوروحى وسنينى عشان خاطرك بيبقوا رخاص

ياريت اسمع كلام قلبك انا قلت اللى عندى خلاص

وبحبك حب من نوع خاص  ماليه الود والاخلاص

ولو تطلب رموش عينى   أقدمهم ياروحى رخاص



admin · شوهد 27 مرة · تعليق 1
29 يناير 2019 



بحبك من زمان ولا عمر الحب هان 
وبدارى الشوق عشان ما يبانشى فى العيون 
وبدوب فى هواك بدوب يامحير القلوب 
ولا قادر يوم اتوب عن قلبك الحنون 

اللى محببنى فيك مهما القلب يجافيك 
ترجع لى والتقيك جنبى ف كل الظروف 
تنسى اللوم والعتاب والتأخير والغياب
وافتح لك كل باب الاقيك جاى وشغوف
ولا فيش لحظه حساب اصلك دايما عطوف 
وبدوب فى هواك بدوب  يامحير القلوب 
ولا قادر يوم اتوب عن قلبك الحنون



admin · شوهد 24 مرة · تعليق 1
29 يناير 2019 


 

بخط ايده كتب وقاللى كلام يخللى الجروح بتشفى

بعت ردّى فقام تقللى وساب ورود المحبه ناشفه

بدأ حكايته وراح باعت لى كلام ماعمرى سمعته قبله

فرحت جدا وقلت اهلن دا قلب عنتر بينادى عبله

خلاص حنفرح سوى ياوردى مافكش ورده حتبقى دابله

ولما رد الحبيب وصل لى  راحت عنيه  بسرى كاشفه

بعت ردى عليه تقل لى  وساب ورود المحبه ناشفه

بخط ايده رسم لى ملحه   وعيش وبيت مليان احبه

ومن كلامه ملانى فرحه  وقلت قلبى نال المحبه

بعت ردى وقلت فيه  وافقت يا اسمر على اللى قلته

عشان كلامك كلام وجيه  ياريتنى اسعد بحتى تلته

وفاكره قلبى خلاص حيفرح وقبل فرحى ماكنت نلته

حكيت بسرعه اللى حصل لى وذعت سرى ورحت كاشفه

بعت ردى عليه تقل لى  وساب ورود المحبه ناشفه

بخط ايده رسم لى رسمه  انا وقلبى قاعدين فى جنه

 وقبل ما المح اى نسمه  مافتش لحظه واتركنا

بخط ايده رسم جنينه وفرع لبلاب على جدارها

مشينا فيها ولما جينا لقينا اجمل قمر قمرها


admin · شوهد 26 مرة · تعليق 1
29 يناير 2019 

 

بتتقل ولا متمنع  عمايلك ديه حتسمع

مابين اهل الهوى والشوق  وامتى ياحبيبى تفوق

وتنسى دلال ليالى زمان  وانك كنت مدلع

بقالى يومين ونا جيلك  والقاك طافى قنديلك

بتهرب منى ياعمرى وشوقى اليك ما بيجيلك

وتفضل مهما اناديلك  سايبنى واقفه  اتولع

بتتقل ولا متمنع

غلطت كتير ودلعتك واقول خليه يعيش وقته

وهنيتك واسعدتك  وعدى عمرى ما لحقنه

وفات النوم جفون عينى  واكلى ما عادشى يتبلع

بتتقل ولا متمنع

سايبنى اتوه واتحيّر واسأل ليه بيتغيّر

ولما هواك بدأ يكبر رجع تانى وبقى صغّيّر

وبعد لقاك م كان دايم  ما عودناش تانى نتجمع

بتتقل ولا متمنع


admin · شوهد 33 مرة · تعليق 1
29 يناير 2019 


 

بقالى زمان ماشفت الشعر دا عارى

عشان دايما يامتخبى يامتغطى يامتدارى

وكان نفسى اخد حبّه واعمل منها أوتارى

واعزف للعيون لحنى عيونك همّا سمّارى

وضفّر منه او اجدل وخللى القصه تددلدل

واقدم قلبى وعنيّا  واقولك يالا اختارى



admin · شوهد 34 مرة · تعليق 1
29 يناير 2019 


 

بلاش ياقلبى الهوى دا خالص بلاش غرام هو انت ناقص

عشان ما تفقد فى يوم طريقك  بلاش ياقلبى تحب خاص

يرد قايل بحبه خالص  وشوف فى حبه الكون دا راقص

بلاش ياقلبى هو انت ناقص

ماعايزه اجيب لك لحبى سيره لقضّى عمرى معاك اسيره

بخاف ياقلبى عليك بشده وعايشه اخبىّ بقالى مده

لو انت غاوى فى مره تعشق 

يكون فى علمك ياشوك ياورده

يرد قايل بحبه خالص ولسه مايل لحبه خالص

بلاش ياقلبى هو انت ناقص

صحيح حلاوته بميت حلاوه وييجى يمسح لنا الغشاوه

صحيح بيخلق لنا ابتسامه  لكن عذابه كتير وياما

بفوت ويجرح قلوبنا منه  وجرحه لازم يسيب علامه

ومين يدوقه اكيد ما خالص  تزيد حروقه عذابه خالص

بلاش ياقلبى هو انت ناقص

مش عارفه اعمل فى قلبى ايه دا تعبنى جدا عايز له قاعده

ومهما انصح ما يستجبشى ومهما اهدى ما يروق ويهدى

ما عادشى يقبل كلامى خالص ولا بنصايحى بيرضى خالص

يرد قايل بحبه خالص  ولسه مايل لحبه خالص

بلاش ياقلبى هو انت ناقص


بخاف يا قلبى صحيح بخاف نزول دموعى على الكتاف

كتير قالولى ازاى اسوه وجه شكالى مين داق وشاف

لو انت غاوى تروح تشوف حتلقى زيك الوف صفوف

ولو حتسأل جرالكو ايه   حيستخبوم من الكسوف

وحيقولولك عشان تحب لازم تأمن سبع بوالص

يرد قايل بحبه خالص  ولسه مايل لحبه خالص

بلاش ياقلبى هو انت ناقص



admin · شوهد 28 مرة · تعليق 1
29 يناير 2019 


قال افتكرت خلاص ح ارتاح

قال افتكرت الهم انزاح

قال اقتكرت الفجر اهو شقشق

وخلاص ح اعيش من بعده صباح

بحك جلدى لقيته  ينزف

اتارى جلدى مغطى جراح

وسمعت قلبى  جالى قاللى

ياسيدى اهدى الجرح اهو راح

اتارى جرحى زى الارنب

يوماتى يولد الف جراح

 


admin · شوهد 30 مرة · تعليق 1

1, 2  الصفحة التالية

StatsCrop
raafattawfik's rivo album on Photobucket