آخر التعاليق

شهر رمضان الكريم بعد غد الخميس ...

15/05/2018 على الساعة 20.00:26
من طرف shawki


شهر رمضان الكريم بعد غد الخميس ...

15/05/2018 على الساعة 19.59:40
من طرف shawki


بس لو تعرف تحـب

01/05/2018 على الساعة 01.07:52
من طرف admin


طبع الزمان غريب عجيب

01/05/2018 على الساعة 00.16:01
من طرف admin


طال الزمان ولاّقصر

30/04/2018 على الساعة 23.55:02
من طرف admin


يا ويح نفسي من حزن وأشواقي. أكلف ...

08/02/2018 على الساعة 17.26:04
من طرف wegdan


رب القلوب هو اللى عالم يارافت

08/02/2018 على الساعة 17.22:08
من طرف wegdan


رجعت من تانى ياقاسى بتشتكى وتقول ...

08/02/2018 على الساعة 17.18:51
من طرف wegdan


يا بعيد الدار عن عينى ومن ...

08/02/2018 على الساعة 17.15:25
من طرف wegdan


اين انت الان بل اين ...

08/02/2018 على الساعة 17.11:26
من طرف wegdan


وعجبى

06/02/2018 على الساعة 20.09:12
من طرف شاكر


اظن يعنى كدا كفايه ايوه ...

06/02/2018 على الساعة 16.21:07
من طرف wahed


لست ادرى ياحبيبى يا حبيبى من ...

06/02/2018 على الساعة 00.57:57
من طرف raaf


انظر الآن فى مرآتك لترى نفسك ...

05/02/2018 على الساعة 18.23:20
من طرف mofeed


اتعدمتى ليه ياصحه

05/02/2018 على الساعة 01.24:21
من طرف raaf


يومية

أكتوبر 2018
الإثنينالثلاثاءالأربعاءالخميسالجمعةالسبتالأحد
 << < > >>
1234567
891011121314
15161718192021
22232425262728
293031    

المتصلون الآن؟

عضو: 0
زوار: 4

الكلمات المحورية.

إعلان

اختيار التصميم



الروابط

رافت توفيق ( FIKOO )

18 يناير 2018 - 19.01:02

مذكرات موظف


مذكرات موظف

الجزء الاول

انا كنت زمان ما بطيق  واليوم بيعدى بطىء

الصبح اديها سجاير  والضهر اشيل طقاطيق

من قبل ماحد يجينى  ويهل زبون ع الريق

فى النص اديها الفول  ومعاه شاى الابريق

وساعتها المخ يقول  والعين يبقالها بريق

ويقولوا بتهمل شغلك  ونا مالتهمادى برىء


ماهواصلى مانيش شغال عايشين ولا ف الادغال

والست امال وجلال بيفكوا ف حرف شوال

مليان بالمستندات يندهوا ع الحاج بلال

والحاج بلال ما صاحاش والحال ماخطر ع البال

نستنى يجينا زبون محتاج نصرف له كوبون

واحط وشيل كربون اسود او من غير لون

واخبط ف التيليفون ما يرن جرس تيليفون

ون رن جرس تيليفون ولا حد يقول له الو


وادى واحد حاله فقير ف اديه دفتر توفير

عمال بيقول ياغفير وجهنى اروح على فين؟

واهو تاه وسط الشبابيك  واحتفى بين الجماهير

وبيضرب كف فى كف  والاخر بص وتف

قال يقطع ديه بنوك  دنا جاى من ابو المطامير


انا عندى فى بيتى البوم  متصور  ويا  البوم

ورا ضهرى فيه كلاماظو ودا مش موجود اليوم

تلفت  مفاتيحه و باظو او مارميين فى الكوم

ياتحدفو يا اما اتباظو  يا تعلقو جنب التوم

ويميينى فى نفس الصوره  شوالين دشت المفروم

وهناك على حرف الصوره  المليم المخروم


وسنين لفت ويام  والعام بيجر العام

وف حلم كأنه منام  اتفسرت الاحلام

وراهنت الحال مايدوم  وساعه ما راهنت كسبت

واداره جديده اهى جت  من اول يوم السبت

شغاله بكل حماس علشان منفعه الناس

حتبدل فى الاوضاع وتعوض كل ماضاع

ويادوبك عدّا صباح ولقينا جبل ارباح

زيادات   علاوات   وحوافز مع كومه ترقيات

تدريب بعثات ندوات  وف كل مكان لقاءات

وشباب البنك الواعد اصبح هو القيادات

والعملا بتوعنا بيلقوا طلباتهم من خدمات

والشغل صبح ع الحاسب خد بالك وعليه حاسب

دا اتكلف بالملايين وف شغله دقيق و امين

لايفرق بين زنوبه ولا يعرف عم امين

لا يجامل عم علوله ولا بيجامل  نرمين

ويخلص شغل ساعات فى ثوانى ومش كاملين

 

