آخر التعاليق

شهر رمضان الكريم بعد غد الخميس ...

15/05/2018 على الساعة 20.00:26
من طرف shawki


شهر رمضان الكريم بعد غد الخميس ...

15/05/2018 على الساعة 19.59:40
من طرف shawki


بس لو تعرف تحـب

01/05/2018 على الساعة 01.07:52
من طرف admin


طبع الزمان غريب عجيب

01/05/2018 على الساعة 00.16:01
من طرف admin


طال الزمان ولاّقصر

30/04/2018 على الساعة 23.55:02
من طرف admin


يا ويح نفسي من حزن وأشواقي. أكلف ...

08/02/2018 على الساعة 17.26:04
من طرف wegdan


رب القلوب هو اللى عالم يارافت

08/02/2018 على الساعة 17.22:08
من طرف wegdan


رجعت من تانى ياقاسى بتشتكى وتقول ...

08/02/2018 على الساعة 17.18:51
من طرف wegdan


يا بعيد الدار عن عينى ومن ...

08/02/2018 على الساعة 17.15:25
من طرف wegdan


اين انت الان بل اين ...

08/02/2018 على الساعة 17.11:26
من طرف wegdan


وعجبى

06/02/2018 على الساعة 20.09:12
من طرف شاكر


اظن يعنى كدا كفايه ايوه ...

06/02/2018 على الساعة 16.21:07
من طرف wahed


لست ادرى ياحبيبى يا حبيبى من ...

06/02/2018 على الساعة 00.57:57
من طرف raaf


انظر الآن فى مرآتك لترى نفسك ...

05/02/2018 على الساعة 18.23:20
من طرف mofeed


اتعدمتى ليه ياصحه

05/02/2018 على الساعة 01.24:21
من طرف raaf


يومية

أكتوبر 2018
الإثنينالثلاثاءالأربعاءالخميسالجمعةالسبتالأحد
 << < > >>
1234567
891011121314
15161718192021
22232425262728
293031    

المتصلون الآن؟

عضو: 0
زوار: 3

الكلمات المحورية.

إعلان

اختيار التصميم



الروابط

رافت توفيق ( FIKOO )

24 يونيو 2012 - 20.19:20

مدونة الاحبه (مدونه سابقه تم الغائها )



مدونة الاحبه

01

مايو 2010

السلام عليكم,

نهنئك, لقد تم إنشاء مدونتك بنجاح!


02 مايو 2010

ابنى وبنتى



ابنى حبيبى جميل امور
بنتى حبيبتى كمان اموره
انا فرحان بيهم وفخور
ماما كمان زييّّّّّ فخوره
ربى يخلى ابنى وبنتى
هما حياتى وزهر جنينتى
انتم عندى احلى هديه
ربى عطاها لماما وليا 

ابنى حبيبى الامور ايمن  
شاطر جدا ونبيه دايما
بابا وماما يحبوه اصله   
طالع اول تلاميذ فصله
فوق عن كدا ادبه واخلاقه
بين اصحابه ومع زملاءه
ربى يديمك ليا يا ابنى 
تخدم بلدك وتعيش تبنى
ويخليلى ابنى وبنتى
هما حياتى وزهر جنينتى
انتم عندى احلى هديه
ربى عطاها لماما وليا 

برضو حبيبتى الغاليه ايمان
شاطره وطالعه الاولى كمان
لما بترحع من دراستها 
تعمل حاجه سنين مانسته
ابوسه لبابا وبوسه لماما 
بوسه بتطلع منها طعامه
ربى يبارك فبكى يا بنتى
وادى حياتى عشانك انتى
ربى يخلى ابنى وبنتى   
هما حياتى وزهر جنينتى
انتم عندى احلى هديه
ربى عطاها لماما وليا

