آخر التعاليق

شهر رمضان الكريم بعد غد الخميس ...

15/05/2018 على الساعة 20.00:26
من طرف shawki


شهر رمضان الكريم بعد غد الخميس ...

15/05/2018 على الساعة 19.59:40
من طرف shawki


بس لو تعرف تحـب

01/05/2018 على الساعة 01.07:52
من طرف admin


طبع الزمان غريب عجيب

01/05/2018 على الساعة 00.16:01
من طرف admin


طال الزمان ولاّقصر

30/04/2018 على الساعة 23.55:02
من طرف admin


يا ويح نفسي من حزن وأشواقي. أكلف ...

08/02/2018 على الساعة 17.26:04
من طرف wegdan


رب القلوب هو اللى عالم يارافت

08/02/2018 على الساعة 17.22:08
من طرف wegdan


رجعت من تانى ياقاسى بتشتكى وتقول ...

08/02/2018 على الساعة 17.18:51
من طرف wegdan


يا بعيد الدار عن عينى ومن ...

08/02/2018 على الساعة 17.15:25
من طرف wegdan


اين انت الان بل اين ...

08/02/2018 على الساعة 17.11:26
من طرف wegdan


وعجبى

06/02/2018 على الساعة 20.09:12
من طرف شاكر


اظن يعنى كدا كفايه ايوه ...

06/02/2018 على الساعة 16.21:07
من طرف wahed


لست ادرى ياحبيبى يا حبيبى من ...

06/02/2018 على الساعة 00.57:57
من طرف raaf


انظر الآن فى مرآتك لترى نفسك ...

05/02/2018 على الساعة 18.23:20
من طرف mofeed


اتعدمتى ليه ياصحه

05/02/2018 على الساعة 01.24:21
من طرف raaf


يومية

مايو 2018
الإثنينالثلاثاءالأربعاءالخميسالجمعةالسبتالأحد
 << < > >>
 123456
78910111213
14151617181920
21222324252627
28293031   

المتصلون الآن؟

عضو: 0
زائر: 1

الكلمات المحورية.

إعلان

اختيار التصميم



الروابط

رافت توفيق ( FIKOO )

24 يونيو 2012 - 13.33:58

مدونه الاحبه (مدونه سابقه تم الغائها )




النهارده غير زمان كل وقت وله ادان


النهارده غير زمان   كل وقت وله ادان
تدى حبك تجنى حبى   تبدى صدك تلقى صدى
زى فعلك يبقى ردى  وقد ما بتدينى حدى

والنهارده غير زمان  كل وقت وله ادان


النهارده العذاب  والالم فى قلوبنا زاد
وبسبب كتر الفراق  انتهى وضاع الوداد
والحنان بدلته ليه  وابتديت قسوه وبعاد
ماتعاتبنى لما ابقى   مش عاطيك نفس الحنان
كنت عندى انت ابقى   ليا م الروح والكيان
تدى حبك تجنى حبى  تبدى صدك تلقى صدى
زى فعلك يبقى ردى  وقد ما بتدينى حدى
وكل وقت وله ادان
 

اليومين دول ليه بقيت    مش بتتحمل جروح
بالمراره اتمليت   وابتدى حلوك يروح
وابتديت اشم غدرك   من بعيد ريحته تفوح
كان سابقنى ف كل خطوه   التقيه مطرح ماروح
ماتعاتبنى لما ابقى   مش عاطيك نفس الحنان
كنت عندى انت ابقى   ليا م الروح والكيان
تدى حبك تجنى حبى  تبدى صدك تلقى صدى
زى فعلك يبقى ردى  وقد ما بتدينى حدى
وكل وقت وله ادان  

النهارده ان كنت افضفض  ولا احكيلك واقولك   
حتى جزء من الشريط
ولا بسمه خدى تبهت اودموع من عينى تنزل 
التقي قلبك يشيط
والتقيك تغضب وتمشى    واللى بنا سنين يروح
ماتراعينى لو مانامشى   او تزيد فيا الجروح
ماتعاتبنى لما ابقى   مش عاطيك نفس الحنان
كنت عندى انت ابقى   ليا م الروح والكيان
تدى حبك تجنى حبى  تبدى صدك تلقى صدى
زى فعلك يبقى ردى  وقد ما بتدينى حدى
وكل وقت وله ادان  

النهارده ان كنت ابوحلك باللى بيا ولا اصارحك
ولا اقول عن حيرتى القى  الكلام عن حيرتى فارحك
لما بسمه خدى تبهت   او تشوفنى دقيقه بسرح
ولا دمعه عينى تنزل  التقيك فى دموعى تفرح
انت مش انت القديم  اللى قلبه كان كريم
النهارده مش فى صالحك لو خاصمتك مش حصالحك
ون لقيت جرحك بينزف  مش حداوى بايدى جرحك
او تلومنى لوماقلبى  كان عاطيك نفس الحنان
تدى حبك تجنى حبى   تبدى صدك تلقى صدى
زى فعلك يبقى ردى  وقد ما بتدينى حدى
والنهارده غير زمان  كل وقت وله ادان 

