آخر التعاليق

شهر رمضان الكريم بعد غد الخميس ...

15/05/2018 على الساعة 20.00:26
من طرف shawki


شهر رمضان الكريم بعد غد الخميس ...

15/05/2018 على الساعة 19.59:40
من طرف shawki


بس لو تعرف تحـب

01/05/2018 على الساعة 01.07:52
من طرف admin


طبع الزمان غريب عجيب

01/05/2018 على الساعة 00.16:01
من طرف admin


طال الزمان ولاّقصر

30/04/2018 على الساعة 23.55:02
من طرف admin


يا ويح نفسي من حزن وأشواقي. أكلف ...

08/02/2018 على الساعة 17.26:04
من طرف wegdan


رب القلوب هو اللى عالم يارافت

08/02/2018 على الساعة 17.22:08
من طرف wegdan


رجعت من تانى ياقاسى بتشتكى وتقول ...

08/02/2018 على الساعة 17.18:51
من طرف wegdan


يا بعيد الدار عن عينى ومن ...

08/02/2018 على الساعة 17.15:25
من طرف wegdan


اين انت الان بل اين ...

08/02/2018 على الساعة 17.11:26
من طرف wegdan


وعجبى

06/02/2018 على الساعة 20.09:12
من طرف شاكر


اظن يعنى كدا كفايه ايوه ...

06/02/2018 على الساعة 16.21:07
من طرف wahed


لست ادرى ياحبيبى يا حبيبى من ...

06/02/2018 على الساعة 00.57:57
من طرف raaf


انظر الآن فى مرآتك لترى نفسك ...

05/02/2018 على الساعة 18.23:20
من طرف mofeed


اتعدمتى ليه ياصحه

05/02/2018 على الساعة 01.24:21
من طرف raaf


يومية

مايو 2018
الإثنينالثلاثاءالأربعاءالخميسالجمعةالسبتالأحد
 << < > >>
 123456
78910111213
14151617181920
21222324252627
28293031   

المتصلون الآن؟

عضو: 0
زائر: 1

الكلمات المحورية.

إعلان

اختيار التصميم



الروابط

رافت توفيق ( FIKOO )

24 يونيو 2012 - 13.31:49

مدونه الاحبه (مدونه سابقه تم الغائها )



02 مايو 2010

افتح صفحه تلاتين مارس


افتح صفحه تلاتين مارس  بص عليها ف اى اجنده
حتشوف صورتك ماليه الصفحه  طالّه عليا وعماله تنده
بص عليها حتلقى ساعتها فيه تحتيها رساله باعتها
وبقول فيها مبروك عيدك   وتعيش ليا وكلام من ده
عقبال ماحيا العيد الميه  واقدم لك انا  احلى هديه
اقرا كلامى وعيش احلامى مع دعوات قلبى اللى داعتها
انت حبيبى واغلى ما ليا عايز اشوف ردك فى ساعتها


02 مايو 2010

افتريت انا واتنفخت وعشت ممروع بالقوى



افتريت انا واتنفخت  وعشت ممروع بالقوى
عمرى مره ما اتلبخت   وكنت واعى بالقوى 
ضحكت ياما ع الدقون  وعملت فيها فهلوى
وبايدى اعمل كل شىء    واد مدقدق بالقوى 
دوست فوق ناقه زتون زحلقتنى ع الصابون
خبطتنى فى الرصيف      قمت منها مستوى 
رد فرع من الغصون   قاللى قوم ياسبع قوم
قوم ونفض الهدوم    تحب احسن تنكسر
ولا كفايه تتلوى  ؟


02 مايو 2010

افوتك ليالى وارجع اودك وحاول بكل الطرق استردك


افوتك ليالى  وارجع اودك  
واحاول بكل الطرق استردك
ورغم ما بعمل ياروحى عشانك
بترفض بعندك ترجع حنانك
ولا يهون عليك حتى لحظه تشوفنى   
وتقفل قصادى بايدك ببانى
واقضّّّى  حياتى فى بعدك ياغالى  
مسهر نياتى تعد الليالى
ويسرح معايا فؤادى و خيالى 
فى لحظه لقايا ولقاك الخيالى
حسيبك لقلبك وهو يعاتبك
يلومك يسامحك  يحاسبك بدالى
ولو راح تصمم  وتبعد بعيد 
ولاقى ان هجرك حيفضل يزيد
ولا اقدرشى تانى لقلبى اردك
ح ابطل احبك  ح ابطل احبك