02 مايو 2010

اتمنى ييجى يوم احكيلك ع اللى فات


اتمنى ييجى يوم احكيلك ع اللى فات
ايام عد النجوم  و المشى مع البنات
ايام سلوى و شرين   وسها وماجده ونجاه
وهدى ونجوى ونفين  ونهى وشاديه وزينات
كنت عاملهم كشوف    ومقسمهم حروف
وكاتب عنهم حاجاتوتبع م العين تشوف        
اليوم حيكون لمين واللى ف قلبى  تبات
ومعلمهم بشىء  ما بيفهمهوش عشيق
بس اوعى ف يوم تغيرى وتروحى لحد غيرى
وافقد سعدى وهنايا   وبدمع العين ابات

فيه مره جت  حنان  وساعتها جت سعاد
وف نفس اليوم كمان   سهتنى و جت وداد
اتارينى كنت ناسى  واديت نفس الميعاد
كنت عاملهم كشوف ومقسمهم حروف
وكاتب عنهم حاجاتوتبع م العين تشوف       
اليوم حيكون لمينواللى ف قلبى  تبات
بس اوعى ف يوم تغيرى وتروحى لحد غيرى
وافقد سعدى وهنايا   وبدمع العين ابات

02 مايو 2010

اتعودت الغياب والسهد والالم


اتعودت الغياب والسهد  و الالم
وتعبت من العتاب وزهق منى القلم
كل اللى عاشو فى دنياك بيشتكو
ومن عذاب هواك   مافيهومش مين سلم

اتعود ت الغياب والوحده ولنتظار
وعيون شاكيه العذاب بالليل وبالنهار
مش لاقيه معاك امل وياك شايفه الملل
وبعيش فاقده الامل   ياساقينى كاس مرار
كل اللى عاشو فى  دنياك بيشتكو
ومن عذاب هواك   مافيهومش مين سلم

مش حسأل فى الغياب   او حرجع للعتاب
قلبى م الفرقه داب   من كتر م داق عذاب
اخرتها اتصدم فى كلام  زى العدم 
اخره سكه ندم   وياريته ف مره تاب
كل اللى عاشو فى   دنياك بيشتكو
ومن عذاب هواك    مافيهومش مين سلم

بتطمنى بكلام   ووعود انك تعود
نبعت نسأل عليك  ولا تبعت يوم ردود
وبحاول اصدقك  واقول يمكن بدأو
تزيد هجر واسيه  ولا يوم وعدك صدق 
كل اللى عاشو فى  دنياك بيشتكو
ومن عذاب هواك  مافيهومش مين سلم

وساعات اظن قال  نويت ع الاعتدال
وحشوف صفحه جديده حتبدأ تنفتح
لقيت مين حاله مال   ولا قلبه عمره مال
ولا عاش لحظه وصال    لايمكن ينصلح
كل اللى عاشو فى دنياك بيشتكو
ومن عذاب هواك مافيهومش مين سلم


02 مايو 2010

اجيلك ازورك اودك وحاول عشان استردك

 

اجيلك ازورك اودك احاول عشان استردك

وافضل ماددلك اديه  تقسّى عيونك عليا

تلاوع وتهرب وتنسى  وتبعد ما تسألشى فيا

ورغم اللى عامله عشانك  بترفض ترجع حنانك

وتهرب بعيد عن عنيه  وتقفل قصادى ببانك

ياقسوه ضميرك وقلبك 

اشاغلك احايلك اداعبك  وهمى اخفف متاعبك

احاول ارجع الينا  ليالى هوانا الجميله

تصمم تفارق ادينا   قلوبنا بتسهر عليله

ورغم اللى عامله عشانك  بترفض ترجع حنانك

وتهرب بعيد عن عنيه  وتقفل قصادى ببانك

ياقسوه ضميرك وقلبك 

فى ايدك لحبى دليلك  بسيب كل حاجه واجيلك

وحاطك فى قلبى وشايلك  فى عينى وقافل رموشى

مغطى عيونى بضفايرك  مخلى العيون ما يناموشى

ورغم اللى عامله عشانك  بترفض ترجع حنانك

وتهرب بعيد عن عنيه  وتقفل قصادى ببانك

ياقسوه ضميرك وقلبك

 