كان زمان قلبك حنين  مهما اعمل فيه ما يقسا
لوخاصمتك ما يبين   كان فى نفس اللحظه ينسا
لو تطول الوحده بيا   كات عنيك تفضل لى ونسا
لويتوه الشط منى   كان فى حضنك الف مرسى
ون لقيت الابتسامه    فوق خدودى اتغيرت
ولا ساب الشوق علامه اوعيونى اتحيرت
ولا تاهت خطوتى      ولا شمسى اتديرت  
كنت ما تنامشى الليالى الا ان لقيتها نورت
النهارده ليه بشوف   كل حاجه اتغيرت
والتقى القلب الحنين    يبدأ الهجران وينسا
كان زمان يرفض يبين  كان فى نفس اللحظه ينسا
اليومين دول ليه بقيت   مش حبيبى بتاع زمان  
بالقساوه اتسقيت   واتردم نهر الحنان
ماتعاتبنى لما ابقى   مش عاطيك حبى اللى كان
كنت عندى انت ابقى   ليا م الروح والكيان
تدى حبك تجنى حبى  تبدى صدك تلقى صدى
زى فعلك يبقى ردى  وقد ما بتدينى حدى
وكل وقت وله ادان 

كان زمان تعمل ما تعمل قلبى كان وياك صبور
تفتكرنى ولا تهمل  عمرى ما ازعل او اثور
لو حتفضل ع العناد دا  راح تلاقى بنا سور
دا النهارده الاحتياج  للحنان والحب زاد
والسعاده والابتهاج   والمحبه والوداد
ما عادشى فيه طب وعلاج  للاسيه والعناد
والغرام مش بالمزاج   مره قرب اتنين بعاد
ماتعاتبنى لما ابقى   مش عاطيك نفس الحنان
كنت عندى انت ابقى   ليا م الروح والكيان
او تلومنى لما اصارحك  ولا اقول ضاع الامان
النهارده مش فى صالحك  النهارده غير زمان
لوخاصمتك مش حصالحك  كل وقت وله ادان
تدى حبك تجنى حبى  تبدى صدك تلقى صدى
زى فعلك يبقى ردى  وقد ما بتدينى حدى
وكل وقت وله ادان

14 مايو 2010

الناس بقى مالها كفرت بامالها وازداد اهمالها


الناس بقى مالها
كفرت بامالها
هجرت اعمالها
وازداد اهمالها
واتغير حالها
زغلول كان قالها
واللا مافيش فايده
والناس بقى مالها ؟ 

ماتقول بتشائم
ماتقول بتلائم
ولا عاتب لائم
مش ناقصه شتائم
الليل بقى دائم
والشمس ماقايده
والناس بقى مالها ؟ 

الناس تعبانه
الناس زهقانه
وبطونها جعانه
م الجوع فجعانه
عايزه وخجلانه
قوله اه يانا
بقى هي السايده
والناس بقى مالها ؟ 

الغلا بهدلها
والفقر ف ديللها
والعجز ذاللها
فى هموها بتلها
مش لاقيه دليلها
والحاله اديلها
اجيال واهى زايده
والناس بقى مالها ؟ 

الحاجه والعوزه
بقو زى الجوزه
لازقين فى البق
والهم نافيهم 
وبرغم مافيهم
على بعض تنق
والناس بقى مالها ؟ 

القسوه ماليتها
والغيره كالتها
ولاعادش حيلتها
ما يسد رمقها
كان قبلا جبينها
بيسدد دينها
واهو طالع دينها
مش كافى عرقها
والناس بقى مالها ؟ 

اليأس ازداد
والامل انهار
وعطشهم زاد
رغم الانهار
شايفين الليل
ما طالعلو نهار
والناس بقى مالها ؟ 

الجوع بيقرص
والبرد يرصرص
وجناح متقصقص
ولا حد يخلّص
كله بيتملص
لو شر تزود
لو خير بتنقص
والدنيا البمبى
جايه بتترقص
لاحياه بتشجع
ولاموت بيخلص
والناس بقى مالها ؟


27 أبريل 2011

مافيش فايده


مافيش فايده
مافيش شامعه
بتفضل فى هواك قايده
وبتصمم
تطفى النور فى ايامى
ساعات تقصد 
ساعات النيه مش رايده
ويوم ورا يوم اقول يمكن
لاكين الطبع فيك غالب
ولانافع عشان يعدل
فى عوجانك200 قالب


12 يوليو 2011

ليه ياغزالى ياتاعب حالى


ليه ياغزالى ياتاعب حالى 
كنت مشارك ف اللى جرالى
رمش عنيه   لمحك مره  معدى عليا 
ولما ا صطادك
قام سهانى واخد التانى
وهجروا عنيه وسكنوا قصادك
وازاى حمشى  من غير رمش
ماتتحكمشى ورجعهولى
واوعى تسيبنى اواجه وحدى الايام 
وعذاب مجهولى
ماشى ياغزالى؟؟