اتمنى ييجى يوم   احكيلك ع اللى فات

ايام عد النجوم     و المشى مع البنات

ايام سلوى و شرين     وسها وماجده ونجاه

وهدى ونجوى ونفين ونهى وشاديه وزينات

كنت مرتبهم كشوف        ومقسمهم حروف

ومعلمهم بشىء         ما يكشفهوش عشيق

وتبع م العين تشوف    مين فى دماغى يبات

بس اوعى يوم تغيرى   وتروحى لحد غيرى

وافقد سعدى وهنايا         وبدمع العين ابات

فيه مره جت  حنان      وساعتها جت  سعاد

وف نفس اليوم كمان     سهتنى و جت وداد

اتارينى كنت ناسى        واديت نفس الميعاد

كنت مرتبهم كشوف         ومقسمهم حروف

ومعلمهم بشىء          ما يكشفهوش عشيق

وتبع م العين تشوف     مين فى دماغى يبات

بس اوعى يوم تغيرى    وتروحى لحد غيرى

وافقد سعدى وهنايا         وبدمع العين ابات



 اجيلك بشوقى مادد لك اديه 
تقسى عيونك ياقاسى عليه
وترفض اديه اللى جت ممدودالك
وتفضل مخاصم عنيه ودا حالك

اشاغلك   احايلك اداعبك   وشايلك      
فى ننى عيونى    وقافل  رموشى
مغطى جفونى  ياغالى  بضفايرك
معيش عيونى ف سهر مايناموشى
ورغم ما بعمل ياروحى عشانك      
بترفض بعندك ترجع حنانك
ولا يهون عليك حتى لحظه تشوفنى 
وتقفل قصادى بايدك ببانى
واقضّّّى  حياتى فى بعدك ياغالى      
مسهر نياتى     تعد الليالى
ويسرح معايا فى بعدك خيالى      
فى لحظه لقايا ولقاك الخيالى
حسيبك لقلبك     وهو يعاتبك     
يلومك يسامحك يحاسبك بدالى
ولو ارتايتك ح تبعد بعيد          
وشفت ان هجرك حيفضل يزيد
ولا اقدرشى تانى لقلبى اردك
ح ابطل احبك ح ابطل احبك

 

02 مايو 2010

اكمنك جارى وم الجيهه


اكمنك جارى وم الجيهه 
وجميل وعليك طله وجيهه
انا كل ما ابعد ع الحته 
ارجع من تانى  واجيها 
مش بقدر اغيّّب  ع الحته  
اليوم فى بعادك بقى سته
وبدأت ادوب حته بحته 
من طول اشواقى اللى انا فيها
دا انا اول م ابعد وفارقها
ارجع من  تانى واجيها 

بشتاق لك وانت قصاد عينى 
واتمنى عيونك تراعينى
وساعه ما افتح لك دراعينى 
ادينى كفوفك اطير بيها
دا نا كل ما ابعد ع الحته 
ارجع من  تانى واجيها 
اكمنك غالى بتدلل 
وازيد فى هواك انت تقلل  
وتغيب وتجينى بتتعلل 
ولا قولتش يوم حجه وجيهه
د نا كل ما ابعد ع الحته 
ارجع من  تانى واجيها 

ياحبيبى ياساكن جار منى 
على قد ما تقدر طمنى
اكمنى بحبك واكمنى   
مابنام لو عينك ماناجيها
د نا كل ما ابعد ع الحته 
ارجع من  تانى واجيها 
من شوقى اليك لما بعزل
كل ما اطلع ارجع انزل
من عاشر دور   والف وادور 
واغرق فى بحور
وعشانك انت اعديها
د نا كل ما ابعد ع الحته  
ارجع من  تانى واجيها 
مشتاق لحنانك ولازمنى 
محتاج لخيالك يلازمنى
وياريتك تقبل تعزمنى  
على لحظه حب ندوب فيها