02 مايو 2010

كل شىء فى الدنيا دى من صغير يبتدى


كل شىء فى الدنيا دى  من صغيريبتدى

الا احزان الفراق

تبتدى كبيره قوى  و مهما قلبك كان قوى

برضو تاخد  منه راق

 

لو فراقك دا برضاك  حتى لو كان فيه دواك

قلبك المسكين حيتعب  لما يسرح فى هواك

صعب تفرح انه راق   سهل حزنك يبقى داء

والمنام اكيد حيهرب   والعيون تسهر معاك

اصل احزان الفراق   تبتدى كبيره قوى

ومهما قلبك كان قوى برضو تاخد  منه راق

 

الفراق قاسى وصعب  والشعور بالوحده مر

والوقت سيفه بيقتلك  لما تترجاه يمر

لو رضيت تعيش كدا واكتفيت بالوضع دا

واتجاهلت غياب حبيبك  ياللى ضحيت انت حر

قلبك المسكين حعيتعب   لما يسرح فى هواك

والمنام اكيد حيهرب   والعيون تسهر معاك

صعب تفرح انه راق  سهل حزنك يبقى داء

اصل احزان الفراق  تبتدى كبيره قوى

ومهما قلبك كان قوى  برضو تاخد  منه راق

02 مايو 2010

احنا العايبين عن حبايبنا اشواقنا اليهم تداعبنا


احنا الغايبين عن حبايبنا   اشواقنا اليهم تداعبنا
والحيره عليهم تلاعبنا  والخوف لنطوّل يرعبنا

واللى مصبرنا على غيابهم  البعد لا عيبهم ولا عيبنا

لو بادينا  كنا جرينا  طلينا عليهم ورجعنا

دول هما قلوبنا ودقتها   دول هما النسمه ورقتها

دول هما اطبه مواجعنا

 

من كتر ما شفنا ف ايامنا  من كتر ما ضاعت احلامنا

بنخاف ع الحب ليبات مجروح   جوه قلوبنا

ولاّ قلوبنا   دقاتها تروح     ويا غيابنا

بنخاف على اقرب حبايبنا  لو ضاعوا الحزن ما حيسبنا

بعديهم نندم وياويلنا   و ضميرنا حيفضل يحاسبنا

لو بادينا       كنا جرينا   طلينا عليهم ورجعنا

دول هما قلوبنا ودقتها    دول هما النسمه ورقتها

دول هما اطبه مواجعنا

 

بنخاف ع الحب  ليروح ويضيع     منا قصادنا

ويسيبنا الفرح  و دموع العين   تستقصادنا

حندوق الغلب   ما حيقدر حد    يعوضنا

بنخاف على اقرب حبايبنا   لو ضاعوا الحزن ما حيسبنا

بعديهم نندم وياويلنا    و ضميرنا حيفضل يحاسبنا

لو بادينا  كنا جرينا    طلينا عليهم ورجعنا

دول هما قلوبنا ودقتها  دول هما النسمه ورقتها

 

02 مايو 2010

عمر الحلو ما يشبه بعضه

عمر الحلو مايشبه بعضه

شوف المنجه والمشمش !
برده الحادق يخلف طعمه
هى الرنجه زى المش ؟
حال الدنيا بنفس الفكره
يوم على وش ويوم على وش
يوم التوب ع الجسم مبحبح
يوم تلاقيه ع الجسم يكش
دنيا وفيها الخل الصادق
واللى حياته خداع على غش
واللى يموت من اجل مبادئ
واللى يحارب لجل يقش
واللى ينام فوق ريش نعام
واللى ينام على كومة قش
مش راح تخلص مهما تحاول
تفحر فيها  00 أو تنبش ! !