البنك بقاله شعار والناس بتقول اشعار

وشعار البنك منور  مطبوع على كل جدار

وبلونه الحلو الازرق خلالنا الدنيا نهار

والخير اهو جاى كتير والقطن حيبقى حرير

ومع الايام الجايه حتلاقى شباب بيدير

وعشان ينصلح الحال وعشان الدخل يزيد

ونعيشوا ف مستوى عال والواحد يبقى سعيد

وعشان احوالنا تكون ميت فل وعال العال

جه دورنا نمد الايد ونحسن ف الاحوال

ونطور ف الموجود ولا نبخل بالمجهود

ولا حد يقول مهدود ولا طول اليوم شغال

ولا تدّى الفرصه فى يوم لمعاول هدم تقوم

ولا سوس يبقاله خروم ولا تسمع للاندال

الجزء الثانى

فات الكتير مابقاش فى الوقت فاضل شىء

ياما اشتغلنا بلاش من غير مانطلب شىء

ودا كله كان علىشان فى القلب كان فيه شىء

البنك كان معشوقنا وكنا له معاشيق

بنروحه يكبر شوقنا بنسيبه ننقص شىء

لفت سنين اعمارنا وبرضه قلبى عشيق

احنا كبرنا وهو لسه شباب ورشيق


ياما جريت ورمحت ويا شباب جيلى

خدت الطريق ما ارتحت ماقعدت على حيلى

من فوق جايبها لتحت ماشى على نجيلى

ياللى تعوز النصح ياتنادى ياتجيلى 

اشرح لك ازاى كنت انا واللى من جيلى

راح يبصتك نصحى واكيد حتدعيلى

وحيعجبك قولى ويبسطك تحليلى


كنا بصحى الصبح واللهفه سبقانا

علشان نروح البنك وعيونا شرقانه

خطاويبا مفروده والجبهه عرقانه

ندّى مانبخلشى نخلص ونتفانا

نجرى مانهمادش ولا قولنا اه يانا

وعلاوه خمسين قرش والله كفيانا

الشغل كان يدوى يمكن قديم العهد

وبرمش عين واحده النقد كان يتعد

واسترها يابدوى ساعه الغلط فى العد

الحسبه كات تخلص والجمع كان باليد

الفيشه لو تمشى ميت الف ايد تتمد

وعليها ميت امضا ماتعدّى لو غاب حد

والخط لو مايبانش تانى اليك تترد

وورق اكوام اكوام بيه الببان تتسد

وغيره فى الارشيف بيغطى جسم السد

نتعب ونبذل جهد ولا يو شكينا لحد

وبكلمتين حلوين كان الجبل يتهد


فيكو الامل ياشبابنا انتم تشيلو الحمل

وتخلو اسم البنك يفضل كبير الحجم

وبين بنوك الدنيا هو اللى يبقى النجم

واللى ماحيصون خيره يفارقنا ونشوف غيره

واللى يعطل سيره راح يستحق الجم

اتقن قوى شغلك خللى الوفا داءك

خللى الكسل يبقى واحد فى اعداءك

تلقى الجميع حبوك والكل عشاقك

حاول كتير تقرا العلم ماله كبير

دلوقتى فيه شاشه تقضيلك المشاوير

وريت لك الدنيا ولغيت لك المشاوير

البورصه ايامنا كات ماشيه بالطباشير

دلوقتى فى  ثانيه تاخد قرار تدوير

وف جزء م الثانيه تدفع لك الفواتير

امشى الطريق بالعلم را تجنى منه كتير

خد م الكبير خبره وضيف لها التطوير

خد م القديم خيطه واغزلها انت حرير

 


· شوهد 409 مرة · تعليق 1
مُشاطرة هذه المقالة على: del.icio.us · Digg · Furl · Google · Scuttle · Yahoo · 

رابطة دائمة توجه نحو المقالة بأكملها

http://31febrayer.ahlablog.com/NCYE-EaYi-b1/aDsNCE-aaUY-b1-p1183.htm

التعاليق

هذا التعليق وضع من طرف: البهواش [ زائر ]
خليك فى النهارده
   20/01/2018 على الساعة 19.28:40

وضع تعليق

مرتبة التعاليق الجديدة: تم نشره





سيتم اظهار رابطك (Url)


المرجوا أن تُدخل الرمز الموجود في الصور


نص التعليق

خيارات
   (حفظ الإسم, البريد الإلكتروني و الرابط في الكوكيز.)