02 مايو 2010

الحب السلبى


اعيش الان اجمل قصه حب سلبى  ، 

ستقول لى وهل هناك ما يسمى بالحب السلبى ؟

لم نسمع على هذا النوع من الحب !!
سوف ارد على سؤالك بسؤال الم تمسع عن التدخين السلبى ؟
ستقول نعم هناك تدخين ايجابى وهناك تدخين سلبى  ، فالتدخين الايجابى يتولاه من يجلس امامك مدخنا اما التدخين السلبى فتتولاه انت باستنشاقك دخانه وانت جالس امامه تشم رائحه الدخان.
هكذا الحب السلبى  ، فانا الان اعيشه ، استنشق رائحته من محبين يعيشون معى كضيوف يجلسون امامى  ، يتعاطون الحب كمدمنين له وهم ليسو بسابقى خبرات فيه ، واستنشق انا سحابات دخانه من جلوسى امامهم .
هذا هو الحب السلبى الذى استمتع به الان .
والفرق بين الحب السلبى والتدخين السلبى ان الاول مفيد ومفيد جدا بينما الثانى ضار وضار جدا ، الاول مطلوب ويسعدك كثيرا  وينفعك ، والثانى مكروه ويؤذيك ويضرك .
انصحك ان لم تكن تعيش الحب الايجابى ،  فحاول ان تحصل علي الاقل على هذا الحب سلبيا  واؤكد لك بانك سوف تكون سعيدا  وجدا.


02 مايو 2010

الحلو حلو ومن يومه القلب يسعد بقدومه


الحلو حلو ومن يومه    القلب يسعد بقدومه
الناس تحليها هدومها   وهو بيحلىّ هدومه 
الحلو عارف انه جميل    مش لازمه حد يقولها له
ولاهو عايز اى دليل       علشان يأكد له جماله
دا الحلو حلو ومن يومه     القلب يسعد بقدومه
الناس تحليها هدومها     وهو بيحلىّ هدومه 

جماله واضح قوى ملحوظ    تشوفه لما يهل عليك
وتبقى هانى سعيد محظوظ  لورمشه يلمح مره عنيك
دا الحلو حلو ومن يومه    القلب يسعد بقدومه
الناس تحليها هدومها     وهو بيحلىّ هدومه

02 مايو 2010

الحلو يفوت بدلال وسكوت ومخبى هواه فى عيون عفاريت


الحلو يفوت بدلال وسكوت
ومدارى هواه ف عيون عفاريت
ونا قلبى رقيق زى البسكوت
م القسوه عليه ح يروح فتافيت
اتكلم قول ان كان بتحب  
الا الكتمان صعب ويتعب
ح تخبى السر ف اغوط بير
وتحط عليه قفل وجنازير
ح يبان ف عنيك لو تعمل ايه
والناس حواليك ح يحسو دا ايه
وساعتها ح تجرى عليا تقول
ياريتنى صارحتك بدرى ياريت 

بتخبى غرامك تحت الرمش
وتدارى هواك ولا تتكلمش
ريحنى وبوح وكفايه عذاب
وصارحنى وبوح عن سر هواك
كل م ح نزيد عن بعض غياب
ح تبات مجروح وجارحنى معاك
ح تخبى السر ف اغوط بير
وتحط عليه قفل وجنازير
ح يبان ف عنيك لو تعمل ايه
والناس حواليك ح يحسو دا ايه
وساعتها ح تجرى عليا تقول
ياريتنى صارحتك بدرى ياريت 

ياللى بتتقل لو مره اناديك
انا ليا عتاب ياحبيبى عليك
الشوق ف عيونك طول اليوم
ومطيّر منهم طعم النوم
وف بحر العند بدأت العوم
وتبات سهران لادان الديك
ح تخبى السر ف اغوط بير
وتحط عليه قفل وجنازير
ح يبان ف عنيك لو تعمل ايه
والناس حواليك ح يحسو دا ايه
وساعتها ح تجرى عليا تقول
ياريتنى صارحتك بدرى ياريت

02 مايو 2010

الحنين فى الزمان ده بيكون حنين لو فقير


الحنين فى الزمان دا يكون حنين لو فقير
يدى ما بتملك اديه للى جنبه و ينام قرير
بس ركك لو اديه طالت فلوس
تسأله..... فين ياتاج الراس عطاك ؟؟؟
يسد ودنه ما يسمعك.....و يبدأ النوم والشخير!!!