02 مايو 2010

اجيلك بشوقى لحدك


اجيلك بشوقى  لحدك

وحاول اعيدك وردك
وقضّى سنينى ياغالى
اعد الساعات و الليالى
ويسرح  معايا   خيالى
فى لحظه لقاك  الخيالى
حسيبك لقلبك  يحاسبك
يلومك  يعاتبك    بدالى
ولو راح  عنادك   يزيد
وتبدى الخصام من جديد
ولا اقدرشى تانى استردك
حبطل احبك ..حبطل احبك


02 مايو 2010

ادى حالى شوفى حالى واعمليلى اى حاجه


ادى حالى   شوفى حالى واعمليلى   اى حاجه
حاولى تيجى تهدى بالى  قبل م تضيع كل حاجه

العيون تسهر ليلاتى    تشكى اوجاعها لنياتى
تتعزف الحان حزينه  وانتى خاليه البال تباتى
ادى حالى   شوفى حالى واعمليلى   اى حاجه
حاولى تيجى تهدى بالى قبل م تضيع كل حاجه

رمش باكى وقلب شاكى  من اساكى ياحبيبتى
زيدتى حيرتى وارتباكى   من بعادك ياحبيبتى
ادى حالى   شوفى حالى  واعمليلى   اى حاجه
حاولى تيجى تهدى بالى  قبل م تضيع كل حاجه

كان بيمشى كف ايدك   يمسح الاهه ف جبينى
والتقيكى ف قلب نارى  ماده ايدك بتجبينى
ارجعيلى ياحياتى  عمر قلبى ما نساكى
بس عودى كيف ما كنتى 
وكنت انا عايش معاكى
وادى حالى   

لما يمشى كف ايدى  ويلمس القصه ف جبينك
القى دمى يزور وريدى  واعشق البصه فى عينكى
ارجعى يابايعه حبى     ارجعى لقلب اشتراكى
مش حتلقى حد زيى   عاش ليالى الشوق معاكى
وادى حالى  


02 مايو 2010

اربعيات


  زمان عارض عليك تفرح وتتهنى
وليه قلبك ما بينقيش غير الاحزان
وحزن تقيل ، وحزن خفيف ، وحزن اخف
تروح ايدك علي اتقل ما ف الاوزان
   


ما حملتكش فوق طاقتك  واسمى لسه في بطاقتك
وعينى بصَّه من طاقتك وجىّْ تقوللى اخطأتك ؟
  

صحيح الدنيا فراقه  صحيح الفرقه حراقه
لكن بنقول لبعضينا  مسير الحى يتلاقى 
·       

ارجع وافتح لى ف قلبك  وكفايه عليَّا مقالبك
انا كنت زمان روح قلبك  ونا فى الامكان اروح قالبك 
·      

صابونى عنيك  وفين وعدك يا ناسى فين
رموشك دُول  اكيد ولاَّ  يا ناس سيفين
ساعة لما ادوب فيهم  بيتداروا ومتكسفين
ولو ابدأ واهملهم  يقولوابلاش  خلاص اسفين 
·     

اسرنى لونِك الدهبى   شعلتى بالهوى لهبى
ونفسى اجى مع اهلى   وجايب شبكتى ودهبى


سيبناك يا شوك تملى الطرق هنا وهناك
ولا حد فيـنا يوم جُـرؤ وراح جناك
خفنا على الايد تنجرح سيبنا الفراق بنا برح
قام الحسود فينا شمت وادى العزول فينا فِرح


احنا اثنين حلوين وبساط  مفروشه الدنيا عشنا بساط
بس الفرحه اخرها فاتوره  راح تدفعها  بدون اقساط
 

حبيبى هواك محيرنى من النوع اللى ساعات وساعات
ساعات احلى من المنجه ساعات مانجا من اللسعات
  

قلبك ما بيرحم جرح عالجرح بيرمى الملح
ولا يقبل يسمع شرح وبينسى ليالى الفرح
 

لو خفت من طيرك  ما تسيبه متريش
عمره ف شجر غيرك  ما يحط ويعشش
قصقص جناحاته  ون عاد يطير هاتو
واقفل في شباكك  ما تسيبه متشيش 
·    

