آخر التعاليق

ليه القلق بس دهوه

07/04/2019 على الساعة 20.22:47
من طرف loaye


ويقولوا قال جمالك مالوش مثيل ...

07/04/2019 على الساعة 20.21:43
من طرف loaye


كان انسان احلى لسان

07/04/2019 على الساعة 19.22:46
من طرف admin


انسى اللى فات وارجع لى تانى

07/04/2019 على الساعة 19.22:10
من طرف admin


ياتقولى بس مالك ياتلملمى ف عزالك ...

07/04/2019 على الساعة 19.21:25
من طرف admin


طبع الهوى فيه العجايب

07/04/2019 على الساعة 19.20:39
من طرف admin


غيّب ما جاليش حتى ما قاليش ...

07/04/2019 على الساعة 19.19:52
من طرف admin


بدرى لسه يا حياتى ع النهايه ...

07/04/2019 على الساعة 19.19:03
من طرف admin


ولو قلبى طاوعنى زمان

07/04/2019 على الساعة 19.18:14
من طرف admin


لجل السنين ما تعدىّ بيّا

07/04/2019 على الساعة 19.17:08
من طرف admin


وكل ما ايدى تبنى السور

07/04/2019 على الساعة 19.16:29
من طرف admin


سيبت الجلب ف نار بيعانى

07/04/2019 على الساعة 19.15:53
من طرف admin


لا نا عايزه اتوه ولا اضيع ...

07/04/2019 على الساعة 19.15:00
من طرف admin


ضلمت انوارك وشمسك

07/04/2019 على الساعة 19.14:00
من طرف admin


لو حتطوعى حكون لك شاكر

07/04/2019 على الساعة 19.13:09
من طرف admin


يومية

ديسمبر 2018
الإثنينالثلاثاءالأربعاءالخميسالجمعةالسبتالأحد
 << <أبريل 2019> >>
     12
3456789
10111213141516
17181920212223
24252627282930
31      

المتصلون الآن؟

عضو: 0
زوار: 5

الكلمات المحورية.

إعلان

اختيار التصميم



الروابط

رافت توفيق ( FIKOO )

معاينة المقالات المرسلة في: ديسمبر 2018

15 ديسمبر 2018 


فسختى العقد مابنا ، وكات فاسخه بميت فسخه

وساعه الذكرى الحلوه ، ياميت حسره بقت ماسخه

وكان للحب ياعمرى ، اصول ثابته واسس راسخه

وياما ادّيتى ، وكنتى ىسخيّه فى عطائك ونا اسخى

كنتى ماليكى فى الوجود زى ، كنتى فريده النسخه

وهان العشق دا عليكى ، وسيبتينى للعزول مسخه

وفى لمحه واقل من لمحه طهاره الروح بقت وسخه



admin · شوهد 707 مرة · تعليق 1
15 ديسمبر 2018 


يجرحنا ياقلبى   ولاعايز يداوى  يدبحنا ياقلبى ولا يسمع شكاوى

ولا عايز يطاوع  وتمللى يلاوع  وخدودنا ح تدبل م الدمع اللى  كاوى

ولاعمره يقدّر القلب اللى شارى  والاخر تقوللى استحمل وادارى

باينك ياقلبى مش حاسس ودارى  بعذابى وغلبى  واسايا ونارى

 

باينك ياقلبى مش حاسس بحاجه  ياشاهد ماشفشى بعنيه اى حاجه

ياراضى وساكت عالحاله اللى باخت  ياصغير ولسه  مانسيت السذاجه

ولاعمره يقدّر القلب اللى شارى والاخر تقوللى استحمل وادارى

باينك ياقلبى مش حاسس ودارى  بعذابى وغلبى  واسايا ونارى

  

مهما كان تاعبنا مهما كان جارحنا  عيبنا هو عيبنا نسيانّا وسامحنا

بنسامحه وننسى ونزيد له ماديحنا  ولاعمره يقدّر القلب اللى شارى

والاخر تقوللى استحمل وادارى  باينك ياقلبى مش حاسس ودارى

بعذابى وغلبى     واسايا ونارى

 

اعمل ايه ياقلبى وياه ولا اسوى  دبّل بعده وردى عكّرهجره جوى

امشى ف حبه دوغرى يمشى طريق ملوى  ولاعمره يقدّر القلب اللى شارى

والاخر تقوللى استحمل وادارى  باينك ياقلبى مش حاسس ودارى

بعذابى وغلبى     واسايا ونارى

 