02 مايو 2010

ياللى انتم ع التدمير داخلين مع بعض سباق


ياللى بتخترعوا قنابل وسلاح يفنى الاجناس
ازرعوا في الارض سنابل واسهموا بالخير للناس
وكفايه دمار وخراب والنور تكسوه بضباب 
ياللى نهاركم قايمين والليل تقضوه نايمين
ولافيش عالبال غير ايه يقدر يقتل ملايين
يقدر يمسح ميادين أول ما تدوسوا عليه
وبدال ما تحاولوا علاج لمرض فتاك أو داء
بتزيدوا على الانسان  اعداء فوق الاعداء
وتضحوا بناس امنين  بالحب كانم عايشين 
ياللى انتم ع التدمير داخلين مع بعض سباق
بتشوفوا الاسرع مين  في الهدم وفى الافناء
توهتوا عقولنا يا ناس خوفتونا الانبــــاء

02 مايو 2010

من غيرك انتى يادموعنا تبقى الحياه مالهاش معنى


من غيرك انتى يادموعنا  تبقى الحياه مالهاش معنى
لولا نزولك ف همومنا   لكنا من بدرى ولعنا 
فى الحزن دايما نحتاج لك  ويوم ماحد يودعنا
مش بس ساعه احزاننا  ولا بس ساعه اوجاعنا   
و الدمع له انواع ياما  م الفرح برضو يدمعنا 
وكل دمع وله عوزه  وكل دمعه ولها معنى 
فيه دمعه ننزل فى لقانا   ودمعه تنزل فى وداعنا
وحتى ساعه افراحنا  عنينا تبكي طب اشمعنى 
فيه دمع ينزل من عينا  على حبايب بايعنا
ولجل ما ننسى اساهم  دموع عيونا بتعنا 
فيه دمع تبكيه جوارحنا من غدر جارنا اللى فى ريحنا
اللى معاه ياما شاركنا   وبكينا اكتر ما فرحنا 
ودمع اسمه دموع تماسيح ما تقدروش لو شفته يسيح
لا صاحبه حد سبق و اذاه ولا حد سابه ف مره جريح 
فيه دمع ينزل على توبنا  يبكى قدرنا ومكتوبنا
ودمع ساعه ما بنخطأ  ودمع ساعه لو توبنا       
ودمع يشحت عطف الغير عشان ما يعمل فيك الخير
ينزل فى ساعه لما تعوزما يهمهوش فين خط السير
يسبق نزوله لويه بوز وسخط دايم ع المقادير 
ودمع لو تسمع  مبروك من ناس فى فرحك بيشاركوك
ودمعه تجرى كما البنور ساعه ما تبقى ف حضن اخوك 
ودموع تسيل عمال بطال حنفيه خاليه من الاعطال
صاحبها لوكان ف مسابقه يطلع بريمو على الابطال 
يادمعه ربى يخليكى  بيفضفض الانسان بيكى
ولما حاجه تبكينا  تنزاح همومنا على اديكى


02 مايو 2010

الزمان دا الناس يا اما او يا اما


الزمان دا الناس يا اما او يا اما

ناس عيشتها فى الحضيض
يا اما فوق على اعلى قمه
يامخلصين   ومليانين حب ووفا
يامعدومين من اى ذمه
بس الغريب فى اللى جارى
ان دولا ولا دولا
امزجه مش مستجمه     وعجبى!!!

02 مايو 2010


مثل اعجبنى قرأته فى موقع الكومبيوتر الكفى


لا تجادل الأحمق ، فقد يخطئ
الناس في التفريق بينكما

 


· شوهد 1742 مرة · تعليق 1
الفئات: الفئة الأولى
مُشاطرة هذه المقالة على: del.icio.us · Digg · Furl · Google · Scuttle · Yahoo · 

رابطة دائمة توجه نحو المقالة بأكملها

http://31febrayer.ahlablog.com/NCYE-EaYi-b1/aIaaa-CaCIEa-aIaaa-OCEa-Ea-CaUCAaC-b1-p470.htm

التعاليق

هذا التعليق وضع من طرف: زائر [ زائر ]
الله يأذيك ياللى اذتنى
   22/05/2015 على الساعة 17.33:50

وضع تعليق

مرتبة التعاليق الجديدة: تم نشره





سيتم اظهار رابطك (Url)


المرجوا أن تُدخل الرمز الموجود في الصور


نص التعليق

خيارات
   (حفظ الإسم, البريد الإلكتروني و الرابط في الكوكيز.)