ايه جرى للحلو ماله  مش بييجى أو يفوت
اختفى م الكون هلاله  عاد لاسلوب السكوت

زى ما يكون ضاع له ماله  ولاحاجزين ع البيوت

ولا كان زارعها منجه  التقاها طارحه تويا اجمل    

يا اغلى عندى م النسمه     يِزيدك صاحب القدره
شفايفك وانتى مبتسمـه   بتكسى الارض بالخضره
ويبقـم ورده مترسمـه     بدون احمر ولا بدره
سنين دورت على زَيِّـك  ما نيش لاقى من الندره
  

سامحـنى ان كنت زعلتك    وخيلت العيون تسهر
ودمعك يجرى على خـدك  وحزنك في العيون يظه
ردا كان من حرصى على حبك  وخوفى يقل أو ينقص
وتعشق غيرى ونا اطـلع  من المولد بلا حمص 
 

ليه مصمم على فقدى وسعيت تسيبنى بالعجل
ونا اللى شارياك بالنقدى وعايز تبعنى بالاجل 


زرعت الشك جوايا ونا الشك يقلقنى
يهد سعادتى وهنايا ون اتمكن ما يعتقنى
يلخبط صبحى في مسايا وناره الحاميه تحرقنى
ولا اعرف له بقى نهايه يا تلحق  يا ما تلحقنى


صبرت ونلت من ورا صبرى كل المر
وقلت ياليل    طلت   قصرت   اكيد ح تمر
ضحك لى الليل وقال ياهبلحمر سواد   
عشان الناس   عليك بتقر


يوم الاخره بانت  علا ماته
الحب والوفا م القلوب ماتو
والضماير من زمان  نامت

يارب اسرع بقى وهاتو

02 مايو 2010

ازاى احبك وازاى اميل لك


ازاى احبك  وازاى اميل لك   
وانتى اصلا كارهه نفسك 
العيون بدأت تملك  
وابتديت فى الكره انافسك 
ارجعى تانى لجحرك  
والبدى ف احضان خنافسك


اسكت يالسانى ماتقول وتعيد


اسكت يالسانى  ماتقول وتعيد
ينسانى ينسانى مش حيغيب عيد
ماتقولش نحنوا    ونقرب منه
الاحسن انه   يفضل ويتنو
عن قلبى بعيد عن قلبى بعيد

بيغيب ويفارق ويمشى  
من غير اسباب ولا فيه داعى
وبيبعد عنى ما يسالشى  
ولا هموش حيرتى واوجاعى
ونحايل فيه ولا يقبلشى      
ولا راحم قلبى ولا مراعى
دا كانه باينو ما يعرفشى
انا عمرى ما حد لوى دراعى
ومادام راح يهجر ويجافى 
وحيرمى الحمل على كتافى
الاحسن انه 
يفضل ويتنوعن قلبى بعيد  

ايه يعنى حتدبل اوراقنا   
ايه يعنى حتكتر شكاوينا
دا بعاده اكيد  حيروقنا  
وخصامه ما حياثر فينا
دحنا على عناده اتفوقنا 
وفراقه ما عادش يبكينا
لو حبل غرامه حيخنقنا 
راح نقطع حبله بسكينه
ومادام راح يهجر ويجافى
وحيرمى الحمل على كتافى
الاحسن انه
يفضل ويتنوعن قلبى بعيد  
عن قلبى بعيد


02 مايو 2010

اشكى منك لأ فشر


اشكى منك لأ فشر
انتى   مش زى البشر 
انتى واقفه ف قلب زورى
زى مبرد واتحشر 
بس جايز تبقى احسن
لو لسانك  يتنشر!!!