بيفوتنا ياقلبى دايما ويجافينا  ويبعد وينسا ولا يسالش فينا

ون فكرنا نكتب ولا نلوم ونعتب  يجرى هو يسبق ويعتب علينا

ولاعمره يقدّر القلب اللى شارى والاخر تقوللى استحمل وادارى

باينك ياقلبى مش حاسس ودارى بعذابى وغلبى  واسايا ونارى


admin · شوهد 726 مرة · تعليق 1
15 ديسمبر 2018 



اكمنك اخر العنقود وف برج العقرب مولود

وجمالك زايد بالحيل والحظ عطيلك بالكيل

تدلع وتعاند فينا ونودك تفضل مجافينا

وبحسب ودادك بتجينا ون جالك كيفك بتعود

اكمنك اخر العنقود

ياحبيبى دا كل العناقيد موهوبه جمالها من العاطى

تتساوى على كف الايد ولا فيها لا عالى ولا واطى

وحلاوه العناقيد قى الاول ما بتفرق ابدا ع الاخر

ما تزيدش ف تقلك وتطول ونقرب منك تتاخر

ياحبيبى احسن لك عود راح توصل لطريق مسدود

ماتسوقش ف تقلك وتزود ونودك تفضل مجافينا

وبأمر مزاجك بتجينا ون جالك كيفك بتعود

اكمنك اخر العنقود

يامربع فى القلب وساكن ياحبيبى احسن لك عود

انا عايش على صبرى ولكن الصبربتاعى دا له حدود

وف مره بنخطر على بالك وف عشره بتبعد وناسينا

ماتسوقش ف تقلك وتزود ونودك تفضل مجافينا

وبأمر مزاجك بتجينا ون جالك كيفك بتعود

اكمنك اخر العنقود



admin · شوهد 788 مرة · تعليق 1
15 ديسمبر 2018 




ماسمعتش عمرى عتاب ولا لوم ولا بشكى سهر ولا قله نوم

ولا قلت ياقاسى فايتنى لمين     زى ما بيقولو باقى العاشقين

علشان ماصادفته وما صادفنيش 

ولا فات فى حياتى الهوى ده يوم

مين قطعو ف دنيا الهوى مشاوير    بيقولو كلام ع الحب كتير

بيقولو كلام ولا فى الاحلام     وبيحكو حاجات ولا فى الفوازير

مش عارفه ان كان صح كلامهم اصل انا مادخلتش فى عالمهم

ولا مره رمانى عليه مكتوب ولا صدفه خدتنى ولا المقادير

ما اخبى عليكم ولا اداريش     لانا بشكى سهر ولا قله نوم

علشان ماصادفته وما صادفنيش 

ولا فات فى حياتى الهوى ده يوم

بيقولو الحب دا شىء مكتوب ما نفرش منه مادام بنعيش

وتقضّى ياعاشق عمرك فيه هيمان فى حنان كدا بعده مافيش

ون عشنا بدونه حياتنا تفوت     ليالينا طوال وكلامنا سكوت

والخطوه تطول وقلوبنا تتوه والبسمه تغيب والضحكه تموت

ما اخبى عليكم ولا اداريش     لانا بشكى سهر ولا قله نوم

علشان ماصادفته وما صادفنيش 

ولا فات فى حياتى الهوى ده يوم

بيقولو العاشق قلبه سعيد ولهمس كلا

مه صدا الزغاريد

ان قال بشفايفه تقول دا غنا وان قال بعنيه تحسبه تغريد

والناس ف عنيه تحلو اكتر والكون ف عنيه بيبان اخضر

ويشوف الدنيا بتتمختر جياله عروسه بتوب كرانيش

ما اخبى عليكم ولا اداريش لانا بشكى سهر ولا قله نوم

علشان ماصادفته وما صادفنيش 

ولا فات فى حياتى الهوى ده يوم

  

ولا فيه موازين ولا فيه مكاييل بتقيس البهجه الماليه العين

ولا فكش ياكون فى الالوان لون يشبه للنور فى جبين حبيبين

للعشاق دنيا لوحديهم ما بتشبهشى دنيا الباقيين

ويقاسو ويخفوم مقاسيهم ما تشوفهومشى بيقولو تايبين

ما اخبى عليكم ولا اداريش   لانا بشكى سهر ولا قله نوم

علشان ماصادفته وما صادفنيش 

ولا فات فى حياتى الهوى ده يوم

ما عرفتش ايه طعمك ياعذاب ولا مره بكيت هجر الاحباب

ولا قلت ياقاسى فايتنى لمين وف قلبى سهوم الهوى راشقين

وحعيش حيران وحبات سهران و حضيع وحدوب

زى ما بيقولو باقى العاشقين

كل دا كان ليه  اكمن انا ايه    بنام وبقوم ونا مش مهموم

وحمدت الله اللى انا عايزاه الحال دا يكون على طول ويدوم

 

ماحصلشى فى يوم وجهت سؤال عن معنى كلام بسمعه يتقال

زى الهجران  وبعاد  وخصام  وعناد  ودلال  وفراق

والصد والهجر والحيره والبعد وشغل البال وخيال مشتاق

غير قالو عليه دا كلام عشاق

كل دا كان ليه  اكمن انا ايه   بنام وبقوم ونا مش مهموم

وحمدت الله اللى انا عايزاه الحال دا يكون على طول ويدوم


admin · شوهد 749 مرة · 2 تعليق
StatsCrop
raafattawfik's rivo album on Photobucket