12 يوليو 2011

ياصادقه ووفيه يااحلى هديه


ياصادقه ووفيه يااحلى هديه
ياسعدى وهنايا يااغلى ماليا

ياحلم اللى صاحى ياريشه جناحى
يابسمه صباحى يا شافيه جراحى

ياخلّى ورفيقى ياقمره طريقى
يادوب كلمه منك تحليلى ريقى

ياورده جنينتى يابويا وننتى
ياعيشه فى قلبى وجواه سكنتى

يابدرى المنور ياسكر مكرر
اقول ولا اسكت اعيد ولا اكرر

ياجيبالى توهه عشان مش لاقيكى
ياحته جاتوها بيدوب قلبى فيكى

يابندق ولوزه مابين فول حيراتى
يابخت البلوزه بتصاحبك ليلاتى

يافسدق مقشر ياضحكه مكشر
فداك رمش عينى لو انت تأشر
 

تعليق

دعني أحبك و اعذرني يا حبيب العمر
فقبلك بالحب لم تخفق نبضاتي
و لم تولد ضحكة ولا دمعة على وجناتي
و لم أكتب نثراً ولا شعراً على الورقاتِ
فأنت الفكرة و الإلهام في كل ابياتي
و أنت النور الذي يهدي خطواتي
و أنت النار التي إلتهمت حكاياتي
و أنت من كتب بيديه النهاياتِ
و أنت من شهد اليوم إحتضاراتي

 

12 يوليو 2011

وهنت عليك تلملم كل اوراقى


وهنت عليك تلملم كل اوراقى
تقطعهم وتحرقهم وتتأكد ما فيش باقى
وهنت عليك ترمّيلى فى اشيائى
وسعد عنيك تشوف حواليها اشلائى
نسيت قلبى نسيت حبى واشواقى
ماعاد قلبك على قلب اشتراك باقى

ورغم دا كله ياحبيبى انا ح افضل
كبير دايما عظيم دايما حكون راقى
ورغم دا كله ياحبيبى انا ح افضل
اصيل دايما ولو ح يزيدو اعدائى
ولو هجرونى احبابى
ومن حواليا مش لاقى
ولوح اقضل سنين انده
ولا تسمعش قى ندائى
ح اخلى الصبر ع البلوه
يكون دايما دائى ودوائى

 

18 يوليو 2011

حب النفس

ليه كل واحد فينا  بيقول يانفسى وبس

وتروح ف داهيه الدنيا  مادمت لم اتمس

انا والطوفان بعديه  شوف حجم حب النفس

ولا حد بيقول جارى غايب وما له حس

ولا اخويا فين متدارى اجرى وعنه اعس

الكل هجر الكل والحب ثمنه ابخس

ون جيت بقى للجد  ماحد بيشيل حد

تلمح فى ساعه الجد كل الببان تترد

كل الودان تتسد لايبان خبر ولا حس

يسمع صراخ جاره ما يفوتش باب داره

ليقل مقداره  يهرب ولا يندس

لاحد فات ولا طل  حتى السؤال ابطل

والاشتياق اعطل  والود قل وخس

قصر الغرام راح ليه ؟ اتقام مكانه شاليه

والعشق حطوا عليه ممنوع علينا اللمس

الحب مات وخلاص  دفنوه فى كام بلاص

اصله مع الاخلاص مواليد فى ساعه نحس

لوشىء بيحتاج دور بيكون انا الاول

لو حد كان مضرور  يبقى انت فى الاول

بيغنوا قال للحب  بكلام اكيد كداب

ما خلاص زمان الحب  ولا عادش فيه احباب

والشوق ما عاد ينشاف  لامع البخار ولاجاف

ولا عادش بنا خلاف  الدنيا ليا وبس

الكل بيردد

انا مالى يا عمى كان مين نعى همى

خلينى مع نفسى  يا شاهمتى اتلمى

اردب ماهو ليك  ماتجيش ساعه كيله

يملا العفر معاليك    وحيتعبك شيله

حتى المثل ياناس   مليان بحب النفس

لكن بعلو الصوت ح اصرخ ونا مبسوط

· شوهد 2011 مرة · تعليق 1
الفئات: الفئة الأولى

رابطة دائمة توجه نحو المقالة بأكملها

http://31febrayer.ahlablog.com/NCYE-EaYi-b1/aIaaa-CaCIEa-aIaaa-OCEa-Ea-CaUCAaC-b1-p471.htm

التعاليق

هذا التعليق وضع من طرف: زائر [ زائر ]
اذا ازاك عبد فاتركه لمالك السماء وسوف ترى فى اسرع وقت علامات الانتقام
   22/05/2015 على الساعة 17.42:44

وضع تعليق

مرتبة التعاليق الجديدة: تم نشره





سيتم اظهار رابطك (Url)


المرجوا أن تُدخل الرمز الموجود في الصور


نص التعليق

خيارات
   (حفظ الإسم, البريد الإلكتروني و الرابط في الكوكيز.)