02 مايو 2010

اشوف وشك بخير لو كان فراقى يريحك


لو كان فراقى يريحك 
وعنيكى شايفه حد غيرى
فى بحور هواه ح يسبحك
وعليه من النسمه تغيرى
خلاص نفارق بعضنا  
ونسيب بلادنا وارضنا
وما حد فينا يعيش ضنا
ولا تتعبي قلبى وضميرى
واشوف وشك بخير اشوف وشك بخير

مدام قرار البعد عنى 
كنتي واخداه باختيارك
ولا عارفه ان البعد عنى  
راح يزيد النار فى نارك
وفاكره انك قال كدا  ح تزيد سعادتك
وناسيه اجمل وقتنا ناسياه كعادتك
انا موافق نفترق  وعمرى منى يتسرق  
و قلبى بعدك يتحرق
لو عن عيونى ف يوم بعدتك
وعشان ماكان بنا ياغاليه 
باستاذنك واستسمحك
سيبى مكان لروموش عنيه 
منه تقدر تلمحك
واشوف وشك بخير اشوف وشك بخير

لوجت ظروفك مش فى صالحك
وندمتى يوم على قرارك
ورجعتى طالبه منى اصالحك      
حتلاقينى فى انتظارك
وقلبى راح يفضل شاريكى    ودقه ليكى
ومهما يجرى باوعدك    ح انسى مرارك
بس اوعدينى ف وقتها
راح تنسى موضوع  الفراق
وسعادتى اللى  فقدتها  
راح اقولها دا حبيبى راق
ولا محتاجين بقى نفترق  
وعمرى منى يتسرق
وقلبى بعدك يتحرق
لوعن عيونى ف يوم بعدتك
واشوف وشك بخير
اشوف وشك بخير

02 مايو 2010

اظن يعنى كدا كفايه آن الآوان بقى نتفارق


اظن يعنى كدا كفايه
ايوه كفايه ايوه كفايه
آن الاوان بقى نتفارق
وكل واحد فى طريقه
احط لعذابى نهايه
اى نهايه اى نهايه
وانقص العشاق عاشق
كان كل روحه ف عشيقه

ياللى زمان كنت بحبك
وكان هواك هو منايا
خلاص ماعدت بقى بتهوى 
خلقت لغرامنا نهايه
ضحكنا اخرضحكايه 
وبكينا اخر دمعايا
خلاص ما فيش بنا حكايه
ولا عادش ليك حاجه معايا
وشايفه ان كدا كفايه
آن الاوان بقى نتفارق
وكل واحد فى طريقه
احط لعذابى نهايه
وانقص العشاق عاشق
كان كل روحه ف عشيقه

دنيا الغرام دنيا ما تسوى 
تقبلها كدا زى ما هى
بتعيشك ساعه القسوه
وتعيشك ثانيه هنيه
تتوهك سنه فى همومها 
تديك دقيقه الحنيه
والعشق له اهله وناسه 
يستحملوه مهما يقاسو
لكنىّ مش حمل عذابه      
ولا قد ناره وحريقه
وشايفه ان كدا كفايه
آن الاوان بقى نتفارق
وكل واحد فى طريقه
احط لعذابى نهايه
وانقص العشاق عاشق
كان كل روحه ف عشيقه


· شوهد 1764 مرة · تعليق 1
الفئات: الفئة الأولى
مُشاطرة هذه المقالة على: del.icio.us · Digg · Furl · Google · Scuttle · Yahoo · 

رابطة دائمة توجه نحو المقالة بأكملها

http://31febrayer.ahlablog.com/NCYE-EaYi-b1/aIaaE-CaCIEa-aIaaa-OCEa-Ea-CaUCAaC-b1-p472.htm

التعاليق

هذا التعليق وضع من طرف: زائر [ زائر ]
اظن يعنى كدا كفايه
   22/05/2015 على الساعة 17.44:55

وضع تعليق

مرتبة التعاليق الجديدة: تم نشره





سيتم اظهار رابطك (Url)


المرجوا أن تُدخل الرمز الموجود في الصور


نص التعليق

خيارات
   (حفظ الإسم, البريد الإلكتروني و الرابط في الكوكيز.)